PÍTƐ GƆ́LƆI HELE KÉLEI 3:7 - Kɛ́lɛ Niinaí

⁷ Kɛ́ ngélewui sí í ná mú su náá Ngalá ndáa wói ná lɔ́ nɔ́ɔ múl̃ɔ í na ngéya ngandɔ́ɔ́lɔngɔ mɔ fááw̃a kúna. Ngandɔ́ɔ́lɔngɔɔ lé ngáá kɛinɔɔ́ folói ná í fólo ma Ngalá ngáá sítii mbaaléve taá faaw̃á ngáá taá véleni í tí ɣɛ kíli ỹaaní.

PÍTƐ GƆ́LƆI HELE KÉLEI 3:7 Iomraidhean Croise

MÁFIYU 10:15

Ngí tɔɔỹái le wu w̃á, suu áá ɣɛ́ ỹɔ́u maa lái h̃uu yélai ma í lɔ́ve Sɔ́dɔu ɛ́ɣɛ Gɔmɔ́lɔ h̃uu yélai ma Ngalángi gɔ́sɔ foloí w̃a.”

MÁFIYU 11:22

Kɛ́ nyá lɔɔ́ ndé náa wú w̃a ngáá suu lɔɔ vá ɣɛ́ma ỹɔ́u wú w̃a í lɔ́ve sítii mba ti ɣɛ́i Táya ɛ́ɣɛ Sáidɔ, Ngalángi gɔ́sɔ foloí w̃a.

MÁFIYU 11:24

Kɛ́ nyá lɔ́ɔ ndé wú w̃a ngáá kɛ suu áá ɣɛ́ ỹɔ́u wú w̃a wɛ́i wú ngáá Kapɛ́ɛ́niya yélaitii í lɔ́ve Sɔ́dɔu taí h̃u yélai mba Ngalángi gɔ́sɔ foloí w̃a.”

MÁFIYU 12:36

Kɛ́ nyá lɔ́ ndé wú w̃á ngáá folói ná w̃a Ngalá ngáá vá nuu kpɛ́lɛɛ kɔ́sɔma ma, nuí fíli kɛ áá háwu ɣɛ ngambalámba wóó fíli fááw̃a áá ɣɛ́ ndéni.

MÁFIYU 24:35

Ngeleíni ngaa ndɔwɔlɔ́i taa váma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:11

Kɛ́ aáva taa fíli sú nuu fíli ɛ́i ɣɛ́ lókoheini wú wú na, kɛlaa tɔɔ́ wólilo wú w̃á, a gulá náá wa wú náá húfulengi bɛ́kpɛlɛ gɔ́wɔ ya. Ná lɔ áá ngákɛ ngáá ti ye ngáá kɛ ti velé lálangɔɔ lé.”

NJƆÚ 12:48

Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a.

LÓÓMI 2:5

Kɛ́ wú wóli h̃u bɔlɔngɔ́ɔ́ lé aáva wú lélenga ngáá wú vóte Ngála mba. Ná vá kɛngɔ́ wá lɔ́ɔ suu ɣɛ́ nɔ́ɔ ỹɔú bɔ́wɔ w̃a ngwala fóloi ná w̃a Ngalangí lííyaw̃al̃a walaí áá vá gúlama kɛ́lɛma. Ná wáá ngáá, ná h̃u Ngalá ngáá vá nuu kpɛ́lɛɛ kɔ́sɔma kahá vó fíli ɛ́i ɣɛ́ mbá.

KƆ́L̃E HESENDAA GƆLƆÍ 3:13

Aáva folói ná Jísu íwaa vá vááma ma, nuí fíli ngi yéngengi w̃aa áá ɣɛ kpál̃au tí tɔ́ kíya ngangáá ɣɛ́ mba. Aáva maa hóloi ná w̃a, ngɔmbuí aa nuí kpɛ́lɛɛ ngi ndá yéngengi ɣɛ kíli ɣɛ, tí ɣɛ́ kɔ́lɔ kíya ngangáá ɣɛ́ mba.

FÉLEPA 1:28

Waa lúwa wú wááhilima yélaitii mba pele fíli sú. Ná wáá sí ɣɛ, aá lɔ áá ngakɛ́ ngáá ti ye ngáá kɛ ti ndái ɛi ndoma kɛ́ wáá vá, wú ndái lɔɔ va ndómama, bɔw̃álale Ngalá tɔ áá vá kɛ́ma ngáá háwu wú ndái í ndóma.

TƐSALÓNIKA GƆ́LƆI HELE KÉLEI 2:3

Kɛ́ wálaa kɛ nuu fíli ɔ́ɔ́ wú yákpolowa péle fíli su, sífaa, Ndemɔí aa nɛɛ vaamá kɛ sítii táá vá ngapúmaa lo ndáá wuí gúlama ngáá Ngala tí kɛ. Ná vólu, nyaama ỹáni walaí sí lɛ́i suubátɛngɔ náa ngáá aá lɔɔ lí njahááma aa vá náa.

TÍMOTI HESENDAA GƆLƆÍ 6:9

Kɛ́ sítii pa ti longɔ́ tí bátɛ, na aa kɛ ngáá háwu faa ỹɔ́u ɣɛ́ndaa í tí h̃úúgɔvɔ, ti víli su. Ná vólu, kisiyá í víli ti w̃a áá kɛ ngáá háwu ti víli tamál̃a fáá ɛ́ɣɛ kɛ kíli ỹaaní háá bíh̃iw̃aa h̃u. Ná vá tɔ áá nuu ɣɛ́ kíli ỹaaní,

HÍBULU 12:29

sífaa Ngalá lɛ́i í ngáá a mu Yálangi, ngi hái gulangɔ́ɔ́ lé ngáá ngɔmbu áá ŋani w̃ɔ kpái.

PÍTƐ GƆ́LƆI HELE KÉLEI 2:9

Faale, a mú náa lɔngá kíya nungái sítii taa ɣɛ́ Ndemɔí Ngala fááw̃a áá tí w̃ááɣawo ti háá bɔlundáitii su aáva kíya áá ɣɛ́ áá faa lá telembo tála yélaitii ma í ló su Ngala kɔ́sɔ mbaaléve fóloi í fóloma,

PÍTƐ GƆ́LƆI HELE KÉLEI 3:10

Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.

NJƆÚ HESENDAA GƆLƆÍ 4:17

Ná vá tɔ í kɛ́a Ngalángi lóngi mu haáw̃a áá gɛɛlɛngɔ́ pele h̃u kɛinɔɔ́ ndúwa fíli álaa ɣɛ́ mu h̃u folói ná w̃a Ngalá ngáá va nuu kpɛ́lɛɛ kɔ́sɔma, bɔw̃álale, a muỹá lɔ́ɔ lɛɛh̃úi h̃uuhíya ngeleí sí wu kíya nɔ́ɔ Jísu Kílisitii áá ngi ndái h̃uuhíya.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:7

A giséi sí w̃a í ɣɛ́ni ngáá taa walá wálai sítii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ɛ́ɣɛ ti béla láitii suu yélaitii tiyɛ́i ti yaá háa wálai í ɣɛ́i nɔ́ɔ ngáá kɔlɔsiyángi ɛ́ɣɛ njɔlɔ haítiini. Ti ɣɛ́i ngáá kɛ kíya nɔ́ɔ malékai nátii ti ɣɛ́i na. Nungái nátii tiyá lɔ́ maanɔw̃ɔ́ h̃u kúnafɔ wɔ́mbui h̃u, ná vá tɔ í ngáá tɔmaseí a mu haáw̃a.

FAA YÁKƐ KƆ́LƆI 17:11

Ngakpa súwai sí ndɛɛh̃ú í ɣɛ́ngɔ su kɛ́ aa mɔɔ ndɛɛh̃ú h̃ú. I ɣɛngɔ́ ngáá masa ngɔ́felangɔi ti tá, kɛ́ aa lɔ́ vá í ɣɛ́ ngáá masangí wahákpa kélei aáva aa li mbéi áá saa w̃ááhɔlɔ na.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 21:1

Kɛ ngí ngéleya ɛ́ɣɛ ndɔwɔlɔ́ níínai lɔ́nga. Hésendaa geleáitii í báha yívoi wa ti ỹɛ́ɛ́nɛi.