PÍTƐ GƆ́LƆI HELE KÉLEI 2:2 - Kɛ́lɛ Niinaí

² Kɛ́ ná fíli su, nungáá bíh̃iw̃aa taá hítɛ ngangímba lála véleitii pólu, ná waa ngáá, njɔlɔ haítii. Ná hááw̃a, nungáá taá ɣɛ́ taá njɛ́pɛ ỹɔú ỹɔ́ungaa vu kɔwɔ́ato tɔɔỹaá vélei wa.

PÍTƐ GƆ́LƆI HELE KÉLEI 2:2 Iomraidhean Croise

MÁFIYU 22:16

Kɛ tí tí híya polu yeláitii tɛingáá lɔ́vea ɛ́ɣɛ Masangí Hɛ́lɔdi guuwu h̃uu yélai tɛingáá Jísu yelé. Kɛ nátii ti ɣɛ́a Jísu w̃a, “Kaamɔ́ɔ́, ní kɔ́lɔ ngáá yá lɔ́ ngáá tɔɔỹáa w̃ɔ́ɔ́. Yáá kalambongí wó ngáá tɔɔỹaá Ngalángi vélei w̃a nuu búsai hááw̃a, sífaa yáá beɣéi ngáá sí nungáitii taá gisíya la, bɔw̃álale yáá beɣéi nuu yéɣe fááw̃a kɛ kíli h̃u.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 7:14

Kɛ́ geétii í peleí sí h̃u áá lí tɔɔỹaá lɛɛh̃úi ŋál̃a, ndaa bɛ́ɛ́ngɔɔ lé, aáva maa vélei h̃uu híyalai bangɔ́ɔ́ lé. Nungáitii pá taa pélei sí lɔ, taá bíh̃i.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:14

Kɛ tí liingá Jísu yelé, ti ɣɛ́ ma, “Kaamɔ́ɔ́, ní kɔ́lɔ ngáá yá lɔ ngáá tɔɔỹaá w̃ɔ́ɔ, sífaa yáá béɣei ngáá sí núngai taá gísiya lá, bɔw̃álale yáá béɣei nuu yéɣe fááw̃a kɛ kíli h̃u, kɛ́ yáá kalambongí wó ngáá Ngalángi lɔ́ɔ́ỹaa veleí. Faalɔ, ni longɔ́ɔ́ lé ni ɣɛ́ kɔ́lɔ ná wɔ́lii aá lɔ́ pele w̃a Ngala sávai h̃u ngáa ní páva he Lóómi Lɔwɔlɔ́ W̃ása Ngwalaí yáá baa aa pele w̃a?

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

TI GƐ́Ɛ́ HAÍTII 13:10

“Yá lɔ ngáá Ngutuwɔ́ Ỹína Nyɔí lóu. Ná vólu, faa fíli í ngáá tɔɔỹáá haa, yá ɣɛ́ ngáá mbaahílima w̃ɔ́ɔ. I h̃úúlaahengɔɔ lé ngáá ndɛɛ híí gɛvɛlɛ kɛvɛlɛ fíli ɛ́ɣɛ ngakpolówa faítii. Yá lɔ nɔ́ɔ fɔ́ Ndemɔí Ngalángi lɔ́ɔ́ỹaa veleítii potemá ngáá ndɛɛ́.

TI GƐ́Ɛ́ HAÍTII 14:2

Kɛ́ Júsuai sítii kínɛi taá ɣɛ́i kɛí tɔɔ lá ngáá keela woí sí Pɔ́ɔni ngaa Bánaba ti ɣɛ́i ndení, ti sítii taa ngaa Júsua loni faa ỹɔ́u ɣɛ́ fááw̃a, ná vólu, tí tí wú su ỹáánini Pɔ́ɔni ngaa Bánaba haaw̃a.

TI GƐ́Ɛ́ HAÍTII 16:17

Nyah̃alói sí i hitɛní ni volú naá Pɔ́ɔni áá woo lɛ́, áá ɣɛ́ ta, “Siỹɛngái sítii tiyá lɔ ngáá Ngutuwɔ́ Yála Ngwalaí yénge mbelaa. Tiyá lɔ táa yɛ́pɛ wú yéle kɔwɔ́ato peleí wa nuu áá ngumaawóngi w̃ááhɔlɔ la!”

TI GƐ́Ɛ́ HAÍTII 18:26

Kɛ́ i tɔkúla héini ngáá yɛpɛndáá ngáá ndiibá Júsuai ti Yála fɛli máákpɔ wotaítii mbu. Ná Pilesíla taá Akúila tí ngoo ỹɛ́nini, tí tolíni ti vɛ́lɛi la, tí Ngalángi vélei h̃uu ɣɛ lá kpál̃au ngáá kɛ kíya kái kái í na.

TI GƐ́Ɛ́ HAÍTII 19:9

Kɛ́ ná fíli su, ti lɛ́ingaa taá lókoheini tɔɔỹái wu kɛlaa tɔɔ́ lá la. Kɛ́ ti ngoo ỹɔ́u ỹɔungaa lení ma kɔwɔ́ato Ndemɔí Jísu Nda Vélei wa kpɔngí ná gakála ti ɣɛ́i na. Faalɔ, Pɔ́ɔ i gulaní naa wa taá pólu yélaitii, tí lí taa tiyéi lómu walaí sí h̃u í ɣɛ́i pɛlɛ́ wálai sí wu, siỹɛndópoi ná taa ɣɛ́ ma Telánɔ ɔ́ɔ́ yɛ́pɛ na nungáitii ngelé. Naa vá tɔ ɔ́ɔ́ yɛpɛ na tí yelé hɔ́wɔ fíli.

TI GƐ́Ɛ́ HAÍTII 22:4

Ngí faa bá ndáni nungái sítiini ma ti ɣɛ́ngɔ Ngala fɛ́lindai sí wa taa ɣɛ́ ma Ndemɔí Jísu Ndá Vélei í ló su ti lɛ́ingaa tí saa w̃ááhɔlɔ. Siỹɛ kpɔ́ngɔ nyah̃aá wa ngɔ́ɔ́ ti hóu, ngáá ti víli kpindi vɛlɛ́ wu,

TI GƐ́Ɛ́ HAÍTII 24:14

Kɛ́ aáva, ngáá luw̃á ma ngáá kɛ Ngalangí sí ni káwalani tɔ́ɔ́ fɛli, laá lɔ ngáá fɛli. Ná wáá ngáá, nyá lɔ Ngala fɛ́li pélei sí w̃a taá ɣɛ́ ma Ndemɔí Jísu Ndá Vélei. Aá vá tɔ ní háá vɛlɛ mba yélaitii táa nde ngáá kɛ ndɛɛ vélee le. Aáva ndángɔɔ lé ngáá sí kínɛi savaí Ngalá ngí féni Muusé yáá í ndéngɔ ma ɛ́ɣɛ sí Ngalá ndaa háá lé mbélaitii ti pɔnɛní.

LÓÓMI 2:24

Maa hái waa nɔ́ɔ ngáá kíya pɔ́nɛngɔ Ngála Kɔ́lɔi h̃u, sí vá pɔnɛngɔ́ aá wáá ngáá sí, “Wú lúva vélei i kɛ́a ngáá háwu sítii taa ngáá Júsua tíwaa suuhaláta ngooní ndé kɔwɔ́ato Ngalá mbá.”

TÍMOTI HESENDAA GƆLƆÍ 5:14

Faale, ngáá ɣɛ́ loí ponyah̃ái sítii ti ngáá tɛɛniinángaa tí síỹɛ ngéɣe, tí ndéngaa lé, aáva tí tí vɛ́lɛ lowaí wúú h̃úúhou ngáá pangɔ́ kɛinɔɔ́ mɔɔ naa gúla kɛlɛ́ma mu waahílima yélaitii mbɛ tɔɔ yɛ́pɛ mu wa ỹɔ́u,

TÁITƆ 2:5

Kule lɔ́ tí w̃a tí tí galámbo ngáá ti ɣɛ́ táa bɔ́wɔ h̃úúhou w̃a faa fíli su, faa ỹɔ́u fíli álaa ɣɛ́ tí h̃u, tí ɣɛ ngáá sei ỹah̃áá vándaa, ti ɣɛ́ ngáá faa bɔ́wɔ ɣɛ mbélaa, tí bɔwɔ́ gula kɛlɛma ti h̃íỹɛngaitii mbɛ́ kɛinɔɔ́ nuu fíli álaa faa ỹɔ́u lé kɔwɔ́ato Ngalá kééla woí wa.

TÁITƆ 2:8

Ngoo ỹɔ́u fíli álaa gúla í lá ngáá nungáá tɔ́ɔ mbaagúla. Ná vá ngáá kɛ mu wááhilima yélaitii tí wúfe bɔw̃álale faa fíli ɛi ɣɛ na tɔɔ́ ndé ngáá ngi ỹɔ́u mu haáw̃a.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ GƆ́LƆI HELE KÉLEI 2:12

Kɛ́ maa lɛ́ɛ́ gálambo mbo mbelaí nátii taa faa fíli súúhalata tɛ́i ngátɔ mba. Ti gúlangɔɔ lé ngáá ndɔbɔ húwaa, kele ɣelé fíli áá tí yɛ́, taá faa ɣɛ́ nɔ́ɔ naa yaah̃ú hááw̃a nɔ́ɔ, tiyɛ́i taa ti le nɔ́ɔ ngáá tí tí hóu, ná vólu, tí tí váá. Aáva kíya nɔ́ɔ taa ndɔbɔ húwaitii páa, ngimɔ́ɔ́ nɔ́ɔ ndɛɛ gálambo mbo mbélai sítii táa vá saa w̃ááhɔlɔma.

PÍTƐ GƆ́LƆI HELE KÉLEI 2:15

Ti híɣenga tɔɔỹaá véle giteí wa, ti hítɛ kaka péle wa. Biyɔ h̃iỹɛndo loí sí í ɣɛ́i ngáá Ngalá ndaa háá le mɔ́ɔ́ tɔ́ɔ ɣɛ́ ma Béél̃ɔ ngí lúva veleí lɔ́ náá ti hítɛa su. Béél̃ɔi ná va, faa ỹɔ́u ɣɛ́ndaa volú wɔ́li sɔlɔndái lɔ í ɣɛ́i ngáá ndiivóngi.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

PÍTƐ GƆ́LƆI HELE KÉLEI 2:21

Kɛ maa ɔ́ɔ́ ɣɛ́ nɛ́ɛ́ni tɛ́i belé ɣɛ́ hɔ́ɔ́ Ngalángi lélembo peleí sí wɔ́lɔni, í lɔ́ve sí wa taa ɣɛ́ náá kɔ́lɔ kɛ́ tí mɔ́ɔ volú yáfe Ngala kééla woo vandaí wa tí ndéni ti w̃a.

PÍTƐ GƆ́LƆI HELE KÉLEI 2:7

Nuí léi í maaɣawóni i ɣɛi ngáá siỹɛndópoi sí tɔ́ɔ ɣɛ́ ma Lɔ́ti. Lɔ́ti i ɣɛi ngáá tuva velé vánda w̃ɔɔ, laáva ndiiỹááningɔ í ɣɛi lá kɔwɔ́ato njɔlɔ háitii mba nyaama yélai nátii ti ɣɛ́i su taa walá wálai nátii su.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:15

ngáá i nuu kpɛ́lɛɛ kɔ́sɔ. Aa lɔ́ɔ vá sítii kpɛ́lɛɛ mbaalévema taá Ngala faaw̃a ngáá taá velei faa ỹɔ́i nátii kpɛ́lɛɛ fááw̃a ti kɛ́ngɔ ɛ́ɣɛ ngoo ỹɔítii kpɛ́lɛɛ faa ỹɔ́u yélai tí ndéngɔ kɔwɔ́ato mba, í fáa bá nda ti w̃a.”

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:7

A giséi sí w̃a í ɣɛ́ni ngáá taa walá wálai sítii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ɛ́ɣɛ ti béla láitii suu yélaitii tiyɛ́i ti yaá háa wálai í ɣɛ́i nɔ́ɔ ngáá kɔlɔsiyángi ɛ́ɣɛ njɔlɔ haítiini. Ti ɣɛ́i ngáá kɛ kíya nɔ́ɔ malékai nátii ti ɣɛ́i na. Nungái nátii tiyá lɔ́ maanɔw̃ɔ́ h̃u kúnafɔ wɔ́mbui h̃u, ná vá tɔ í ngáá tɔmaseí a mu haáw̃a.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.