PÍTƐ GƆ́LƆI HELE KÉLEI 3:10 - Kɛ́lɛ Niinaí

¹⁰ Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.

PÍTƐ GƆ́LƆI HELE KÉLEI 3:10 Iomraidhean Croise

MÁFIYU 24:35

Ngeleíni ngaa ndɔwɔlɔ́i taa váma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:31

Ngeleíni ngaa ndɔwɔlɔ́i taa vááma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:39

“Kɛ́ a gisíya lɛɛ ngáá fái sí, kɛbei pɛlɛ́ w̃ɔ́i ɔ́ɔ́ ɣɛ́ kɔlɔ́ táingi ŋuỹá w̃ɔ́i áá vá ma, ɛ́i beé kɛ ŋuỹá w̃ɔ́i ná ɔ́ɔ́ ngí vɛlɛ́i laa wólo.

LÓÓMI 8:20

Sífaa, Ngalángi bátɛ wɔlingái kpɛ́lɛɛ Ngála ngí ɣɛngɔ́ beeleí tí wa ngáá kɛ ngá ngáá tí wa aáva sí aa ɣɛi ngáá faa ngáá tɔɔ́ ɣɛ́ ɣɛ́i loí ɔ́ɔ́ ɣɛ́ ngáá ti ye, kɛ́ sífaa, Ngalá ngí suubátɛni ngáá í ɣɛ́ h̃íí. Kɛ́ ná fíli su, kitómaa lɔ na,

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E HESENDAA GƆLƆÍ 5:5

a nuí sí lɔ́ve Setána yelé kɛinɔɔ́ kpúsai í ỹááni, suuyáfuw̃angi wúmaa í wó Ndemɔí Jísu vaa holói w̃a.

KƆ́L̃E GƆ́LƆI HELE KÉLEI 1:14

kíya bɛ́lɛ ta lɔ nɔ́ɔ waa ngatɔ́ mba sí h̃úi. Ná náa wáá kpɛ́lɛɛ ngátɔ mba kpál̃au, wáá ni w̃ááyonga tevé kɛ kíya nɔ́ɔ náa wú w̃ááyonga tevé folói ná w̃a mu Lemɔ́i Jísu áá vá vaamá ma.

TƐSALÓNIKA HESENDAA GƆLƆÍ 5:2

sífaa, wá gíte wú súúwɔlɔ nɔ́ɔ ngáá Ndemɔí Jísu vaa gilíi gúlangɔɔ lé nɔ́ɔ ngáá kíya ŋuỹá w̃ɔ́i áá ɣɛ́a vá ŋúỹai wóma ngáá kpindíi wɔ́i ɣɛ́ faa wɔ́lɔ mba.

TƐSALÓNIKA HESENDAA GƆLƆÍ 5:4

Mu mbála Yalá fɛ́li mbélai, wáá ngáá sítii kɛ kíli taá Ngala kɔ́lɔ, ti ngáá kpindi bindí súú háá ɣɛ mbélaa, faalɔ, kule áá ma Jísu vaalái sí ɔ́ɔ́ gɔ́ɔ́la wú wa kíya nɔ́ɔ ŋuỹá w̃ɔ́ɔ́ áá gɔ́ɔ́la nuu wa.

PÍTƐ GƆ́LƆI HELE KÉLEI 3:11

Ná ngimɔ́ɔ́ ŋani kpɛ́lɛɛ kɛ́ kíli áá vá ỹáánima, ná ná áá ɣɛ́, kɛ kule lɔ́ wú w̃a wú ɣéle wú lɛ́ɛ́h̃uitii suuhíya? Kule lɔ́ wú w̃á wú ɣɛ́ ngáá faa ỹɔ́u ɣɛ́ tála yelaa, wú bɔ́wɔ gúla kɛ́lɛma Ngalá mbɛ.

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.

PÍTƐ GƆ́LƆI HELE KÉLEI 3:7

Kɛ́ ngélewui sí í ná mú su náá Ngalá ndáa wói ná lɔ́ nɔ́ɔ múl̃ɔ í na ngéya ngandɔ́ɔ́lɔngɔ mɔ fááw̃a kúna. Ngandɔ́ɔ́lɔngɔɔ lé ngáá kɛinɔɔ́ folói ná í fólo ma Ngalá ngáá sítii mbaaléve taá faaw̃á ngáá taá véleni í tí ɣɛ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:6

A giséi sí w̃a múl̃ɔ í ɣɛ́ni ngáá malékai sítiini taá kɛ́ni tɔɔ ló ti ndá yéngemaitii ngáá tɔɔ́ tí ndá yéngengaitii mbo ɛ́ɣɛ tí lokogúlani mbéi haa h̃u ti ɣɛ́i na. Aáva Ngalá ngi ti vuní njɔwɔ́itii nga kúnafɔ faaw̃a kpindi h̃u ngáá ti lo ná, í ló su í fólo kɔsɔ́ fólo wálai w̃a.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 21:1

Kɛ ngí ngéleya ɛ́ɣɛ ndɔwɔlɔ́ níínai lɔ́nga. Hésendaa geleáitii í báha yívoi wa ti ỹɛ́ɛ́nɛi.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.

FAA YÁKƐ KƆ́LƆI 6:14

Ná ná í gúlai su, ngeleí w̃áá i gálani kíya nɔ́ɔ taá sába w̃ááɣala í ỹɛ́ɛ́l̃ɛ. Ngihéitii kpɛ́lɛɛ ɛ́ɣɛ ndɔwɔlɔ́itii maayelé mbélengɔi ngáá njɛí ti gúlei.