TƐSALÓNIKA GƆ́LƆI HELE KÉLEI 1:11 - Kɛ́lɛ Niinaí

¹¹ Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

TƐSALÓNIKA GƆ́LƆI HELE KÉLEI 1:11 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:28

Sífaa ndɔwɔlɔ́i bútei lɔ áá kɛ hakpá káálɛ í hále, nga ndáɣa í gúla, í kooyeɣé, í gúla su.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 11:29

sífaa Ngalá ngɛ́i nɛ́ɛ́ma yéi nuu w̃a ɔ́ɔ́ mɔ́ɔ́ ngeɣé vólu, ná vólu, ɛi leew̃a sítii ma í lókolonga tí wa ngáá ngi vóngaa.

LÓÓMI 15:14

Mu mbála Yála fɛ́li mbélai, nyá gítei ndángɔɔ lé lá ngáá wú lúva veléi vangɔ́ɔ́ lé ngwála aáva wú kéle ɣelengí kpɛ́lɛɛ mááhɔlɔnga ngáá áá kɛ wú ɣɛ́ wáá kálambo mbó ngáá ỹɔw̃ɔ́ ỹɔ́w̃ɔ.

LÓÓMI 8:30

Ngalá pa i sítii tolínga náá í kpátɛnga gí má ngáá ti ɣɛ́ ngáá ngi H̃íỹɛndou Loí ɣɛ́ kíli, aáva áá ti yeɣé ngáá telembo mbélaa, ná vólu, í kɛ ngáá háwu tí ɣɛ́ ngi yákpa maanɛɛnɛɛngí h̃u.

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

Ɛ́FƐSƆ 1:5

Ngala ngí ɣɛi náa kpatɛí ngáá mu ɣɛ́ ngáá ngi léngaa Jísu Kílisitii w̃áá véle w̃a. Aáva sí lɔ́ í ngáá ndiivó fái ɛ́ɣɛ ngi háá h̃uubatɛngí

Ɛ́FƐSƆ 1:9

Ndɔɔwu h̃ú hái í ɣɛ́ngɔ kpatɛí i kɛ́a mu ɣɛ́ kɔ́lɔ Kílisitii w̃áá véle w̃a. Ná vá tɔ í ɣɛ́ngɔ loí í kɛ.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 2:13

Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

FÉLEPA 3:14

Nyá ngáá yakpá ngáá ngí fólo mbéinda a múwaa maa lápii wɔ. Ná wáá ngáá kulasuunúmai sí Ngala ngí mu wu pótenga mba ngelegóóh̃u véle. Aáva nuu áá mááhɔlɔ Jísu Kílisitii w̃aa véle w̃a.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA GƆ́LƆI HELE KÉLEI 1:5

Sí vá tɔ́ áá maa hái yákɛ kpál̃au ngáá kɛ Ngalá ngɛ́i faa wááleve káha véle w̃a. Aáva maanɔw̃ɔ́i sítii kpɛ́lɛɛ wúwaa ngeɣé faaw̃a tiyá lɔ́ taá kɛ wú ɣɛ́ kulaɣɛí ngáá nungáá ngi w̃ásandai wú.

TƐSALÓNIKA GƆ́LƆI HELE KÉLEI 2:14

Ngalá ngí wú lólingɔ ngáá wú ngumaawóngi w̃ááhɔlɔ keela wóó vándai w̃áá véle w̃a ní ndéngɔ wú w̃a. I wú lólingɔ kɛinɔɔ́ wú ɣɛ́ mu Lemɔ́i Jísu Kílisitii háá w̃aanɛɛnɛɛ ngwalaí sí h̃u.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 3:1

Faalɔ, wɛ́i wú ngáá mu mbála Yalá fɛ́li mbélai, wɛ́i wá bɛ́lɛ Ngala ngí wú lólinga ngáá wú vá ngelé, a wóliɣɛ Jísu w̃a. Ná wáá ngáá Jísu lɛ́i Ngala ngí tɔ́vengɔ, í ngáá Ngala sááɣa gula mɔ́ɔ walaí Ngalá fɛ́lindai sí w̃áá véle w̃a a mu langɔ́ la.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

FAA YÁKƐ KƆ́LƆI 3:4

Kɛ́ wú lɛ́ingaa wú Sadé nɛ́nɛ, wú gúlaitii kp̃ɔɔŋngɔ́ laá le, ná wáá ngáá, faa ỹɔ́u áá wú h̃u. Maa wúyeni tɔ máá vá ɣɛ́ma vólu kúla woléngi h̃u, bɔw̃álale wú lúva veléi í ngákɛnga ngáá kɛ wú gúlaɣɛngɔ le ngáá maa wúyeni a mu ɣɛ́ vúlu.

FAA YÁKƐ KƆ́LƆI 5:10

Yí ti ɣɛngá ngáá saáɣa gula mbélaa í w̃ásandai h̃u ngáá tí yénge mu Yálangi yɛ. Ná vólu, tí ɣɛ ngáá masangáá ngeleí sí wu.”