PÍTƐ GƆ́LƆI HELE KÉLEI 1:8 - Kɛ́lɛ Niinaí

⁸ Ná faa vánda vándai sítii kpɛ́lɛɛ taa ɣɛ́ wú h̃u wáa ndi ngu ma ngáá ti ɣɛndáá, ná ná áá ɣɛ́, Ndemɔí Jísu Kílisitii wɔ́lɔndai wú yɛ́ ɛi ɣɛ nɔ́ɔ ngáá faa gbááma wɔ́i ɣɛ́ wáá maah̃ú háá ɣɛ.

PÍTƐ GƆ́LƆI HELE KÉLEI 1:8 Iomraidhean Croise

MÁFIYU 13:22

Hakpá súwui sítii pa ti gúlani mbéinda ngali ngáli sapeítii ti ɣɛ́i na, ti gúlangɔɔ lé ngáá nungái sítii taá Ngala ndaa wói ỹɛ́ni, kɛ́ ndɛɛh̃úi h̃uu hái lííhɛlɛngi áá ɣɛ́ ti w̃a, ɛ́ɣɛ ndongí taa ɣɛ́ su ngáá ngeleí sí wuu bátɛitii, taá Ngalá ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí i hakpá fáleitii mboló láá yílini taa wáni.

MÁFIYU 20:3

Ná ngele holói h̃uu í bái kínɛi, kɛ i mɔɔ liinga ndɔwɔ́ bálangi ya, í siỹɛngáitii tɛingáá lɔ lóóni na taá ɣɛ́i taa faa fíli kɛ́.

MÁFIYU 20:6

Kpɔkɔ hólo yandɛ́imai i ɣɛi náa lá, í mɔ́ɔ li ndɔwɔ́ bálangi yá í siỹɛngáá vékaa w̃aale lóóni na. Kɛ i ti w̃ɔ́ɔ́ninga, i ɣɛ ta, ‘Ndeénii le wú hááwɔ hóloi ỹááninga mbéinda wáa péka fíli kɛ́ngɔ?’

MÁFIYU 25:26

Kɛ ngi núú walaí í ɣɛa ma, ‘Yá lɔ ngáá nyaama yénge mɔɔ, ná vólu, í háɣangɔ! Mɛima ɣɛ yí ɣɛ́i suuwɔlɔ́ ngáá mbéi ngɛ́i sí ŋaní béle la na naa lɔ ngáá lí na kulamá, ná vólu, mbéi ngɛ́i sí ŋani hí na naa lɔ ngáá lí na ngi wa kulamá?

NJƆÚ 15:2

Mbekeí fíli áá ɣɛ́ mbá ɛ́i wá aa tevé mbá, sí va áá ɣɛ́ mbá áá wa, aa maa bátɛ fo kɛinɔɔ́ í wa ngwala.

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

NJƆÚ 5:42

Kɛ́ ngí wú wɔ́lɔ, ngí kɔlɔ́ ngáá Ngalángi lóngi aa wú líítii su.

LÓÓMI 12:11

Wálaa yɔ́ njɔ́, kɛ́ láá ɣéle, wááyaa yénge ngwala ngáá lií kpɛ́lɛɛ Ndemɔí Ngála mbɛ.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 13:5

A gísiya gíte ngáá bɔwɔ́ ngáá pangɔ́ wú tɔ́ ná wɔ́lii Jísu lángi áá ɣɛ́ wú h̃u. Wú ɣɛ́ kɔ́lɔ gíte ngáá Jísu Kílisitii háá lɔ wú líí h̃u. Ná wɔ́lii nga ngáá ɣɛ́ kpál̃au ngáá kɛ Jísu aa wú líi h̃u, kɛ wú bááh̃anga bɔ́wɔ wu.

KƆ́L̃E GƆ́LƆI HELE KÉLEI 8:2

Ti híyanga faa bɔ́lunda bákpani su, kɛ́ ná fíli sú, hɔ́wɔ fíli ti góóh̃unɛɛngɔ áá ɣɛ lá ngwala aáva, taá kɔ mbó ngáá ngambɔ́ɔ́lɔngɔ ndiiwolé w̃ááh̃u kíya bɛ́lɛ ti ỹááningɔ ngwala.

KƆ́L̃E GƆ́LƆI HELE KÉLEI 8:7

Wú lóko h̃uulɔ́vengɔɔ lé faa kpɛ́lɛɛ su. Ná wáá ngáá, ndá ngi wú su ngáá Jísu Kílisitii ɛ́ɣɛ Ngalángi gééla woo lendái wú yɛ́ ɛ́ɣɛ kele ɣélengi wú kálangɔ ɛ́ɣɛ kíya kpɔmba wóndai í wú líí wa ngwala ɛ́ɣɛ ndóngi wú sú ngáá ni ye. Faalɔ, ndóngɔɔ lé wú lóko h̃uulɔ́vengɔɔ í ɣɛ́ la ndiiwolé lóko bɔmbaí háá h̃u.

KƆ́L̃E GƆ́LƆI HELE KÉLEI 9:14

Ná vólu, tiyá lɔ Ngala fɛ́li wú yɛ́ ngwala ndo su sífaa wú Ngalángi háá bɔwɔí w̃ááhɔlɔnga ngáá suulɔ́vengɔ.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

FÉLEPA 2:5

Kule lɔ wú w̃á wú gísiyaitii ti ɣɛ́ kíya Jísu Kílisitii ndái í ɣɛ́i na.

FÉLEPA 3:8

Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 2:7

A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 5:13

Taá w̃áá holó lí ngáá lɔve tɔvéndaa pɛlɛ́itii nda, kɛ́ í síɣe bɛ́lɛ ná wa, taá ɣɛ́ taá ndaawó mbó. Ná vólu, táá víli nungáá hááni su ɛ́i ɣɛ́ ngáá ti waaháá.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

FELÉMO 1:6

Ní Yála fɛ́li ngói í hááw̃a aá waa ngáá, mu lángi í su yíla í kɛ́ ngáá háwu yí ɣɛ́ kulasuunúmai kpɛ́lɛɛ kɔ́lɔ í mu haáw̃a ɛ́ɣɛ yí ngátɔ ti wa kɛinɔɔ́ yí hómbo yí yénge Kílisitii yɛ.

HÍBULU 6:12

Naá lói wɔ́ɔ́ ɣɛ́ ngáá saɣá yélaa, kɛ́ aá ɣéle, wú ɣɛ́ kíli í ɣɛ́ ngáá nungáá nda ngáá ɣɛ́ ti h̃u, ti líílɔlɔngɔ. Ná vá kɛngɔ́ taá hómbo tí kuulóngi sítii maahɔ́lɔ Ngala ngí mbóngɔ ngáá ti ye.

PÍTƐ GƆ́LƆI HELE KÉLEI 1:2

Bɛ́lɛ ngi háá bɔwɔí ɛ́ɣɛ ngí lííhei tí ɣɛ́ wú yɛ́ ngáá ngwala. Ná aa ɣɛ h̃íí sífaa wú Ngala kɔ́lɔ ngáá ele gíte wáá ngáá laá taá a mu Lemɔ́i Jísu.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 2:20

Ná a mu Lemɔ́i ɛ́ɣɛ mu Wúmaawo Mɔ́i Jísu Kílisitii wɔ́lɔndai í kɛ́ngɔ ngáá háwu nungáitii tí w̃aavéla faa ỹɔ́u ɣɛ́ndai wa pɛlɛngɔ́ nuu búsai volú ngeleí sí wu, aá ɣéle í mɔ́ɔ́ ti lií hóu, tí bá su kpé, kɛ ná ná áá ɣɛ́, ti ɣɛ kíli ỹaaningɔ́ áá ɣɛ náa la Ngala ngele péle í lɔ́ve sí wa ti ɣɛ́i su hése.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.