PÍTƐ GƆ́LƆI HELE KÉLEI 3:16 - Kɛ́lɛ Niinaí

¹⁶ Faí sítii tɔ́ nɔ́ɔ jɔ́ í pɔ́nɛni ngí gɔ́lɔitii kpɛ́lɛɛ sú ná í kɔlɔ vɔ́nɛi kɔwɔ́ato ti wa. Faa lɛ́ingaani taá ɣɛ́ ngi gɔ́lɔi nátii sú ti yatɔ́ndai mba kpangɔ́ ngwala. Maa hái nátii pá tɔ sítiini taá faa gíte yakɔ́lɔ aáva taa lóóni kpáŋ kpáŋ Ngala fái h̃u taá maa vóte ngáá bɔwɔ́ liivó péle kíya nɔ́ɔ taá kɛ ngáá faa vékaitii ti vɔ́nɛngɔi Ngala Kɔ́lɔi h̃u. Ná vá tiwáá kɛ, tiyá lɔɔ vá ngáá kɛ kíli ỹáánii bɔwɔ́ w̃ááh̃u.

PÍTƐ GƆ́LƆI HELE KÉLEI 3:16 Iomraidhean Croise

MÁFIYU 15:3

Kɛ́ Jísu i ti woo yápoteni, i ɣɛ ti w̃a, “Ndeénii le wá bɛ́lɛ nɔ wáá híyama ngáá Ngala sávai, wú hítɛa wú wú maa ɣélei vólu?

MÁFIYU 15:6

aa ngáá maa gúle ngáá ɔ́ɔ́ wúfe ngi kɛ́ɛ́ɣɛ w̃a ɔɔ ngi njéé w̃a fe fááw̃a ti yaá, sífaa, i Ngalá kuulonga náa lá. Ná yáa sí ɣɛ, kɛ yáa híyama ngáá Ngala sávai. Náá hááw̃a, kɛ wú híɣe veléi lɔ ngáá ná Ngala sávai vólu kɛinɔɔ́ wú hítɛ wúmaa gálambongi vólu.

MÁFIYU 22:29

Kɛ Jísu i ti woo yápotenga, i ɣɛ ti w̃a, “Wá lɔɔ lí ngáá ka ka péle, bɔw̃álale wáá Ngalá Kɔ́lɔi yatɔ́ma mba kɛlaa wɔ́ɔ́ ɣɛ́ faa fíli kɔ́lɔ kɔwɔ́ato ngi yákpangi wa.

FÉLEPA 3:19

Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

HÍBULU 5:11

Faa bíh̃iw̃aa lɔ́ na ngáá kule í má ngáá ngí ndé wú w̃á kɔwɔ́ato faí sí wa, kɛ́ suugúlandaa bangɔ́ wála le bɔw̃álale, faítii ngatɔ́ndaa mba wú yɛ́ kpangɔ́ɔ́ lé ngwála.

JIMISÍ 1:8

sífaa maa w̃ɔ́i gi mái yakɔ́lɛngɔ áá ɣɛ́ láma ki mái hákangɔ faa kpɛ́lɛɛ sú áá kɛ.

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ HESENDAA GƆLƆÍ 2:8

Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.

PÍTƐ GƆ́LƆI HELE KÉLEI 2:1

Sítii taá kúla ngáá tiyá lɔ́ ngáá Ngalá ndaa háá lé mbélaa ti ɣɛ́i na wɔ́lɔ wɔ́lɔ mái h̃u aáva ngimɔ́ɔ́ nɔ́ɔ jɔ sítii taá kula ngáa tiyá lɔ́ ngáá kalambó mbó mbélaa Ngala fái h̃u táa vá ɣɛ́ma wú lííwaa. Taá ɣɛ́ taá faa h̃úúỹaani kálamboni mbo tɛi ɣɛ́ ngáá tɔɔỹaá. Aáva tɛí lókohei a mu W̃ááliɣii wu lɛí í váángɔ ngáá ngumaawó tiyá ɣéle tɔ mbɛ. Faale, taá vá ngáá kɛ kíli ỹaaní bɔwɔ́ w̃á fúlo.

PÍTƐ GƆ́LƆI HELE KÉLEI 2:14

Ti yaah̃ú lɔ nɔ́ɔ fɔ́ kɔ́lɔsiya mbá, ti lii vá ngɛ́i la faa ỹɔ́u ɣɛ́ndai h̃u kulo bɛ́lɛ. Sítii ti h̃úúbangɔ láá le Ngala fái h̃u taa nátii píli kaka péle wa. Mɔní mɔ́ni fáá wala vilingɔ́ tí líí vólu ngwala, kɛ́ aáva Ngalángi vélengi lɔ́ ti wa.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.