TƐSALÓNIKA GƆ́LƆI HELE KÉLEI 1:4 - Kɛ́lɛ Niinaí

⁴ Ná lɔ́ í kɛ́nga naa ɣɛ́a wú w̃aayónga téve Ngala fɛ́li mbélaa vekaítiini ma. Niỹá lɔ́ɔ yónga téve kɔwɔ́ato ndiibángi wá ɛ́ɣɛ ndángi wá wú su ngáá Ndemɔí Jísu, wáá ndi ngu ma kíya bɛ́lɛ nungáá táá faa bángi sí kpɛ́lɛɛ ndá wú w̃a ɛ́ɣɛ maanɔw̃ɔ́itii wúwaa ngéɣe.

TƐSALÓNIKA GƆ́LƆI HELE KÉLEI 1:4 Iomraidhean Croise

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 8:25

Kɛ́ áá ɣéle, faa lɔ́ ná í ngáá a mu gitómai kɛ́ áá nɛ́ɛ mú yaá aáva a maa náa w̃aalɛ́lɛ ngáá ndiilɔlɔ́.

KƆ́L̃E HESENDAA GƆLƆÍ 7:17

Kalambongí ngíwaa mbo ngáá sava Ngala fɛ́li mbélaitii faaw̃a aá wáá ngáá, nuí fíli í ló nɔ́ɔ sí h̃u Ndemɔí Jísu í súúbatɛngɔ ngáá í ló su, aáva i ɣɛ́ nɔ́ɔ sí h̃u í lóngɔ su Ngala ngí tolíngɔ.

KƆ́L̃E GƆ́LƆI HELE KÉLEI 12:10

Faalɔ, ndíílɛingɔɔ lé ngáá njɔ́ njɔ́ngɔ ngíwaa ngɛɛlí mááhɔlɔ, ngí híya faa báma h̃u, ɛ́ɣɛ faa bɔlúndani su, ná vólu, tí faa báma la má Kílisitii hááw̃a, sífaa, ná njɔ́ njɔ́ngɔɔ áá ɣɛ́ la, kɛ súúbangɔɔ lé Kílisitii yákpangi h̃u.

KƆ́L̃E GƆ́LƆI HELE KÉLEI 7:14

Ngí wú w̃ááyonga tevéngɔ ma laáva wáá pɛ́lɛngɔ. Nápa naá nɛ́ɛ́ ndɛɛ gɔ́ɔ́lai wú yáá. Ngimɔ́ɔ́ yongangí ní tévengɔ Táitɔ gakála kɔwɔ́ato wú wá aa ngáá ndɛɛ́.

KƆ́L̃E GƆ́LƆI HELE KÉLEI 7:4

Ndángɔɔ lé ngwala ngáá wú ye, kí mái kpál̃au kɔwɔ́ato wú wa. Aáva ngáá wú w̃ááyonga tevé. Aáva ni haa bɔ́lundaitii kpɛ́lɛɛ su nduwú h̃u lɔ́ mbá nɛ́nɛ, kóóh̃unɛɛngɔ ngwala.

KƆ́L̃E GƆ́LƆI HELE KÉLEI 9:2

Ngí kɔ́lɔ ngáá aá lɔ ngáá wú lúw̃ama h̃ú háa ngáá wú kpɔmba wó aáva ngí wú w̃ááyonga tevénga Ngala fɛ́li mbélaitii ma tí Mɛsedóniya lataí h̃u. Ngí ndéngɔ tí w̃a ngáá, tiyɛ́i ti ngáá mu mbála Yalá fɛ́li mbélaitii Akáya lataí h̃u, tí w̃ááhei wónga hówonɔ ngáá ti kpɔ́mba wó. Faalɔ, kíya naa w̃ɔní í wú w̃á ngwala ngáá wú kpɔ́mbai sí wó, i kɛ́a ngáá háwu ti bih̃íw̃aa nduwúh̃u í lɛngá ngáá ti ye ngáá tí tóko bɔ́mbai sí ta wo.

KƆ́L̃E GƆ́LƆI HELE KÉLEI 9:4

Ná láá lé, ná náa ɣɛ́ vaaní naá Ngala fɛ́li mbélaa lɛingáá ti gúlangɔ Mɛsedóniya lataí h̃u, ngáá loí maa hái ɔ́ɔ́ gúla ngáá kɛ wú w̃ááhei wóngɔ láá lé wú lóko bɔmbaítii fe fááw̃a. Ná ná áá ɣɛ́, ngáá wúfe ngáá ndangí sí hááw̃a ngí mbóngɔ ngáá wú ye, kɛlaa p̃ɛ́ɛ́ wú ndá wúfengi suu áá ɣɛ́ wɔɔlɔ.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:14

Mu mbála Yála fɛ́li mbélai, sí í lái mu mbála Yalá fɛ́li mbélaa vekái sítiini ma ti báhangɔ Jísu Kílisitii wa ti Judíya lataí h̃u, ngi híí lɔ nɔ́ɔ jɔ́ wá bɛ́lɛ í lángɔ wú w̃a. Ná wáá ngáá, sítii ti ngáá wu bɔ́wɔ bɔ́wɔ híí yélai tiyá lɔ́ tí faa bá ndángɔ wú w̃a kɛ kíya nɔ́ɔ tiyá bɛ́lɛ ti bɔ́wɔ bɔ́wɔ híí yélai, ná wáá ngáa, Júsuaitii tí faa bá ndáni ti w̃a.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA GƆ́LƆI HELE KÉLEI 3:5

Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

HÍBULU 6:12

Naá lói wɔ́ɔ́ ɣɛ́ ngáá saɣá yélaa, kɛ́ aá ɣéle, wú ɣɛ́ kíli í ɣɛ́ ngáá nungáá nda ngáá ɣɛ́ ti h̃u, ti líílɔlɔngɔ. Ná vá kɛngɔ́ taá hómbo tí kuulóngi sítii maahɔ́lɔ Ngala ngí mbóngɔ ngáá ti ye.

HÍBULU 6:15

Aáva Lébilah̃au va i liilɔ́lɔni í naa w̃áálɛlɛ kuulóngi Ngala ngí mbói la í mááhɔlɔ.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ GƆ́LƆI HELE KÉLEI 1:6

Ná ná áá gúla su, wááyaa h̃uuhóu w̃a faa kpɛ́lɛɛ sú, ná vólu, wááyaa liilɔ́lɔ faítii nga, ɛ́ɣɛ mɔ́ɔ wú ɣɛ́ kíya Ngala ndóngɔ wú ɣɛ́ na.

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.