PÍTƐ GƆ́LƆI HELE KÉLEI 2:1 - Kɛ́lɛ Niinaí

¹ Sítii taá kúla ngáá tiyá lɔ́ ngáá Ngalá ndaa háá lé mbélaa ti ɣɛ́i na wɔ́lɔ wɔ́lɔ mái h̃u aáva ngimɔ́ɔ́ nɔ́ɔ jɔ sítii taá kula ngáa tiyá lɔ́ ngáá kalambó mbó mbélaa Ngala fái h̃u táa vá ɣɛ́ma wú lííwaa. Taá ɣɛ́ taá faa h̃úúỹaani kálamboni mbo tɛi ɣɛ́ ngáá tɔɔỹaá. Aáva tɛí lókohei a mu W̃ááliɣii wu lɛí í váángɔ ngáá ngumaawó tiyá ɣéle tɔ mbɛ. Faale, taá vá ngáá kɛ kíli ỹaaní bɔwɔ́ w̃á fúlo.

PÍTƐ GƆ́LƆI HELE KÉLEI 2:1 Iomraidhean Croise

MÁFIYU 10:33

Kɛ́ nuí fíli áá ndé kpɔ́ ndííwaa ngáá aa fááw̃a, ngimɔ́ɔ́ nɔ́ɔ laá bɛ́lɛ ngáá ndé faaw̃a ní Kɛ́ɛ́ɣɛ gákala lɛ́i í ngelegóóh̃u.”

MÁFIYU 24:11

Ná vólu, nungáá bih̃íw̃aa lɔɔ vá vááma, táá nde ngáá tiyá lɔ́ ngáá Ngalá ndaa háá lé mbélaa, kɛ́ ɛi ɣɛ ngáá tɔɔỹaá, aáva taá nuu bih̃íw̃aa yákpolowa.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 24:5

Sífaa, nuu bíh̃iw̃aa lɔɔ vá vaamá tíwaa ndááheingi vɛ́lɛ wa, tí yilá ngíla fíli taa ɣɛ́ taa ɣɛ́ ta, ‘Nyá lɔ́ ngí ngáá Ngalángi Lókolo Mbá W̃ɔ́i.’ Aáva taá nuu bíh̃iw̃aa yakpólowa.

MÁFIYU 7:15

Kɛ Jísu í mɔ́ɔ ɣɛa ta, “A w̃ááh̃u béle ngáá sítii taá nde ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ ngáá tɔɔỹaá. Sífaa ná taa ɣɛ́a vá wu yelé, taá ɣɛ ngáá mbaala ɣɛ kíli ti luwúi w̃a, kɛ́ ti h̃úú vélei ti ɣɛ kíli aa ɣɛ ngáá fula húwa ỹɔu ỹɔungaa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:9

Kɛ́ nuí fíli áá nde kpɔ ndííwaa ngáá aa Nuu Búsa Goo H̃ú Loí haaw̃a, ngimɔ́ɔ́ nɔ́ɔ aa bɛ́lɛ aa nde maa w̃ɔi háaw̃a Ngalángi w̃álekaitii kakála.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:8

Jísu i ti woo yápoteni, i ɣɛ ti w̃a, “A w̃aah̃ú béle nuu fíli álaa wú yákpolowa. Sífaa nuu bíh̃iw̃aa lɔɔ vá vaamá tíwaa ndááheingi vɛ́lɛ wa, tí yilá ngila fíli taa ɣɛ́ taa ɣɛ ta, ‘Nyá lɔ́ ngí ngáá Ngalángi Lókolo Mbá W̃ɔ́i.’ Ná vólu, ‘Ngetéyangi yákɛɛlɛmai i bɛɛngá náa mba,’ kɛ́ a waa hítɛ ti volú.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:26

Wɛ́i nuu kpɛ́lɛɛ táa faa vánda lé kɔwɔ́ato wú wá, suu lɔɔ vá ɣɛ́ma ỹɔ́u wú w̃a ngwala, sífaa ngimɔ́ɔ́ nɔ́ɔ ti káwalani kele tɔ tɔ́ɔ faa vánda lé kɔwɔ́ato sítii mba taá kula ngáá kɛ tiyá lɔ ngáá Ngalá ndaa háá lé mbélaa kɛ́ ɛi ɣɛ ngáá tɔɔỹáá.”

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

KƆ́L̃E HESENDAA GƆLƆÍ 11:19

Maanɛ́ɛ́ngɔɔ lé ngáá wú lówah̃u kɔ́lɛngɔ í ɣɛ́ la ma ngáá kɛinɔɔ́ nga ngi ɣɛ́ kpál̃au nungáá tí ɣɛ́ kɔ́lɔ ngáá sítii tíwaa sí ɣɛ́ í pele w̃a.

KƆ́L̃E HESENDAA GƆLƆÍ 6:20

I wú h̃ɔ́w̃ɔ hengɔ́ ngáá ŋani. Faalɔ, bɛlɛ́ í ngúfema w̃ááhɔlɔ wú lúwui w̃aa véle w̃a.

KƆ́L̃E HESENDAA GƆLƆÍ 7:23

Ngalá ngí wú kpɛ́lɛɛ sɔ́w̃ɔ hengɔ́ ngáá ŋani. Faalɔ, wálaa ɣɛ́ ngáá nduwɔá nuu búsa yɛ.

GALÉSIYA 2:4

kɛ kíya bɛ́lɛ siỹɛngáá lɛ́ingaa tí ɣɛ́i loí ná í ɣɛ́. Nungái sítii tí ɣɛ́i taá kúla ngáá tiyá lɔ ngáá mu mbála Yála fɛ́li mbélaa ti ta, kɛ́ tí ɣɛ́i nɔ́ɔ ngáá ngasɔbɛ́ mbélaa. Ti vílii nɔ́ɔ kuuwuí sí h̃u ngáá tí ɣɛ́ faa wɔ́lɔ kɔwɔ́ato maawalóngi wá í wóni ngáá ni ye ni báha gilíi w̃a Jísu Kílisitii wa. Ti ɣɛ́i loí tí ni ɣɛ ngáá nduwɔá Júsuaitii ti Yála fɛli kíli hávai wú.

GALÉSIYA 3:13

Kílisitii i mu wúmaawongɔ peléngi yáa Ngala sávai í kɛ́ngɔ ngáá háwu í vúngɔ mu w̃a. I longɔ́ a mu lóów̃ai ngáá peléngi í vú ma, bɔw̃álale, sí pɔ́nɛngɔi Ngalá Kɔ́lɔi h̃u aá wáa ngáá sí, “Nuí fíli táa páa ngáá sɛlɛndái ngulúi w̃a, kɛ Ngalá péle tɔ́ mba.”

GALÉSIYA 4:17

Nungáá vékai nátii tiyɛ́i taá ɣɛ́ tí tɔɔỹaá gééla woo vandaí w̃áálovi taá nda yaah̃ú ngáá ti bɛ́ndɛngɔɔ lé ngáá wú ye ngwala kɛ́ aa ngáá tɔɔỹaá, ti longɔ́ɔ́ lé nɔ́ɔ léi wú béteve mbá kɛinɔɔ́ wú vóte ti wa.

GALÉSIYA 5:20

Ná vólu, kɔɔ kɔɔ́ ŋániaitii fɛ́lindai nungáá táa ti yeɣé ngáá ngalángaa ɛ́ɣɛ kala ndoolí wóndai. Ná vólu, silíí ngáá ỹɔw̃ɔ́ ỹɔ́w̃ɔ, ɛ́ɣɛ ndaahasái ɛ́ɣɛ tolómai, ndiiyatɛtɛ́i ɛ́ɣɛ ndiíkooya háá wálai. Ná vólu, ngasolángi ɛ́ɣɛ kɔlɛ wɔlɛ suí ngáá kuuwu kuuwú.

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

FÉLEPA 3:19

Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

KƆLƆ́SE 2:18

A waá kɛ́ nuu fíli ɔ́ɔ́ lɛ́ɣɛ wú h̃u ngáá bɔwɔ́ yéɣendaa wú yáa ngáá kɛ aá lɔ́ ngáá ngakpa mɔ́ɔ́ wala áá wú su lɔ. Álaa kpa kɛŋɛ́ ngáá wú lɛ́ɣɛ bɔwɔ́ h̃u ɔ́ɔ́ mɔ́ɔ́ kɛ wɔ́ɔ́ malékani fɛ́li. Nátii kpɛ́lɛɛ tɔ nɔ́ɔ ngáá suuwɔɔlɔ́ háá gbááma. Nuu láálii na áá bɔwɔ́ gílisu léve faa ɣɛ́ fááw̃a, kɛ́ ngi gísiyai lɔ nɔ́ɔ ngáá nuu búsa gisíya ɣɛ kíli.

KƆLƆ́SE 2:8

A waá kɛ nuu fíli ɔ́ɔ́ wú yákpolowa ngáá ngoo bɔ́ɔ́w̃aa lendáá wú w̃a áá gúla nuu búsa ndá géle ɣele su, bɔw̃álale nátii kpɛ́lɛɛ tɔ nɔ́ɔ́ ngáá nuu búsa gálambo ɛ́ɣɛ ngakpa ŋáni ỹɔu ỹɔungáitii tí ngélewu. Kele ɣéle táálii nátii tɛ́i gúla Kílisitii yáa.

TÍMOTI HESENDAA GƆLƆÍ 5:8

Ngala fɛ́li mɔ́i ɛ́i ɣɛ́ ngí vóngaitii mbaa hái yeɣéni ngáá hɛmbɛ́ ngu ngí lí í nda mɛ́ɛ́ ngí vɛ́lɛ lowaí wuu yélai kái kái ma, kɛ ndangí sí nuu áá ɣɛ́ su ngáá Jísu Kílisitii i lokogúlaa su. Laáva kɛ tuva veléi ỹɔ́ungɔɔ lé í lɔ́ve bɛ́lɛ nuí sí wá ɛ́i ɣɛ́ lái ngáá Jísu Kílisitii.

TÍMOTI GƆ́LƆI HELE KÉLEI 4:3

Táingi lɔɔ vá fóloma ma nungáitii tɛí wólilo tɔɔỹaá Yála kalambongí w̃a. Kɛ́ laá ɣéle, taá ɣɛ́ loí tí wólilo kalambo péka w̃á áá ti liivó. Faalɔ, taá kálambo mbélaa wɔlí ngáá sítii taayáa mɔní mɔ́ni kɛ, nátii taayáá nde ti w̃a.

TÁITƆ 1:11

Kule lɔ í w̃á yí ti betéve nátii mba, bɔw̃álale tiyá lɔ́ɔ́ nde kpambíaitii ngú ngapóte ngáá kalambongí sí kule áá tí w̃a tɔɔ́ mbó. Tiyá lɔ́ɔ ngufe tála galambongí sítii mbo nɔ́ɔ naholó hɔ́lɔ fááw̃a.

TÁITƆ 3:10

Nuí fíli áá vá ngáá ndowah̃u kɔlɛ́ kpɔɔlɔ w̃áa véle w̃a, ɔɔ ndaahasá w̃áa véle w̃á, maa w̃ɔ́i laahíndaa ɣɛ́ féle. Kɛ́ ná ɛ́i ɣɛ́ béni, kpɛ volú.

HÍBULU 10:29

Kɛlaa nuí sí áá Ngalángi H̃íỹɛndou Loí háá h̃uuh̃ándɛ ɛ́ɣɛ saáɣa haí Jísu í mbóni í kɛ́lɛngi w̃ááh̃u yílini Ngala ngí ngéɣengɔ ti lówah̃u taá ngi vóngaitiini áá mú w̃ááw̃uỹa fó faa ỹɔ́i yaá nuí áá ná yéɣe ngáá faa gúlo múl̃ɔ, í mɔ́ɔ́ Hɛ́ɛ́ma Ỹínangi sí h̃úúhalata lɛ́i í ngáá faa bɔ́wɔ w̃ɔɔ, maa w̃ɔ́i ndá háá bamaí ɣéle aa ɣɛ́ wɔɔlɔ í lɔ́ve kpɛ́lɛɛ kpɛ́lɛɛ mba.

PÍTƐ HESENDAA GƆLƆÍ 1:8

Kíya bɛ́lɛ wáá nɛ́ɛ́ tɔní, wú lóngɔɔ lé la, ná vólu, kíya bɛ́lɛ wáá nɛ́ɛ́ tɔmá kíya suu í na, wú lángɔ lá, náá hááw̃a, wú góóh̃unɛɛngɔɔ wála le. Nuu ɛ́i hómbo p̃ɛ́ɛ́ ɔ́ɔ́ nde laa wóo h̃u kíya maa góóh̃unɛi yambɔ́ɔ́lɔngɔ.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

NJƆÚ HESENDAA GƆLƆÍ 2:26

Nyá lɔɔ kɔlɔí sí vɔ́nɛ wú yéle kɔwɔ́ato sítii mba táá ɣɛ́ ti wú yákpolowa, ti wú gúla wú híya veléi wa.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:18

Tí ndéni wú w̃a, ti ɣɛ́ ta, “Ngetéyangi yákɛɛlɛmai, nungáá tiyá lɔ́ɔ́ vá vaamá taá ngɛ́lɛ gúla wú h̃ú, tiyɛ́i ti beɣéngɔ ngáá ti liivó faa ỹɔítii nɔ́ɔ.”

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 3:8

Ngí súúwɔlɔ sí wáá kɛ. Ngí súúwɔlɔ ngáá kɛ wú h̃úú áá nɛ́ɛ́ báni ngwála, kɛ́ ná fíli sú, wú hítɛngɔ ní gálambongi vólu ɛ́ɣɛ mɔ́ɔ́ wú lɔ́wɔbaɣangɔɔ lé ngéya. Ngí kó ndaawónga wú yɛ́ sí nuu fíli ɛ́i hómbo ɔ́ɔ́ kpɔ́lu.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 6:10

Ti ɣɛ́i taá yɛ́pɛ woo wála h̃u, táa ɣɛ́ ta, “Ndemɔí Ngakpa Mɔ́ɔ́ Wálai, yɛ́i sí faa ỹɔ́u áá í h̃u aáva í lɔ́ɔ́ỹangɔ, kuí bɛ́ɛ́ lɔ́ áá fólo ma sítii tí ní váángɔ ngeléwu yɔ́ɔ́yaa tí waaléve ngáá táa vélei, yí fáá bá ndá tí w̃a?”