PÍTƐ GƆ́LƆI HELE KÉLEI 3:3 - Kɛ́lɛ Niinaí

³ Hése faí p̃ɛ́ɛ́ kule í wú w̃a wú ngátɔ mba aá wáá ngáá ná ngéteyangi yakɛ́ɛ́lɛndai áá bɛ́ɛ́ mba, nungáá taá ɣɛ́ ngeleí sí wu tíwaa ti ndá lɛ́ɛ́h̃ui h̃uuhíya ngáá ndiivo kɛɛ́ ỹɔ́u ỹɔ́ungaitii taa ɣɛ́ su, aáva taá ɣɛ́ taá ngɛ́lɛ gulásu wo ngáá wú ye,

PÍTƐ GƆ́LƆI HELE KÉLEI 3:3 Iomraidhean Croise

NJƆÚ 12:48

Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

TÍMOTI GƆ́LƆI HELE KÉLEI 3:1

Ngáá ɣɛ́ loí yí ɣɛ́ kɔlɔ ngáá kɛ faa bámai yatɔ́ɔ́ vá ɣɛ́ma wɔ́ɔ́lɔ ngwala ngetéyangi yákɛɛlɛmai h̃u.

HÍBULU 1:2

Kɛ́ muỹɛ́i náa mu ngapumáá yéteyangi sí h̃u, i yɛpɛngá mú yelé ngi H̃íỹɛndou Loí w̃áá véle w̃a. Ngala ngí mɔ́ɔ kɛngɔ́ ngáá háwu ngeleí sí wu í ɣɛ́ na ngi lói sí w̃áá véle w̃á. Laáva tɔ nɔ́ɔ múl̃ɔ Ngala ngí lókolongɔ mba ngáá faa kpɛ́lɛɛ í ngápu toko h̃u.

PÍTƐ GƆ́LƆI HELE KÉLEI 1:20

A giséi sí w̃a ngáá pangɔ aá lɔ́ ngáá faá mbuuỹííngɔ ngwala, ná wáá ngáá, Ngalá ngóó fíli aa na Ngala Kɔ́lɔi h̃u Ngala ndaa háá lé mbélai tí ndení yɔ́ɔ́ ɣɛ́ nuu áá suugúla nɔ́ɔ ngáá wúmaa géle ɣele,

PÍTƐ GƆ́LƆI HELE KÉLEI 2:10

ngungí nda mɛ́ɛ́ gíte sítiini ma ti hítɛngɔ nɔ́ɔ́ ti líívo kɛɛ ỹɔu ỹɔungáitii polú ngáá luwúi aáva Ngalángi yákpangi wúfema fíli aa tí yɛ. Maa lɛ́ɛ́ galambo mbo mbélaitii ti liibángɔ áá ɣɛ lá ngwála ti lii wɔ́ɔ́lɔngɔ ti w̃a, nduwá fíli pá ɛi ɣɛ́ ti h̃u ngáá ti sítii suuhalatá tí ngakpa su Ngalá ngéya ngelegóóh̃u.

NJƆÚ HESENDAA GƆLƆÍ 2:18

Wɛ́i wú ngáá ní léngaa Ngala fái h̃u, ngetéyangi yákɛɛlɛndai bɛ́ɛ́ngɔɔ lé náa mba. Tí ndéni wɔ́lɔ ngáá Jísu Kílisitii waahílima w̃ɔ́i lɔɔ vá vaamá, aáva mbaahílima yélaa bih̃íw̃aa lɔ́ náa kílii ngéteyangi h̃u. Faale, a mú kɔ́lɔ ngáá ngetéyangi yákɛɛlɛndai i bɛɛngá náá mba.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:16

Nungái sítii tiyá lɔ́ nɔ́ɔ fɔ́ wúsubɔɔlɔma aáva taá ɣɛ́ múl̃ɔ taá núngaa baalɛ hóu. Nungái sítii kpɛndɛngɔ́ɔ́ lé nɔ́ɔ ti liivó fáá ỹɔítii ma. Tiyá lɔ́ nɔ́ɔ fɔ́ taa yonga téve, táá nungáá lɛ́nga kɛinɔɔ́ sí tí longɔ́ la tí maahɔ́lɔ ti yaá.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:18

Tí ndéni wú w̃a, ti ɣɛ́ ta, “Ngetéyangi yákɛɛlɛmai, nungáá tiyá lɔ́ɔ́ vá vaamá taá ngɛ́lɛ gúla wú h̃ú, tiyɛ́i ti beɣéngɔ ngáá ti liivó faa ỹɔítii nɔ́ɔ.”