TƐSALÓNIKA GƆ́LƆI HELE KÉLEI 1:10 - Kɛ́lɛ Niinaí

¹⁰ Ná áá ɣɛ́ fóloi ná w̃a Ndemɔí Jísu áá gúla ngelegóóh̃u í vá ngeleí sí wu, sítii kínɛi ti ngáá ngi vóngaitii taá ndaaw̃áálɛ. Ná wáá ngáá, sítii kínɛi ti langɔ lá taá ngúfema hé mbɛ. Wá bɛ́lɛ pá wáá ɣɛ́ ngáá nungái nátii tí tá bɔw̃álale, wú lánga ngáá keela wói ní ndéngɔ wú w̃a kɔwɔ́ato Jísu wa.

TƐSALÓNIKA GƆ́LƆI HELE KÉLEI 1:10 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 24:36

Jísu í mɔ́ɔ́ ɣɛ ta, “Nuu fíli aa kɔlɔ́ bele hɔwɔ́ lɔ táingi ná áá vá, folói ɣéle tɔ kɛlaa maa táingi í máá hóloi ná h̃u nuu áá kɔ́lɔ. Malékaitii kele tɔ tí ngelegóóh̃u taá kɔ́lɔ kɛlaa maa Ngalángi H̃íỹɛndou Loí. Kɛ́ kɛ nɔ́ɔ léi Kɛɛɣɛí Ngalá í kɔ́lɔ.

MÁFIYU 25:31

Jísu í mɔ́ɔ́ ɣɛ volú yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí áá vá áá hólo ngi yákpa maanɛɛnɛɛngí h̃u, aáva malékaitii kpɛ́lɛɛ tí mba, ngi gááma w̃asandai h̃u,

MÁFIYU 7:22

Ná fóloi áá fóloma Ngalá ngáá vá nungái kpɛ́lɛɛ kɔsɔ́ma, ti bih̃íw̃aa taá ɣɛ́ má, ‘Kawálai, Kawálai, kɛ́mbɛ ni ɣɛ́i naá Ngala ngói le í lááheingi h̃u? Kɛ́mbɛ ni ɣɛ́i naá ỹína nyɔítii téve nungáitii polú í lááheingi h̃u ɛ́ɣɛ ni ɣɛ́i naá káámaa haa bih̃íw̃aa ɣɛ í lááheingi h̃u?’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:12

Jísu í mɔ́ɔ ɣɛ ti w̃a, “Nyá lɔ́ɔ nde wú w̃a ngáá kɛ suu áá ɣɛ́ ỹɔ́u maa lái h̃uu yélai ma í lɔ́ve Sɔ́dɔu taí h̃u yélai mba Ngalángi gɔ́sɔ foloí w̃a.”

NJƆÚ 11:4

Ná Jísu í keela woí sí ỹɛ́nini, i ɣɛi ta, “Seebɛí sí wu ngáá gulamá ngáá saá. Kɛ́ faí sí i ɣɛa nɔ́ɔ kɛinɔɔ́ nungáá ti tɔ kíya Ngalá káámaangɔ. Ná vólu, tí tɔ kíya Ngalángi H̃íỹɛndou Loí gáámaangɔ.”

NJƆÚ 17:10

Nungái sítii kínɛi pá tí fááw̃a, ya lɔ ti í hááw̃a, sítii kínɛi pá ti í haaw̃a, tiyá lɔ fááw̃a aáva ti ngakɛ́a kíya káámangɔ.

KƆ́L̃E HESENDAA GƆLƆÍ 1:6

Ná wáá ngáá, keela wói kɔwɔ́ato Kílisitii wa i vilingá wú líí vólu kpáŋ kpáŋ.

KƆ́L̃E HESENDAA GƆLƆÍ 3:13

Aáva folói ná Jísu íwaa vá vááma ma, nuí fíli ngi yéngengi w̃aa áá ɣɛ kpál̃au tí tɔ́ kíya ngangáá ɣɛ́ mba. Aáva maa hóloi ná w̃a, ngɔmbuí aa nuí kpɛ́lɛɛ ngi ndá yéngengi ɣɛ kíli ɣɛ, tí ɣɛ́ kɔ́lɔ kíya ngangáá ɣɛ́ mba.

GALÉSIYA 1:24

Faalɔ, ti ɣɛ́i taá sɛ́ɣɛɛ gula Ngalá má kɔwɔ́ato mbá.

Ɛ́FƐSƆ 1:12

kɛinɔɔ́ ní láa Ngála ndaaw̃áálɛ ngi yákpangi hááw̃a niỹɛí hése ni yaah̃ú í ɣɛ́ngɔ Kílisitii lúwɔ.

Ɛ́FƐSƆ 1:14

Hɛ́ɛ́ma Ỹínangi í mú volú i kɛngá a mu ɣɛ́ kɔlɔ ngáá sí Ngalángi í ngi vóngaitii kuulongɔ la, aa kɛ. Aáva í mɔ́ɔ kɛ mu ɣɛ́ kɔ́lɔ ngáá sítii ti ngáá Ngalángi vóngaitii tí wumááwongɔ áá ɣɛ́ la. Ná vá tɔ́ í kɛ́a táa Ngalá ndaaw̃áálɛ ngi yákpangi hááw̃a.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 1:6

kɛinɔɔ́ laa Ngalá ndaaw̃áá í lɛ́ ngi háá bɔwɔ vanda walaí hááw̃a sí í féngɔ mu yaá ngi líívo Síỹɛndou Loí w̃áá véle w̃a.

Ɛ́FƐSƆ 2:7

I sí ɣɛ́ngɔ mu yɛ kɛinɔɔ́ nuu kpɛ́lɛɛ ti ɣɛ́ kɔlɔ́ kúnafɔ ngáá faa bɔ́wɔ lo ngwalaí sí í su ngáá mu ye kɔwɔ́ato kpahaí wá mú sú Jísu Kílisitii wa.

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 2:1

Mu mbála Yalá fɛ́li mbélai, wá gíte wú kɔ́lɔ ngáá siyangí ní mbói wú yéle faa yangúyangɔ i gulaní su.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA GƆ́LƆI HELE KÉLEI 1:12

Ná vá tɔ áá kɛ mu Lemɔ́i Jísu laaw̃áá í lɛ́ wú w̃áá véle w̃a, wá bɛ́lɛ wú lááw̃aa í lɛ́ maa véle w̃a. Nátii taá ɣɛ́ nɔ́ɔ bɔw̃álale mu Yálangi ɛ́ɣɛ Ndemɔí Jísu Kílisitii tiyá lɔ ngáá faa bɔ́wɔ yelaa.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÍMOTI GƆ́LƆI HELE KÉLEI 1:12

Ná háá vá tɔ ngáá maanɔw̃ɔ́i sí yéɣe ma. Kɛ́ ná fíli su, ndííỹaaningɔ láá lé bɔw̃álale ngí kɔ́lɔ nuí ndángɔ lá aáva ngí kɔ́lɔ kpál̃au ngáá kɛ ngakpá tɔ́ ngeyá ngáá áá hómbo í kééla woí sí w̃aah̃ú béle í féngɔ ngéya í ló su kpóloo í fólo ngápumai w̃a.

TÍMOTI GƆ́LƆI HELE KÉLEI 1:18

Wá gíte wu súúwɔlɔ kpál̃au ngáá i bɔní mbá ngwála ná h̃u ngí ɣɛ́i Ɛ́fɛsɔ taa h̃u. Bɛlɛ́ Ndemɔí Ngála ngí ngaah̃ú w̃ááw̃aanu hóu Ngalá kɔ́sɔ foloí w̃á!

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.