PÍTƐ GƆ́LƆI HELE KÉLEI 2:12 - Kɛ́lɛ Niinaí

¹² Kɛ́ maa lɛ́ɛ́ gálambo mbo mbelaí nátii taa faa fíli súúhalata tɛ́i ngátɔ mba. Ti gúlangɔɔ lé ngáá ndɔbɔ húwaa, kele ɣelé fíli áá tí yɛ́, taá faa ɣɛ́ nɔ́ɔ naa yaah̃ú hááw̃a nɔ́ɔ, tiyɛ́i taa ti le nɔ́ɔ ngáá tí tí hóu, ná vólu, tí tí váá. Aáva kíya nɔ́ɔ taa ndɔbɔ húwaitii páa, ngimɔ́ɔ́ nɔ́ɔ ndɛɛ gálambo mbo mbélai sítii táa vá saa w̃ááhɔlɔma.

PÍTƐ GƆ́LƆI HELE KÉLEI 2:12 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:22

í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo.

NJƆÚ 8:21

Jísu i mɔɔ ndení ti w̃a, i ɣɛ ta, “Nyá lɔ́ va liimá. Wáá ɣɛ́ wáá kɔ́li aáva wá lɔɔ vá haamá wú háá ỹɔítii su. Mbéinda vá ngíwaa lí na, wɔ́i lí na.”

GALÉSIYA 6:8

Nuí fíli áá ɣɛ́ áá híya ngáá liivó fáa ỹɔ́itii, kúnafɔ sái lɔ áá mááhɔlɔ ngáá polú hái. Kɛ́ nuí sí áá ɣɛ́ áá híya ngáá Hɛ́ɛ́ma Ỹínangi liivó fáitii, aa kúnafɔ lɛ́ɛ́h̃ui w̃ááhɔlɔ ngáá polú hái Hɛ́ɛ́ma Ỹínangi w̃áá véle w̃a.

KƆLƆ́SE 2:22

Nátii kpɛ́lɛɛ tɔ nɔ́ɔ ngáá mɛɛní ɛ́ɣɛ kpɔle wɔlíngaa nga ngɛ́i mɔ́ɔ ɣɛ ti wa nuu áá lí ndɔ́bɔ wa ngáá ti ye. Nátii kpɛ́lɛɛ tɔ́ nɔ́ɔ ngáá nuu búsa ndá háva langɔ́ ɛ́ɣɛ maa gálambongaitii taa tí wo.

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.

PÍTƐ GƆ́LƆI HELE KÉLEI 2:19

Taa núngaitii kuulo ngáá tiyá lɔ́ ti wúmaawo kɛ́ tiyá búte tiyá lɔ faa ỹɔ́i yákpangi wú ngáá nduwɔ lopoá. Sí fíli ngi yákpa ngáá ɣɛ́ nuu w̃aah̃u ngwála, kɛ yá lɔ́ náá ngáá nduwɔ lópo ná wu.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.