PÍTƐ GƆ́LƆI HELE KÉLEI 2:6 - Kɛ́lɛ Niinaí

⁶ Ná vólu, taa walá wála félengɔi sítiini tɔ́ɔ ti lolí ngáá Sɔ́dɔu ɛ́ɣɛ Gɔmɔ́lɔ Ngala ngí suu yélaitii mɔní kɔwɔ́ato ti háá ỹɔu ɣɛndái wa. Aáva fái sí lɔ́ na ngáá tɔmaseí sítiini faaw̃a taa Ngalá fááw̃a.

PÍTƐ GƆ́LƆI HELE KÉLEI 2:6 Iomraidhean Croise

MÁFIYU 10:15

Ngí tɔɔỹái le wu w̃á, suu áá ɣɛ́ ỹɔ́u maa lái h̃uu yélai ma í lɔ́ve Sɔ́dɔu ɛ́ɣɛ Gɔmɔ́lɔ h̃uu yélai ma Ngalángi gɔ́sɔ foloí w̃a.”

MÁFIYU 11:23

Wɛ́i vangí wú ngáá Kapɛ́ɛ́niya taa h̃u yélaitiini, aa lɔ́ wú gí ma ngáá wú wú nga tɔ́ɔ́ vá yóóɣema í lɛ́ í tó ngeleí wa? Kpéle, wú wú nga tɔ́ɔ́ va yéima ndɔwɔlɔ́i wa fáli. Kááma haítii ngí ti ɣɛngɔ́ wú lái h̃u, kɛbei ngí ɣɛ́i ti ɣɛí taí sí h̃u tɔ́ɔ́ naa lolí ngáá Sɔ́dɔu Ngalá ngí naa ỹáánini sífaa ti ỹáámangɔ í ɣɛ́i la, maa lái ɔ́ɔ́ ɣɛ́ ɣɛi loí na í ló su sí h̃úi í fólo!

LÓÓMI 9:29

Aisáya i mɔɔ ndení ngáá sí í ɣɛ́i ta, “Béle a mu Lemɔ́i Ngakpa Ngalá ngwalaí aa ɣɛi nungái ti lɛ́ingaa yaah̃ú w̃ááw̃aanu hóuni ɔ́ɔ́ ti w̃ááhaalo, kɛ mu kpɛ́lɛɛ mu ɣɛ́ kíli ɔ́ɔ́ ỹááni a mu wu ngí i ló su. Ɔ́ɔ́ ɣɛ́ kíya nɔ́ɔ taa walá wálai nátii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ti ɣɛ kíli í ỹáánii pɔ́lɛɣɛ pɔ́lɛɣɛ.”

KƆ́L̃E HESENDAA GƆLƆÍ 10:11

Faí sítii ti híyani ngáá ti ye ngáá ti ɣɛ́ ngáá kalambo mu haáw̃a aáva ti vɔ́nɛngɔɔ lé ngáá ti ɣɛ́ ngáá ndaahí ngóó mu haáw̃a. Sífaa muỹá lɔ náa ngetéyangi h̃u, kuí sí w̃a suu áá mɔ́ɔ gooh̃á kɛ ngakɛ́ɛ́lɛmai i foloá ma.

HÍBULU 4:11

Náá hááw̃a, a mú yákpa gíte kɛ́ŋɛ kɛinɔɔ́ mú tá fíli málaa faa ɣɛ́ ngáá áá kɛ ngáá háwu a mɔí ndɛ́ɛ́lɛmbongi ná w̃ááhɔlɔ kíya nɔ́ɔ mu káwalani taá lɛ́ɛ́lɛmboni sífaa, ti kólo lála gúlai ngáá Ngala.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:15

ngáá i nuu kpɛ́lɛɛ kɔ́sɔ. Aa lɔ́ɔ vá sítii kpɛ́lɛɛ mbaalévema taá Ngala faaw̃a ngáá taá velei faa ỹɔ́i nátii kpɛ́lɛɛ fááw̃a ti kɛ́ngɔ ɛ́ɣɛ ngoo ỹɔítii kpɛ́lɛɛ faa ỹɔ́u yélai tí ndéngɔ kɔwɔ́ato mba, í fáa bá nda ti w̃a.”

Kɔlɔí Júu í pɔ́nɛni Ngala fɛ́li mbélaitii ngelé JÚU 1:7

A giséi sí w̃a í ɣɛ́ni ngáá taa walá wálai sítii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ɛ́ɣɛ ti béla láitii suu yélaitii tiyɛ́i ti yaá háa wálai í ɣɛ́i nɔ́ɔ ngáá kɔlɔsiyángi ɛ́ɣɛ njɔlɔ haítiini. Ti ɣɛ́i ngáá kɛ kíya nɔ́ɔ malékai nátii ti ɣɛ́i na. Nungái nátii tiyá lɔ́ maanɔw̃ɔ́ h̃u kúnafɔ wɔ́mbui h̃u, ná vá tɔ í ngáá tɔmaseí a mu haáw̃a.