TƐSALÓNIKA GƆ́LƆI HELE KÉLEI 1:12 - Kɛ́lɛ Niinaí

¹² Ná vá tɔ áá kɛ mu Lemɔ́i Jísu laaw̃áá í lɛ́ wú w̃áá véle w̃a, wá bɛ́lɛ wú lááw̃aa í lɛ́ maa véle w̃a. Nátii taá ɣɛ́ nɔ́ɔ bɔw̃álale mu Yálangi ɛ́ɣɛ Ndemɔí Jísu Kílisitii tiyá lɔ ngáá faa bɔ́wɔ yelaa.

TƐSALÓNIKA GƆ́LƆI HELE KÉLEI 1:12 Iomraidhean Croise

NJƆÚ 17:10

Nungái sítii kínɛi pá tí fááw̃a, ya lɔ ti í hááw̃a, sítii kínɛi pá ti í haaw̃a, tiyá lɔ fááw̃a aáva ti ngakɛ́a kíya káámangɔ.

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

KƆ́L̃E HESENDAA GƆLƆÍ 1:4

Ngáá sɛ́ɣɛɛ gulá Ngalá má hɔ́wɔ fíli wú hááw̃a kɔwɔ́ato ngi háá bɔwɔí wa í kɛ́a wú yɛ́ Jísu Kílisitii w̃áá véle w̃á.

KƆ́L̃E GƆ́LƆI HELE KÉLEI 13:4

Kíya bɛ́lɛ njɔ njɔngɔ́ í ɣɛ́i lá ná h̃ú tí kpakpáni kulɔ́sii w̃a í hááni ma, kɛ́ aa lɔ́ náa ndɛɛh̃ú h̃ú Ngalángi yákpangi w̃áá véle w̃á. Kíya Kílisitii yɔ́ njɔ́ngɔ í ɣɛ́i la ngimɔ́ɔ́ niỹá bɛ́lɛ ni yɔ́ njɔ́ngɔ kɔwɔ́ato kpahaí wa ní su mba, kɛ́ ná náa vá wú yéle, niỹá lɔ́ɔ vá baháma Kílisitii wá. Faalɔ, náa ɣɛ́ naá Ngalá ngí yákpangi yakɛ́ ni lɛ́ɛ́h̃ui h̃ú.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

FÉLEPA 3:9

Ná vólu, naá laá ni ɣɛ́ ngáá nuu yílaa kpé. Ná vá tɔ áá kɛ ngɛ́i mɔ́ɔ lo hiyamá ngáá Ngala sávai telembo mááhɔlɔ fááw̃a. Kɛ́ aá ɣéle, ní lángi ngáá ɣɛ́ su ngáá Kílisitii, laá lɔ áá kɛ télembongɔ áá ɣɛ́ la. Ngimɔ́ɔ́ maa hái í na, ngáá telembongí Ngalá ngáá kɛ ngáá háwu a maa ɣɛ́ su, aa gula ndangí h̃u maa ɣɛ́ su ngáá Ngalá.

TƐSALÓNIKA GƆ́LƆI HELE KÉLEI 1:10

Ná áá ɣɛ́ fóloi ná w̃a Ndemɔí Jísu áá gúla ngelegóóh̃u í vá ngeleí sí wu, sítii kínɛi ti ngáá ngi vóngaitii taá ndaaw̃áálɛ. Ná wáá ngáá, sítii kínɛi ti langɔ lá taá ngúfema hé mbɛ. Wá bɛ́lɛ pá wáá ɣɛ́ ngáá nungái nátii tí tá bɔw̃álale, wú lánga ngáá keela wói ní ndéngɔ wú w̃a kɔwɔ́ato Jísu wa.

TÁITƆ 2:11

Kule lɔ Ngala fɛ́li mbélaitii ma ti lúva h̃íí ná sífaa, Ngalá ngí ngi háá bɔwɔí yákɛnga. Ná wáá ngáá, ngumaawóngi áá mbo ngáá núu kpɛ́lɛɛ.

PÍTƐ HESENDAA GƆLƆÍ 4:14

Ná taa ɣɛ́ táa ngɛ́ɛ́li ngóó ỹɔ́u ỹɔ́uni nde wú w̃a sífaa wú ngáá Kílisitii volú yelái ti tá, aá lɔ ngáá faa vánda wú hááw̃a bɔw̃álale ná ná áá ɣɛ, aa ngakɛ́ ngáá Ngalángi Hɛ́ɛ́ma Ỹínangi lɛ́i ngakpángɔ ngwala aá lɔ wú vólu.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.