PÍTƐ GƆ́LƆI HELE KÉLEI 3:15 - Kɛ́lɛ Niinaí

¹⁵ Wú hómbo wú gísei ma gíte ngáá Ndemɔí Jísu liilɔlɔí áá mbo a mu yaá aá lɔ́ nɔ́ɔ na ngáa a mu bɔwɔ́ wúmaawongi hááw̃a kíya nɔ́ɔ a mu mbála Yála fɛ́li mɔ́i Pɔ́ɔ lɛ́i a mu longɔ́ lá laá bɛ́lɛ í kɔ́lɔ vɔ́nɛngɔ wú yéle ngáá kele ɣeléngi sí Ngala ngí féngɔ ngéya í púngɔ su.

PÍTƐ GƆ́LƆI HELE KÉLEI 3:15 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:15

Sífaa nyá bútei ngáá hómbo ngí njɛpɛítii pu wú la, ná vólu, ngí wú gí máá gúla. Wú waahílima yélaitii kéle tɔ tɛ́i hómbo tɔɔ́ ló wú láá wú kɛlaa tɔɔ́ wú w̃ááɣaali.

TI GƐ́Ɛ́ HAÍTII 15:25

Faalɔ, ni kpɛ́lɛɛ ní luw̃ángɔ ma ngáá ní lokolo siỹɛngáá lɛingáá wá taá mu mbála vandái sítii taa ɣɛ́ ti w̃a Pɔ́ɔ ɛ́ɣɛ Bánaba ngáá ti vá wú yéle

TI GƐ́Ɛ́ HAÍTII 7:10

í maa haa lóni ngi háá bɔlundaí kpɛ́lɛɛ sú. Ngalá ngí kele ɣelé féni Joosɛ́ yáá, ná vólu, í hómbongi hé mbɛ ngáá í tuva velé vánda w̃aahɔ́lɔ Íjepi w̃asa ngwalaí yáa. Faalɔ, Íjepi w̃asa ngwalaí i Joosɛ́ ɣɛ́i ngáá ngutuwɔ́ w̃ɔ́ɔ́ wala Íjepi lɔwɔlɔí w̃ááh̃u ɛ́ɣɛ ngi w̃ása pɛlɛ walaí kpɛ́lɛɛ mááh̃u.

TI GƐ́Ɛ́ HAÍTII 9:17

Kɛ Ananáya i liingá pɛ́lɛi ná la, í lɛ mbu. Kɛ i loko vɛ́lɛnga Sɔ́ɔ w̃a, i ɣɛ ma, “Mu mbálai Sɔ́ɔ, Ndemɔí Jísu lɛ́i í gúlangɔ í yááh̃u pélei w̃a ná yí ɣɛ́ngɔ yáá vá mbéi, aá lɔ í tɔ́vengɔ í yéle kɛinɔɔ́ yí ỹandái lɔ múl̃ɔ, aáva Hɛ́ɛ́ma Ỹínangi aa ɣɛ í vólu.”

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

KƆ́L̃E HESENDAA GƆLƆÍ 12:8

Hɛ́ɛ́ma Ỹína ngílaa kpéngi aa kɛ ngáá háwu nuí sí áá kele ɣelé kééla wóó le, ná vólu, í kɛ ngáá háwu pekaí áa faa gálangɔ gééla wóo le.

KƆ́L̃E HESENDAA GƆLƆÍ 2:13

Faalɔ, nɛí yɛ́pɛ nuu búsa géle ɣele su kɛ́ naa yɛ́pɛ H̃ɛ́ɛ́ma Ỹínangi géle ɣelengí h̃u, ná naayáá tɔɔỹaá gééla woí lé sítii ma H̃ɛ́ɛ́ma Ỹínangi í ti volú.

KƆ́L̃E HESENDAA GƆLƆÍ 3:10

Sí Ngalá ngí féngɔ mbɛ́ ngi háá bɔwɔí w̃áá véle w̃a, í kɛ́a ngáá háwu ngí Ngala ngénge panda wo wú lííwaa kíya nɔ́ɔ́ pɛ́lɛ ló mɔ́ɔ́ vanda í na. Ngí pɛ́lɛ gɔ́wɔi hítɛnga aáva nuu vékaa tiyá lɔ́ɔ pɛlɛ́ ló náa pɛlɛ́ gɔ́wɔi ná w̃a. Kɛ́ kɛ nuu fíli í ndá ma kíya áá pɛlɛ́i ló ma.

Ɛ́FƐSƆ 3:3

Sí í ɣɛ́ngɔ ngáá Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba Ngalá ngí kɛngɔ́ ngáá ngé kɛ kíya nɔ́ɔ ngí faa gúlo lénga kɔwɔ́ato mba kɔlɔí sí h̃u.

TÍMOTI HESENDAA GƆLƆÍ 1:16

Kɛ́ háwu sí kái kái í kɛ́ngɔ Ngalá ngí ngááh̃u w̃aaw̃áánu hóungɔ aá wáa ngáá kɛinɔɔ́ Jísu Kílisitii í ngí líílɔlɔ walaí yaah̃ú ɣɛ́ ngáá ngé nyɛ́i ngí ngáá faa ỹɔ́u yélaitii kpɛ́lɛɛ ti wúngi. Aáva ná ngí ngáá ti wúngi, í séi náá sí h̃úi w̃a í lí naa lúwɔɔ nyá lɔ́ náá ngí ngáá tɔmaséi sítii fááw̃a táá vá láma ngáá Jísu Kílisitii ngáá taa kúnafɔ lɛ́ɛ́h̃ui w̃ááhɔlɔ.

JIMISÍ 1:5

Ná wú tá fíli áá ɣɛ́ na kele ɣelé ngɛ́i ɣɛ́ mbɛ, í Ngála fɛ́li ngáá Ngalá ngí kɔ ngáá kele ɣelé. Ngalá pa, lɛ́i áá ŋáni he nuu kpɛ́lɛɛ ngéya ngáá ndiiwolé ɛ́i bóɣi kpoɣí, aa fé maa w̃ɔ́i yaá.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

PÍTƐ HESENDAA GƆLƆÍ 3:20

Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

PÍTƐ GƆ́LƆI HELE KÉLEI 3:9

A mu Lemɔ́i Jísu h̃uulɛíngɔ láá le paalaí volú ngi gúúlongi hítɛ fááw̃a nga kíya í tí lɛ́ingaa ti gísiyai h̃u, kɛ́ aá ɣéle, aá lɔ́ɔ liilɔ́lɔ wú háá ya bɔw̃álale aa loí kúnafɔ ɣɛ́ kíli ỹaanií ɔ́ɔ́ wó ngáá nuu fíli, kɛ́ aá ɣéle, ndongɔ́ɔ́ lé nuu kpɛ́lɛɛ tí vólu yáfe ti háá ỹɔítii mba.