PÍTƐ GƆ́LƆI HELE KÉLEI 3:17 - Kɛ́lɛ Niinaí

¹⁷ Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

PÍTƐ GƆ́LƆI HELE KÉLEI 3:17 Iomraidhean Croise

MÁFIYU 16:11

Ndeé lɔ í kɛ́ngɔ wáá ngátɔngɔ mba ngáá kɛ ngáá ɣɛ́ngɔ ngáá yɛ́pɛ wú yéle kɔwɔ́ato bilé wa? A bɔwɔ́ w̃aah̃ú béle ngáá Falósiaitii ɛ́ɣɛ Sájusiaitii ti ndá yíísii. Ná wáá ngáá, bíle lɛnga ngɛ́i guloí ná.”

MÁFIYU 16:6

Kɛ Jísu i ɣɛa ti w̃a, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii, Júsuai sítii taa ɣɛ́ ti w̃a Falósiai ɛ́ɣɛ Júsuai sítii taa ɣɛ́ ti w̃a Sájusiaitii ti ndái.”

MÁFIYU 7:15

Kɛ Jísu í mɔ́ɔ ɣɛa ta, “A w̃ááh̃u béle ngáá sítii taá nde ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ ngáá tɔɔỹaá. Sífaa ná taa ɣɛ́a vá wu yelé, taá ɣɛ ngáá mbaala ɣɛ kíli ti luwúi w̃a, kɛ́ ti h̃úú vélei ti ɣɛ kíli aa ɣɛ ngáá fula húwa ỹɔu ỹɔungaa.

NJƆÚ 16:4

Kɛ́ ngí fái sítii ndengá wú w̃a ngáá kɛinɔɔ́ ná naa hɔwɔ́i áá folóma wú gíndo su ngáá ngí wú lááhingɔ. Ngáá ɣɛ́ngɔ sí lení wú w̃a nɛ́nɛ bɔw̃álale ngí ɣɛ́ngɔ wú lóów̃a.”

TI GƐ́Ɛ́ HAÍTII 2:42

Tí hɛmbɛ́ kpɛ́lɛɛ púni Ngalángi géélaitii ti gálambongi h̃u ɛ́ɣɛ ti w̃aakpɔ́ndai mba ỹanda yílaa ɛ́ɣɛ Ngala fɛ́li ndááỹɛngi wóndai taa Ngala fɛ́lindai h̃u.

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

KƆ́L̃E HESENDAA GƆLƆÍ 10:12

Faalɔ, nuí fíli áá ɣɛ́ kí ma ngáá kɛ aá lɔ́ lóóni kpáŋ Ngala fɛ́lindai h̃u, maa w̃ɔ́i í w̃ááh̃u béle ngáá pangɔ́ ɔ́ɔ́ va gúla su.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

GALÉSIYA 5:4

Wɛ́i va wáá yakpá ngáá wú gólo sávai wu kɛinɔɔ́ wú ɣɛ́ ngáá telembo mbélaa Ngalá ngááh̃u, wú bɔ́wɔ bétevenga Kílisitii wa. Wáá mɔ́ɔ Ngalangí háá bɔwɔí wu.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

FÉLEPA 3:2

A w̃aah̃ú belé ngáá kéke máá nuú búsai nátii, tiyɛ́i taá tuva ỹɔ́u ỹɔ́ungi wó í ti gi má ngáá ti wumáá aa wó ngáá ti luwúitii taa ɣɛ́a tevé téve mba.

KƆLƆ́SE 2:5

Kíya bɛ́lɛ a maá ỹándaa yílaa a maa wúyeni, ngáá gísiya ngáá wú ye táingi fíli má. Kóóh̃unɛɛngɔɔ lé wú hááw̃a ngáá wú báhaa kílii su kpáŋ ngáá nuu fíli ɛ́i hómbo ɔ́ɔ́ wú lííka vóma ndangí h̃u wú sú ngáá Kílisitii.

KƆLƆ́SE 2:8

A waá kɛ nuu fíli ɔ́ɔ́ wú yákpolowa ngáá ngoo bɔ́ɔ́w̃aa lendáá wú w̃a áá gúla nuu búsa ndá géle ɣele su, bɔw̃álale nátii kpɛ́lɛɛ tɔ nɔ́ɔ́ ngáá nuu búsa gálambo ɛ́ɣɛ ngakpa ŋáni ỹɔu ỹɔungáitii tí ngélewu. Kele ɣéle táálii nátii tɛ́i gúla Kílisitii yáa.

TÍMOTI GƆ́LƆI HELE KÉLEI 4:15

Kɛ yáá w̃ááh̃u béle lá, bɔw̃álale í longá mu laawú kpáálii mu gálambongi sí h̃u.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

PÍTƐ HESENDAA GƆLƆÍ 5:9

A lá gíte ngwala ngáá Ngalá wú wópi wópi tó Ngutuwɔ́ Ỹína Nyɔí wa, bɔw̃álale wú suuwɔlɔ́ ngáá wú mbála Yalá fɛ́li mbélaitii kpɛ́lɛɛ tí ngeleí sí wu, tiyá bɛ́lɛ tiyá lɔ nɔ́ɔ faa bámai ná h̃u íwaa híya ngáá tí ye.

PÍTƐ GƆ́LƆI HELE KÉLEI 2:7

Nuí léi í maaɣawóni i ɣɛi ngáá siỹɛndópoi sí tɔ́ɔ ɣɛ́ ma Lɔ́ti. Lɔ́ti i ɣɛi ngáá tuva velé vánda w̃ɔɔ, laáva ndiiỹááningɔ í ɣɛi lá kɔwɔ́ato njɔlɔ háitii mba nyaama yélai nátii ti ɣɛ́i su taa walá wálai nátii su.

PÍTƐ GƆ́LƆI HELE KÉLEI 3:1

Mu mbála vandáitii, ní gɔ́lɔi hele kélei lɔ́ náá ngíwaa pɔ́nɛ wú yéle. Kɛ́ félengɔ p̃ɛ́ɛ́ su hése keleí ɛ́ɣɛ fele kélei sí nyá lɔɔ́ yákpa gíte ngáá ngááyaa wú gísitɛ faí sítiini mba kɛinɔɔ́ fáa ỹɔ́u fíli álaa ɣɛ́ wú gísiyaitii su.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.