TƐSALÓNIKA GƆ́LƆI HELE KÉLEI 2:10 - Kɛ́lɛ Niinaí

¹⁰ Sítii pa ti wu ngáá vá lóma su, aa ti ya yakpólowa pele bíh̃i bíh̃i su. Nátii pa ti wú tɔ́ɔ́ ló su bɔw̃álale, taá lokohéingɔ tɔɔỹáa gééla woí wú tɔɔ́ ló lá ngáá ti wumáá ɔ́ɔ́ wó.

TƐSALÓNIKA GƆ́LƆI HELE KÉLEI 2:10 Iomraidhean Croise

MÁFIYU 13:11

Kɛ Jísu i ti woo yápotenga, i ɣɛ ta, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ ngáá wú ngátɔ mba. Kɛ́ aa kɛngɔ́ ngáá pekaítii.

NJƆÚ 3:17

Sífaa Ngalá ngáá ngi H̃íỹɛndou Loí lɔ́vengɔ ngeléi sí wu ngáá í suu yélaitii kɔsɔ́ í faa bá ndá ti w̃a, kɛ́ laá ɣéle, í tí wumááwo.

NJƆÚ 5:34

Aa ngáá nuu búsa háá le ngóó kɔwɔ́ato mbá laá lɔ́ ngáá lokola ma. Kɛ́ ngí Nguya Wó Mɔ́i Njɔú ndái sí léngɔ nɔ́ɔ ngáá kɛinɔɔ́ wú ngumaawóngi w̃aahɔ́lɔ.

LÓÓMI 10:1

Mu mbála Yalá fɛ́li mbélai, ndíívo fáá wálai ɛ́ɣɛ ní Yála fɛli ngói Ngalá ngéle aá wáa ngáá ní vóngai, Ísulɔ yeláitii tí ngumaawóngi w̃ááhɔlɔ.

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

KƆ́L̃E HESENDAA GƆLƆÍ 1:18

Keela wói kɔwɔ́ato Kílisitii váándai wa kulɔ́sii w̃a, aá lɔ́ ngáá faa ỹááka sítii ngeyá tí wú ngáá ló sú. Kɛ́ muỹɛ́i Ngala ngáá mu wúmaawo, aa lɔ ngáá ngi yákpangi yaáh̃u ɣɛ́ngɔ ngáá mu ye.

KƆ́L̃E HESENDAA GƆLƆÍ 16:22

Nuí fíli ɛ́i ɣɛ́ lói ngáá Ndemɔí Jísu, Ngalángi háá bamaí í ɣɛ́ maa w̃ɔ́i w̃a. A mu Lemɔ́i Jísu, vá!

KƆ́L̃E GƆ́LƆI HELE KÉLEI 11:13

sífaa siỹɛngáá laalií sítii taa ngáá Ngalángi géélaa, taá ndɛ́i gɔ́ɔ́la kɔwɔ́ato ngengengí wa táá mbo ɛ́ɣɛ taá bɔwɔ́ gúla ngáá Ngala kééla ɣɛ kíli Kílisitii hááw̃a.

KƆ́L̃E GƆ́LƆI HELE KÉLEI 11:15

Faalɔ, aa ngáá kɔ́ɔ́la mba háá ná ngi yénge mbelái tiyá bɛ́lɛ taá yákpa ngáá ti bɔ́wɔ gula ngáá telembó ngénge mbélaa. Laáva ti yapúmai taá fáa báma w̃aahɔ́lɔ jɔ́ kíya kule í ma ti maahɔ́lɔ kɔwɔ́ato ti lúva velé ỹɔ́i wa.

KƆ́L̃E GƆ́LƆI HELE KÉLEI 2:15

Sífaa ni gúlangɔɔ lé ngáá ngɛ́i w̃ááku nɛɛ nɛɛngí sí taá tolí ngáá ísɛngi Kílisitii áá fé Ngalá mbɛ́, sí maakungí áá híya híya nungái sítii ndowah̃u táá ngumááwongi w̃aahɔ́lɔ ɛ́ɣɛ sítii ti wu ngáá ló su.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

TƐSALÓNIKA HESENDAA GƆLƆÍ 2:16

Ti longɔ́ɔ́ lé tí ni betéve Ngalá kééla woí wa níwaa ndé sítii ma taa ngáá Júsua kɛinɔɔ́ nátii tɔ́ɔ ngúmaawongi w̃ááhɔlɔ. Faa ỹɔ́i híí kpɛ́lɛɛ tí vílaa ngáá kɛ ngu tevéngɔi wul̃a ngáá ná. Ngalangí háá bamaí i folóa náa ti wa.

TƐSALÓNIKA GƆ́LƆI HELE KÉLEI 2:12

Faale, sítii kpɛ́lɛɛ tɛ́i ɣɛ́ lái ngáá tɔɔỹáa gééla woí, kɛ́ láa ɣéle, ti liivóngi í ngáá faa ỹɔ́u ɣɛ́ndai, Ngalá ngáá ti kpɛ́lɛɛ péle lála.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI HESENDAA GƆLƆÍ 2:4

Ngalá pa ndongɔ́ɔ́ lé nuu kpɛ́lɛɛ tí ngúmaawongi w̃ááhɔlɔ, ti ɣɛ́ tɔɔỹái wɔlɔ́.

HÍBULU 3:13

Kɛ́ aá ɣéle, a wááyaa ỹɔw̃ɔ́ ỹɔ́w̃ɔ liiwúúlɛ ngele fíli áá wó ná nɛ́nɛ kpɛ́ a mu táingi sí h̃u taa ɣɛ́ ma hááwɔ kɛinɔɔ́ faa ỹɔ́u ɣɛ́ndai álaa wú yákpolowa, ɔ́ɔ́ kɛ wɔ́ɔ́ ɣɛ́ ngáá ngoli h̃u bɔ́lɔ mbélaa.

PÍTƐ GƆ́LƆI HELE KÉLEI 2:12

Kɛ́ maa lɛ́ɛ́ gálambo mbo mbelaí nátii taa faa fíli súúhalata tɛ́i ngátɔ mba. Ti gúlangɔɔ lé ngáá ndɔbɔ húwaa, kele ɣelé fíli áá tí yɛ́, taá faa ɣɛ́ nɔ́ɔ naa yaah̃ú hááw̃a nɔ́ɔ, tiyɛ́i taa ti le nɔ́ɔ ngáá tí tí hóu, ná vólu, tí tí váá. Aáva kíya nɔ́ɔ taa ndɔbɔ húwaitii páa, ngimɔ́ɔ́ nɔ́ɔ ndɛɛ gálambo mbo mbélai sítii táa vá saa w̃ááhɔlɔma.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.