PÍTƐ GƆ́LƆI HELE KÉLEI 3:4 - Kɛ́lɛ Niinaí

⁴ táá ɣɛ́ ta, “Kuulóngi Jísu Kílisitii í mbóni wɔ́lɔ ngáá aá lɔɔ vá yángaimama, bele hɔwɔ́ lɔ́ náá áá hítɛnga hɔ́ɔ? A mu kɛ́ɛ́ɣɛni ti haánga, kɛ́ ná fíli su, faítii kpɛ́lɛɛ tiyá lɔɔ́ ndí nɔ́ɔ ngu ma kíya í ɣɛ́i na wɔ́lɔ í séi ngetéyangi bátɛ sɔ́wɔ w̃a í fólo sí h̃úi w̃a.”

PÍTƐ GƆ́LƆI HELE KÉLEI 3:4 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 24:28

Jísu i maa hái h̃uw̃ái nɔ́ɔ faanɛ́ɛ́ngi sí w̃a. Ná wáá ngáá, sí í ɣɛ́i ta, “Mbéi fíli suwa vuw̃ái áá ɣɛ́ na, naa lɔ koɣɛítii taa yátɛ mbá na.”

MÁFIYU 24:48

Kɛ́ ná wɔ́lii ngenge mɔ́i ná áá ɣɛ́ ngáá nyaama w̃ɔ́ɔ, aa nde náa gi ma, i ɣɛ ta, ‘Ni núú walaí aa h̃umbuwa vaamá táiŋ suugooh̃ángɔ hááw̃a,’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:6

Tɔkúla héimai wɔ́lɔ, ná h̃ú Ngalá ngí ŋani kpɛ́lɛɛ kpátɛni, ‘I siỹɛngíni ngaa nyah̃ái bátɛni.’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:19

sífaa maanɔw̃ɔ́ wála lɔɔ vá lamá táingi ná h̃ú. Aáva maa w̃áánɔw̃ɔi h̃uu áá ɣɛ́ wɔɔlɔ, í lɔ́ve maanɔw̃ɔ́ kpɛ́lɛɛ mbá í híyanga í séi ngetéyangi sí lɔ́kula héimai w̃a í fólo hááwɔ holoí w̃a, aáva maa w̃áánɔw̃ɔi gɛɣɛ́laa fíli ɛi mɔ́ɔ ɣɛ́ na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:45

Kɛ́ ná wɔ́lii náa ngenge mɔ́i ná áá nde náa gi ma, i ɣɛ ta, ‘Ni núú walaí áa h̃umbuwa vaamá táiŋ suugooh̃ángɔ hááw̃a,’ aáva i pɛ́lɛ ngi mbála yengé mbélaitii ndevemá nyah̃á bɔ́ngɔ siỹɛ́ngaa wa, ná vólu, áa laaỹɛ́ ɛ́ɣɛ múl̃ɔ íwaa ndɔɔ bɔ́le, i ndɔɔ hoú h̃u,

TI GƐ́Ɛ́ HAÍTII 7:60

Kɛ Sitívi i hitɛngá wúmbu yá, í woo gúla gbél̃eiŋ, i ɣɛ ta, “Kɛɛɣɛ́, yaá sítii kpaalɛ hóu kái ti háá ỹɔí sí hááw̃a.” Ná í sí léni, ndií í gúlani náa.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.