TƐSALÓNIKA GƆ́LƆI HELE KÉLEI 1:7 - Kɛ́lɛ Niinaí

⁷ Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

TƐSALÓNIKA GƆ́LƆI HELE KÉLEI 1:7 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 25:31

Jísu í mɔ́ɔ́ ɣɛ volú yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí áá vá áá hólo ngi yákpa maanɛɛnɛɛngí h̃u, aáva malékaitii kpɛ́lɛɛ tí mba, ngi gááma w̃asandai h̃u,

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 26:64

Jísu i ngoo yápoteni, i ɣɛ ma, “Ngimɔ́ɔ́ yí ndéa, kɛ́ ngí nde wú kpɛ́lɛɛ má, í síɣe náa háá w̃a í lí naa lúwɔ, wá lɔɔ vá nuí síí w̃ɔ́i taa ɣɛ́ ma Nuu Búsa Goo H̃ú Lói lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ i héini njɛ bilíítii nga áá vá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:62

Kɛ Jísu i ngoo yápotenga, i ɣɛ ta, “Eéi, aáva wá lɔɔ vá nuí sí w̃ɔ́i taa ɣɛ́ ma Nuu Búsa Goo H̃ú Loí lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ í héini njɛ bilíítii su áá vá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:38

Í mɔ́ɔ́ ɣɛ ta, “Ná nuu fíli áá wúfe ngáá ní hái ɛ́ɣɛ ndáá wói Ngalá kɔ́lɔ tála ɛ́ɣɛ faa ỹɔ́u yéteyangi sí h̃u, ná Nuu Búsa Goo H̃ú Loí, áá vá ngi Kɛ́ɛ́ɣɛ yákpa maanɛɛnɛɛngí h̃u taá ngí hɛ́ɛ́ma w̃álekaitii, aa wufe ngáá maa w̃ɔ́i bɛ́lɛ ngi hái.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:30

Ngimɔ́ɔ́ jɔ́ áa vá ɣɛmá folói sí w̃a Ngalá ngáá va Nuu Búsa Goo H̃ú Loí ɣɛma ngáá nuu kpɛ́lɛɛ ti tɔ.”

NJƆÚ 1:3

Ŋani kpɛ́lɛɛ Ngalá ngi kpátɛni lɛí taá ɣɛ́ ma Keela Wói laá lɔ́ í tí bátɛi. Ŋani fíli aa na kpatɛngɔ́ ɔ́ɔ́ ɣɛ́ la, yɔ́ɔ́ ɣɛ́ laá laa le ɔ́ɔ́ ɣɛ́ kpatɛngɔ́.

NJƆÚ 1:51

I mɔ́ɔ́ ndií ngu ma ngáá njɛpɛí, i ɣɛ ta, “Ngí tɔɔỹái le wú w̃a, wá lɔɔ vá tɔmá ngelegóóh̃u laa í wó, Ngalángi w̃álekaitii táá lɛ́ táá yéi nuí síí w̃á taá ɣɛ́ ma Nuu Búsa Goo H̃u Loí.”

TI GƐ́Ɛ́ HAÍTII 1:11

Kɛ siỹɛndópo félengɔi nátii tí tí w̃ɔ́ɔ́ninga, ti ɣɛ́ ti w̃a, “Wɛ́i wú ngáá siỹɛngɛ́i sítii wú gúlangɔ Galéli lataí h̃u, ndeé le wú lóóni mbéinda wúwaa wɔ́lɛ ngeleí yá? Jísu yilaá kpéngi sí í lɛ́ɛ́nga ngelegóóh̃u, ngimɔ́ɔ́ nɔ́ɔ áá vá yángaimama kɛ kíya nɔ́ɔ wú tɔ́ngɔ áá lɛ́ ngelegóóh̃u.”

TI GƐ́Ɛ́ HAÍTII 3:19

Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

KƆ́L̃E HESENDAA GƆLƆÍ 3:13

Aáva folói ná Jísu íwaa vá vááma ma, nuí fíli ngi yéngengi w̃aa áá ɣɛ kpál̃au tí tɔ́ kíya ngangáá ɣɛ́ mba. Aáva maa hóloi ná w̃a, ngɔmbuí aa nuí kpɛ́lɛɛ ngi ndá yéngengi ɣɛ kíli ɣɛ, tí ɣɛ́ kɔ́lɔ kíya ngangáá ɣɛ́ mba.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

Ɛ́FƐSƆ 1:2

Bɛlɛ́ mu Kɛ́ɛ́ɣɛ Ngalá ɛ́ɣɛ mu Lemɔ́i Jísu Kílisitii ti háá bɔwɔí ɛ́ɣɛ ti lííhei ti ɣɛ́ wú yɛ́.

KƆLƆ́SE 1:16

sífaa Kílisitii w̃aa véle w̃a lɔ́ Ngalá ngi ŋáni kpɛ́lɛɛ kpátɛngɔ ma tí ngelegóóh̃u ɛ́ɣɛ ngélewu, sítii máá ti lɔ ɛ́ɣɛ sítii mɔ́i tí lɔ, í báha náá ngakpa ŋániaitii mba ɛ́ɣɛ ndɔwɔlɔ w̃ásangaitii. Ngalá ngí ŋani kpɛ́lɛɛ kpátɛngɔ Kílisitii w̃áá véle w̃a ɛ́ɣɛ laa Kílisitii í ngúfema w̃ááhɔlɔ ti w̃áá véle w̃a.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 10:27

Kɛ́ aá ɣéle, nduwái lɔ nɔ́ɔ́ náá áá ɣɛ mu h̃u kɔwɔ́ato sí wa áá vá ɣɛ́ma. Ná wáá ngáá, Ngalángi gɔ́sɔngi ɛ́ɣɛ ngɔmbu bandí bándii sí áá vá ɣɛ́ma áá nungái sítiini mɔ taa ló Ngalá ndáá wu.

HÍBULU 12:29

sífaa Ngalá lɛ́i í ngáá a mu Yálangi, ngi hái gulangɔ́ɔ́ lé ngáá ngɔmbu áá ŋani w̃ɔ kpái.

HÍBULU 4:1

Náá hááw̃a, ná múỹa bɛ́lɛ Ngala ngí kuuló táálii sí wónga ngáá mu ye, ngáá aá lɔ́ɔ kɛ ngáá háwu mu lí ngi lɛ́ɛ́lɛmbomai, a w̃aah̃ú béle ngáá maa hái ngáá kɛinɔɔ́ wú tá fíli wálaa fáa ɣɛ́ ngáá áá kɛ ngáá háwu wɔ́i lí ngi lɛ́ɛ́lɛmbomai.

HÍBULU 4:11

Náá hááw̃a, a mú yákpa gíte kɛ́ŋɛ kɛinɔɔ́ mú tá fíli málaa faa ɣɛ́ ngáá áá kɛ ngáá háwu a mɔí ndɛ́ɛ́lɛmbongi ná w̃ááhɔlɔ kíya nɔ́ɔ mu káwalani taá lɛ́ɛ́lɛmboni sífaa, ti kólo lála gúlai ngáá Ngala.

HÍBULU 4:9

Ná lɔ́ í kɛ́a ngáá kɛ ndɛɛlɛmbó tɔ́ nɛ́nɛ na kpɛ́ náá wutúwɔ Ngalángi vóngaitii fááw̃a kíya nɔ́ɔ Ngala ngí lɛ́ɛ́lɛmboni folói ngɔféla kélei w̃a.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.

PÍTƐ GƆ́LƆI HELE KÉLEI 3:7

Kɛ́ ngélewui sí í ná mú su náá Ngalá ndáa wói ná lɔ́ nɔ́ɔ múl̃ɔ í na ngéya ngandɔ́ɔ́lɔngɔ mɔ fááw̃a kúna. Ngandɔ́ɔ́lɔngɔɔ lé ngáá kɛinɔɔ́ folói ná í fólo ma Ngalá ngáá sítii mbaaléve taá faaw̃á ngáá taá véleni í tí ɣɛ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:7

A giséi sí w̃a í ɣɛ́ni ngáá taa walá wálai sítii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ɛ́ɣɛ ti béla láitii suu yélaitii tiyɛ́i ti yaá háa wálai í ɣɛ́i nɔ́ɔ ngáá kɔlɔsiyángi ɛ́ɣɛ njɔlɔ haítiini. Ti ɣɛ́i ngáá kɛ kíya nɔ́ɔ malékai nátii ti ɣɛ́i na. Nungái nátii tiyá lɔ́ maanɔw̃ɔ́ h̃u kúnafɔ wɔ́mbui h̃u, ná vá tɔ í ngáá tɔmaseí a mu haáw̃a.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 14:10

Ngalangí lííyaw̃al̃ai áá foló ma. Ndiiyaw̃ál̃a wálai ná kulangɔ́ ngáá ndɔɔ yakpangɔ́ wála maa w̃ɔ́i aa kpɛ́lɛɛ kpɔ́le. Sítii kínɛi taa sítii kɛ, tiyá lɔ́ taa maanɔw̃ɔ́ wálai sí yeɣé ngɔmbu hóngi sí yá ɛ́ɣɛ ngɛi w̃ááku nyɔu ỹɔungí áá w̃ɔ́ ngwála kíya nɔ́ɔ fukú i ná hɛ́ɛ́ma w̃álekaitii ɛ́ɣɛ Mbaalaí yaah̃ú w̃a.

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 21:4

Aa ti yaah̃ú wɔ́lɔyɛi kpɛ́lɛɛ kpále ti yaah̃ú. Aáva sái ɛ́ɣɛ ndiihoolɛ́ ɛ́ɣɛ ngɔ́lɔ taá ndúwu ya fuulɛ́ ɛ́i mɔ́ɔ la ti w̃a kúnafɔ. Faa vɔ́lɔitii taa ɣɛ́ náa vilái.”

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”

FAA YÁKƐ KƆ́LƆI 22:9

Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”

FAA YÁKƐ KƆ́LƆI 6:11

Tí tí yilá ngíla fíli kɔ́ni ngáá jogbo kóle. Tí ndé tí w̃a ngáá tí naa guló w̃áálɛlɛ nɛ́nɛ í ló sú kpóloo tiyɛ́i kule í tí w̃a tí sáá w̃ááhɔlɔ tí tí váá kíya nɔ́ɔ tiyá bɛ́lɛ tí tí vááni. Ná wáá ngáá, tí mbála Yalá fɛ́li mbélaitii tiyɛ́i táa yénge Ngála mbɛ́.