PÍTƐ GƆ́LƆI HELE KÉLEI 1:7 - Kɛ́lɛ Niinaí

⁷ Ná vólu, wú ló ngáá ỹɔw̃ɔ́ ỹɔ́w̃ɔ kíya njee lengaa taa ɣɛ́ na, ná vólu, ndo ngí ɣɛ́ wú h̃u.

PÍTƐ GƆ́LƆI HELE KÉLEI 1:7 Iomraidhean Croise

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

KƆLƆ́SE 3:14

A sítii kpɛ́lɛɛ kɛ́ ngí yépɛnga ti wa, kɛ́ ngi bíkpingi waa ngáá a ló ngáá ỹɔw̃ɔ́ ỹɔ́w̃ɔ. Ndongí wáá ɣɛ́ su ngáá ỹɔw̃ɔ́ ỹɔ́w̃ɔ, aa kɛ ngáá háwu wú kpɛ́lɛɛ wú ɣɛ́ ngáá nuu yílaa kpé.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA HESENDAA GƆLƆÍ 5:15

Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:17

A ngufema hé Ngála mbɛ nduwá mba h̃ú wú ngúfema hé Ndɔwɔlɔ́ W̃ása Ngwalaí yɛ́, wú ngúfema hé nuu fíli mbɛ́, wú ló ngáá wú mbála Yalá fɛ́li mbélai.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

NJƆÚ HESENDAA GƆLƆÍ 3:14

A mú suuwɔlɔ́ ngáá a maá mɔ́ɔ ngáá nuu háángɔ ɣɛ́ kíli Ngalá kákala, kɛ́ a muỹá lɔ́ náa ndɛ́ɛ́h̃u gítei h̃u. Ná yakɛ́ngɔɔ lé kpál̃au ngáá mú ye bɔw̃álale a mu longɔ́ɔ́ lé ngáá mu mbála Yalá fɛ́li mbélaitii. Nuí fíli ndo ngɛ́i ɣɛ́ su, kɛ maa w̃ɔ́i gúlangɔɔ lé nɛ́nɛ ngáá nuu háángɔ ɣɛ́ kíli.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.

NJƆÚ HESENDAA GƆLƆÍ 4:21

Savaí Jísu Kílisitii í féngɔ mu yaá aá wáa ngáá sí, nuí fíli áá ɣɛ́ loi ngáá Ngalá, kule lɔ́ ma í ló ngáá ngi mbála Yalá fɛ́li mɔ́i.