PÍTƐ GƆ́LƆI HELE KÉLEI 2:14 - Kɛ́lɛ Niinaí

¹⁴ Ti yaah̃ú lɔ nɔ́ɔ fɔ́ kɔ́lɔsiya mbá, ti lii vá ngɛ́i la faa ỹɔ́u ɣɛ́ndai h̃u kulo bɛ́lɛ. Sítii ti h̃úúbangɔ láá le Ngala fái h̃u taa nátii píli kaka péle wa. Mɔní mɔ́ni fáá wala vilingɔ́ tí líí vólu ngwala, kɛ́ aáva Ngalángi vélengi lɔ́ ti wa.

PÍTƐ GƆ́LƆI HELE KÉLEI 2:14 Iomraidhean Croise

MÁFIYU 12:34

Í mɔ́ɔ́ ɣɛ ta, “Wɛ́i wú gúlangɔ ngáá kaaliá! Wáa ɣéle hómbo naa wú faa vánda lé, ná wú ngáá nyaama yélaa? Bɔw̃álale faí sí áá ɣɛ́ nuu gí ma laahéngɔ, laá lɔ áá lɛ́ nda í ndé.

MÁFIYU 23:14

Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitii, wɛ́i wáá Ngalá fái lá yaah̃ú kɛ́ aa wú líí h̃u! Wáá ponyah̃áitii ti vɛ́lɛitii kula ti yaá wú kɛ ngáá vó, wú pɛ́lɛ bɔwɔ́ gúlama ngáá nuu vándaa nungáitii ngaah̃ú ngáá wú Yála fɛlindái wáá suu ɣɛ́ gooh̃á. Kɛ́ wú ndá háá bamaí á vá láma wú w̃a, aa lɔve nungáá vekaítii ti ndái wa.]

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 5:28

Kɛ́ nyá lɔ́ɔ nde náa wú w̃á ngáá, nuí fíli áá wɔ́lɛ nyah̃á wa, í ló lá ti hítɛ fááw̃a volú, kɛ maa w̃ɔ́i ɣéle i hitɛí nɔ́ɔ nyah̃ái ná vólu gi má.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

NJƆÚ 5:44

Wáá ɣelé kɛ wú la ngáá ngé ná wú lókolangɔ áá ɣɛ nɔ́ɔ la tɛngí w̃a wáá mbo ngáá ỹɔw̃ɔ́ ỹɔ́w̃ɔ aáva wáá yakpáma ngáá wɔ́ɔ́ tɛ ngóó w̃aahɔ́lɔ ngeyá lɛí í ngáá Ngalá ngiláá kpéngi?

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

KƆ́L̃E HESENDAA GƆLƆÍ 11:19

Maanɛ́ɛ́ngɔɔ lé ngáá wú lówah̃u kɔ́lɛngɔ í ɣɛ́ la ma ngáá kɛinɔɔ́ nga ngi ɣɛ́ kpál̃au nungáá tí ɣɛ́ kɔ́lɔ ngáá sítii tíwaa sí ɣɛ́ í pele w̃a.

Ɛ́FƐSƆ 2:3

Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

KƆLƆ́SE 2:18

A waá kɛ́ nuu fíli ɔ́ɔ́ lɛ́ɣɛ wú h̃u ngáá bɔwɔ́ yéɣendaa wú yáa ngáá kɛ aá lɔ́ ngáá ngakpa mɔ́ɔ́ wala áá wú su lɔ. Álaa kpa kɛŋɛ́ ngáá wú lɛ́ɣɛ bɔwɔ́ h̃u ɔ́ɔ́ mɔ́ɔ́ kɛ wɔ́ɔ́ malékani fɛ́li. Nátii kpɛ́lɛɛ tɔ nɔ́ɔ ngáá suuwɔɔlɔ́ háá gbááma. Nuu láálii na áá bɔwɔ́ gílisu léve faa ɣɛ́ fááw̃a, kɛ́ ngi gísiyai lɔ nɔ́ɔ ngáá nuu búsa gisíya ɣɛ kíli.

JIMISÍ 1:8

sífaa maa w̃ɔ́i gi mái yakɔ́lɛngɔ áá ɣɛ́ láma ki mái hákangɔ faa kpɛ́lɛɛ sú áá kɛ.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

PÍTƐ GƆ́LƆI HELE KÉLEI 3:16

Faí sítii tɔ́ nɔ́ɔ jɔ́ í pɔ́nɛni ngí gɔ́lɔitii kpɛ́lɛɛ sú ná í kɔlɔ vɔ́nɛi kɔwɔ́ato ti wa. Faa lɛ́ingaani taá ɣɛ́ ngi gɔ́lɔi nátii sú ti yatɔ́ndai mba kpangɔ́ ngwala. Maa hái nátii pá tɔ sítiini taá faa gíte yakɔ́lɔ aáva taa lóóni kpáŋ kpáŋ Ngala fái h̃u taá maa vóte ngáá bɔwɔ́ liivó péle kíya nɔ́ɔ taá kɛ ngáá faa vékaitii ti vɔ́nɛngɔi Ngala Kɔ́lɔi h̃u. Ná vá tiwáá kɛ, tiyá lɔɔ vá ngáá kɛ kíli ỹáánii bɔwɔ́ w̃ááh̃u.

NJƆÚ HESENDAA GƆLƆÍ 2:16

sífaa, sítii kínɛi ti ngáá ngeleí sí wuu haítii ti tá fíli ɛi gula Kɛɛɣɛí Ngála ngéya. Ti kpɛ́lɛɛ tɔ́ ngáá ngeleí sí wúu haítii. Ná waa ngáá, faa ỹɔ́u ɣɛ́ ndíívo kɛi áá ɣɛ́ nuu h̃u ɛ́ɣɛ sítii nuu yáá tí lɔ, ti w̃ɔní í víli í líí vólu ɛ́ɣɛ sítii kínɛi nungáitii ti lii áá ɣɛ́ wɔ́ɔ́lɔ faaw̃a ná taá tí w̃ááhɔlɔ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:11

Suu lɔ vá ɣɛ́ma ỹɔ́u ti w̃a ngwala. Sífaa, siỹɛndópoi sí tɔ́ɔ́ ɣɛ́ ma Kíŋ, ti tuva veléi yangéɣenga. Kápa mɔnii i kɛ́a ti hítɛnga nɔ́ɔ jɔ́ kaka pélei sí wa siỹɛndópoi sí tɔ́ɔ́ ɣɛ́ ma Béél̃ɔ í ɣɛ́i mba. Tí lóa Ngála ndaa wú kíya nɔ́ɔ siỹɛndópoi sí tɔ́ɔ́ ɣɛ́ ma Kɔlɔ í kɛ́ni aáva ti haa h̃uu lɔɔ vú kíya nɔ́ɔ í ɣɛ́i ngáá kɔlɔ bútei.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.