PÍTƐ GƆ́LƆI HELE KÉLEI 3:9 - Kɛ́lɛ Niinaí

⁹ A mu Lemɔ́i Jísu h̃uulɛíngɔ láá le paalaí volú ngi gúúlongi hítɛ fááw̃a nga kíya í tí lɛ́ingaa ti gísiyai h̃u, kɛ́ aá ɣéle, aá lɔ́ɔ liilɔ́lɔ wú háá ya bɔw̃álale aa loí kúnafɔ ɣɛ́ kíli ỹaanií ɔ́ɔ́ wó ngáá nuu fíli, kɛ́ aá ɣéle, ndongɔ́ɔ́ lé nuu kpɛ́lɛɛ tí vólu yáfe ti háá ỹɔítii mba.

PÍTƐ GƆ́LƆI HELE KÉLEI 3:9 Iomraidhean Croise

LÓÓMI 13:11

Á sí ɣɛ sífaa mú yéteyangi sí mú su wú kɛ́ kíli wɔlɔ́. Sɛmbɛheí hɔ́wɔ lɔ ngáá sí. Táingi ná a mu wumáá áá vá wóma kpɛɛngɔ́ɔ́ lé náá mba í lɔ́ve ná h̃úú wá hése a mu láni ngáá Jísu.

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

TÍMOTI HESENDAA GƆLƆÍ 1:16

Kɛ́ háwu sí kái kái í kɛ́ngɔ Ngalá ngí ngááh̃u w̃aaw̃áánu hóungɔ aá wáa ngáá kɛinɔɔ́ Jísu Kílisitii í ngí líílɔlɔ walaí yaah̃ú ɣɛ́ ngáá ngé nyɛ́i ngí ngáá faa ỹɔ́u yélaitii kpɛ́lɛɛ ti wúngi. Aáva ná ngí ngáá ti wúngi, í séi náá sí h̃úi w̃a í lí naa lúwɔɔ nyá lɔ́ náá ngí ngáá tɔmaséi sítii fááw̃a táá vá láma ngáá Jísu Kílisitii ngáá taa kúnafɔ lɛ́ɛ́h̃ui w̃ááhɔlɔ.

TÍMOTI HESENDAA GƆLƆÍ 2:4

Ngalá pa ndongɔ́ɔ́ lé nuu kpɛ́lɛɛ tí ngúmaawongi w̃ááhɔlɔ, ti ɣɛ́ tɔɔỹái wɔlɔ́.

HÍBULU 10:37

Kíya nɔ́ɔ pɔnɛngɔ́ Ngala Kɔ́lɔi h̃u ngáá sí í ɣɛ́ngɔ ta, “Naa guló laa lówah̃u nɔ́ɔ lɛ́i kule í ma í vá, aá lɔɔ vá vaamá aáva aá lɔɔ vá h̃úmbuwa.

PÍTƐ HESENDAA GƆLƆÍ 3:20

Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.

PÍTƐ GƆ́LƆI HELE KÉLEI 3:15

Wú hómbo wú gísei ma gíte ngáá Ndemɔí Jísu liilɔlɔí áá mbo a mu yaá aá lɔ́ nɔ́ɔ na ngáa a mu bɔwɔ́ wúmaawongi hááw̃a kíya nɔ́ɔ a mu mbála Yála fɛ́li mɔ́i Pɔ́ɔ lɛ́i a mu longɔ́ lá laá bɛ́lɛ í kɔ́lɔ vɔ́nɛngɔ wú yéle ngáá kele ɣeléngi sí Ngala ngí féngɔ ngéya í púngɔ su.

FAA YÁKƐ KƆ́LƆI 2:21

Ngí kúú hénga nyah̃ápoi sí yáa ngáá í vólu yáfe ngí háá ỹɔítii mba, kɛ́ aa kɛ́ma ɔ́ɔ́ lókogula ngi gɔ́lɔsiyangi h̃u.