PÍTƐ GƆ́LƆI HELE KÉLEI 3:11 - Kɛ́lɛ Niinaí

¹¹ Ná ngimɔ́ɔ́ ŋani kpɛ́lɛɛ kɛ́ kíli áá vá ỹáánima, ná ná áá ɣɛ́, kɛ kule lɔ́ wú w̃a wú ɣéle wú lɛ́ɛ́h̃uitii suuhíya? Kule lɔ́ wú w̃á wú ɣɛ́ ngáá faa ỹɔ́u ɣɛ́ tála yelaa, wú bɔ́wɔ gúla kɛ́lɛma Ngalá mbɛ.

PÍTƐ GƆ́LƆI HELE KÉLEI 3:11 Iomraidhean Croise

MÁFIYU 8:27

Maa hái i polú yélaitii kíndaa i vílini táa ɣɛ ta, “Ndeé w̃ɔ́ɔ́ lɔ ngáá sí? Fɛfɛngí ɣéle tɔ ɛ́ɣɛ njɛ lákpa lákpangi taá goló mbɛ!”

LÓÓMI 13:11

Á sí ɣɛ sífaa mú yéteyangi sí mú su wú kɛ́ kíli wɔlɔ́. Sɛmbɛheí hɔ́wɔ lɔ ngáá sí. Táingi ná a mu wumáá áá vá wóma kpɛɛngɔ́ɔ́ lé náá mba í lɔ́ve ná h̃úú wá hése a mu láni ngáá Jísu.

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 3:20

Kɛ́ a muỹá mu ndái, a muỹá lɔ ngáá ngelegóóh̃u yélaa aáva a muỹa lɔ́ɔ mu Wúmaawo Mɔ́i Ndemɔí Jísu Kílisitii w̃áálɛlɛ gɛ́lɛ gɛlɛ ngáá í híɣe ngelegóóh̃u,

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÍMOTI HESENDAA GƆLƆÍ 6:11

Tímoti, yɛ́i yí Ngála fááw̃a, léve fái sítii polú, yí yákpa yááyaa híya ngáá Ngalángi lélembo peleí. Ɣɛ́ ngáá Ngala fɛ́li mɔ́ɔ vanda, nda ngí ɣɛ í h̃u Jísu Kílisitii hááw̃a ɛ́ɣɛ ndo ngí ɣɛ́ i h̃u í mbála Yalá fɛ́li mbélaitii fááw̃a, ná vólu, yí liilɔ́lɔ faa bámai yáá ɛ́ɣɛ i ɣɛ́ngɔ í ɣɛ́ la lúúỹaa.

TÍMOTI HESENDAA GƆLƆÍ 6:3

Nuí fíli áá kálambo mbó áá ɣɛ léélaa a mu Yála fɛ́li kílii w̃aa gálambongi wa ɛ́ɣɛ a mu Lemɔ́i Jísu Kílisitii ndá lɔ́ɔ́ỹaa galambongí wa,

TÍMOTI HESENDAA GƆLƆÍ 6:6

Aá ɣéle Ngala fɛ́lindai aa nuu ɣɛ́ ngáá kpatɛ w̃ɔ́ɔ, ná wáá ngáá, aa kɛ í líílangɔ í ɣɛ́ la sítii fááw̃a taa ɣɛ́ í yáa,

HÍBULU 13:5

Kápa mɔní álaa víli wú líí vólu wú lɛ́ɛ́h̃ui sí h̃u wú wáá suuhíya. Sí áá ɣɛ́ wú yáá ná í wú lííla sífaa Ngala ngí ndengɔ́, i ɣɛ ta, “Kúnafɔ ngɛ́i béteve wú wa, kúnafɔ ngɛ́i lókogula wú h̃u.”

JIMISÍ 1:24

Na áá bɔ́wɔ béle mɛl̃ɛ mɛl̃ɛí h̃u, aa pele hóu náá í lí, aáva ngamá nɔ́ɔ aa leew̃a ngáá kíya kpatɛ kilíí í na.

JIMISÍ 3:13

Ele lɔ kele ɣeléngɔ aáva áá faa yátɔ mba wú lííwaa? Maa w̃ɔ́i í ngákɛ nuu ɣɛ́ kɔ́lɔ ngi híya gili vánda h̃u ɛ́ɣɛ ngi lúva velé vánda wa áá gúla kele ɣelé su aáva maa w̃ɔ́i ɣɛngɔ́ lúúỹaa.

PÍTƐ HESENDAA GƆLƆÍ 1:15

Kɛ́ laa ɣéle, faa ỹɔ́u fíli álaa ɣɛ́ wú h̃u kíya nɔ́ɔ Ngala ngí na, lɛ́i í wú lólingɔ ngáá ngi vóngaa faa ỹɔ́u fíli áá su. Kule lɔ wú w̃a, sí fíli wáá kɛ, faa ỹɔ́u fíli álaa ɣɛ́ mba,

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 1:6

Ná ná áá gúla su, wááyaa h̃uuhóu w̃a faa kpɛ́lɛɛ sú, ná vólu, wááyaa liilɔ́lɔ faítii nga, ɛ́ɣɛ mɔ́ɔ wú ɣɛ́ kíya Ngala ndóngɔ wú ɣɛ́ na.

PÍTƐ GƆ́LƆI HELE KÉLEI 3:10

Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.