PÍTƐ GƆ́LƆI HELE KÉLEI 2:13 - Kɛ́lɛ Niinaí

¹³ Faa báma lɔɔ vá láma ti w̃a ngáá faa bámai sí vóto táá nda. Ti ndá gísiyai kɔwɔ́ato ndiivo kɛí wa aá waa ngáá sí fíli táá kɛ áá ti liivó, taá kɛ folói léi í bɔ́ɔ́ ɣɛ ngáá ngufe tála haa. Aa ɣɛ ngáá ngángufe ɛ́ɣɛ mbɛlɛ ỹaaní ná taa báha wú wá wú lááỹɛ mbomáitii, aáva ti liivó fái wáá nɔ́ɔ́ nɛ́nɛ ngáá faa ỹɔu ɣɛ́ndai.

PÍTƐ GƆ́LƆI HELE KÉLEI 2:13 Iomraidhean Croise

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

FÉLEPA 3:19

Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

TÍMOTI GƆ́LƆI HELE KÉLEI 4:14

Alɛsáánda lɛ́i í ngáá kɔlu yengé mɔ́i, i nímih̃angɔ ngwala. Kɛ́ Ndemɔí Ngála pá tɔɔ fáa báma la ma faí sítii fááw̃a í kɛ́nga.

JIMISÍ 5:5

Wú wú lɛ́ɛ́h̃ui h̃uuhíyanga ndiilɛí ɛ́ɣɛ ndiivo kɛɛ́ wála h̃u ngeleí sí wu. Aáva kíya nɔ́ɔ wáá níkai laa wɔ í ɣɛ́ wɔɔlɔ paa fááw̃a, ngimɔ́ɔ́ nɔ́ɔ wú bɔwɔ́ ɣɛ́nga wɔ́ɔ́lɔ folói sí hááw̃a wáá vá hááma.

PÍTƐ HESENDAA GƆLƆÍ 4:4

Aá lɔ́ ngáá sítii taa ngáá Ngalá fɛ́li mbélaa ti gɔ́ɔ́lamba h̃ú háá ná táa tɔ wɔ́i mɔ́ɔ́ ɣɛ́ wáá báha kpahá ti wa ngeleí sí wu líívo kɛɛ haa ɣɛndáitii su ngáá suulɔ́vengɔ lɛ́i nga ngáá mba, faale, taa wú yɛ́ɛ́li.

PÍTƐ GƆ́LƆI HELE KÉLEI 2:15

Ti híɣenga tɔɔỹaá véle giteí wa, ti hítɛ kaka péle wa. Biyɔ h̃iỹɛndo loí sí í ɣɛ́i ngáá Ngalá ndaa háá le mɔ́ɔ́ tɔ́ɔ ɣɛ́ ma Béél̃ɔ ngí lúva veleí lɔ́ náá ti hítɛa su. Béél̃ɔi ná va, faa ỹɔ́u ɣɛ́ndaa volú wɔ́li sɔlɔndái lɔ í ɣɛ́i ngáá ndiivóngi.

FAA YÁKƐ KƆ́LƆI 18:6

A suuhóu kíli ỹɔu wó kíya nɔ́ɔ jɔ́ í wú h̃úúhou kíli ỹɔu wongɔ́. Sí í kɛ́ngɔ ngáá wú ye, a poto kúlandaa ɣɛ ma féle. Ná ɣɛ́ndai gúlangɔ í ɣɛ́ lá ngáá ndɔɔ yákpangɔ héndaa ngeyá áá nuu hóu. Ndɔí sí yákpangɔ í ɣɛ́ lá í lɔ́ve sí wá í féngɔ nungáitii ngeyá.