PÍTƐ GƆ́LƆI HELE KÉLEI 1:5 - Kɛ́lɛ Niinaí

⁵ Ná lɔ́ í kɛ́a háwui sí kái kái fááw̃a kɛ wú kɛ́ ngáá hɛmbɛ́ fíli ngáá wú ndi ngu ma ngáá wú lángi wú sú lá, ná vólu, wú lúva veléi í ɣɛ́ vaní. Ná vólu, wú ɣɛ́ faa wɔ́lɔ kɔwɔ́ato sí wá Ngala ndóngɔ la.

PÍTƐ GƆ́LƆI HELE KÉLEI 1:5 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:26

Í síɣe bɛ́lɛ ná kpɛ́lɛɛ mbá, ndowá wála lɔ a mu lówah̃u kɛinɔɔ́ sítii ti longɔ́ ti vá míl̃anda yí na tálaa hómbo kɛlaa nuu ɔ́ɔ́ gúla míl̃anda yí na ɔ́ɔ́ vá ni yelé.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:21

Kɛ́ i ɣɛngɔ ɣɛi ni gi má ngáá kɛ laá lɔ́ í ɣɛ́ngɔ áá vá Ísulɔ yélaitii ngumááwo má. Í síɣe féa ná wa, fái sí kpɛ́lɛɛ siyangɔ́i w̃a maa hóloi hawá mbáá háá.

NJƆÚ 6:27

A waa yénge mɛɛníi sí hááw̃a ɛ́i lɛ́mbi, kɛ́ aá ɣéle, a yenge mɛɛníi sí hááw̃a áá lɛ́mbi aáva wáá kúnafɔ lɛ́ɛ́h̃ui w̃aahɔ́lɔ su. Mɛɛníi sí nuí síí w̃ɔ́i taa ɣɛ́ ma Nuu Búsa Goo H̃ú Loí áá fé wú yáá. Sífaa, laa lɔ Ngalá ngí ngakpá féngɔ ngeyá í ngáá Kɛɛɣɛi Ngalá tókovongi í ma.”

KƆ́L̃E HESENDAA GƆLƆÍ 14:20

Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.

Ɛ́FƐSƆ 5:17

Wálaa ɣɛ́ ngáá faa yátɔ tála yelaa, kɛ́ laá ɣéle, wú yákpa wú ɣɛ́ kɔlɔ́ sí Ndemɔí Jísu longɔ́ wú kɛ.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 2:3

Kílisitii lɔ áá kɛ nuu áá ɣɛ́ faa wɔ́lɔ kɔwɔ́ato Ngalángi géle ɣelengí ɛ́ɣɛ ngi háá wɔlɔngɔ́i wa tiyɛ́i ti gúlangɔ ngáá kíya nɔ́ɔ ngandɔ́ɔ́lɔ ngáá ɣɛ́ ná ndɔɔwu h̃ú.

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

HÍBULU 12:15

A ndama ngáá kɛinɔɔ́ nuu fíli álaa vólu yáfe Ngalangí háá bɔwɔí wa. A w̃aah̃ú béle ngáá nuu fíli ndíí álaa ỹááni ɔ́ɔ́ nungáá wú ngapóte. Nuu lááli ná aa nungáá bih̃íw̃aa ɣɛ́ kíli ỹaaní.

HÍBULU 6:11

Ni liivó fái waa ngáá wú yílaa ngílaangi p̃ɛ́ɛ́ wú ndí ngú ma ngáá ngenge pándai sí wóndaa í ló su kpóloo ngakɛɛlɛmái í fólo ma. Sí vá í ngáá wú gítomai wú mááhɔlɔ.

PÍTƐ HESENDAA GƆLƆÍ 3:7

Wɛ́i vá wú ngáá siỹɛngáitii, ná wáá ɣɛ́ séi h̃u wáá nyah̃ái, giséi w̃a ngáá suu áá bái ɔ́ɔ́ híti í h̃u. Waayaa ngufema hé ti yɛ bɔw̃álale tiyá bɛ́lɛ wáá tiyéni tɔ wúwaa vá Ngalángi háá bɔwɔí w̃aahɔ́lɔma, ná wáá ngáá, kúnafɔ lɛ́ɛ́h̃ui. Waayaa ná ɣɛ kɛinɔɔ́ faa fíli álaa víli wú Yála fɛli ngói h̃u.

PÍTƐ GƆ́LƆI HELE KÉLEI 1:10

Faale, mu mbála Yalá fɛ́li mbélai, a yakpá gíte kɛ́ŋɛ ngáá tolíngi ɛ́ɣɛ tokolómbai Ngalá ngí mbónga ngáá wú ye, í wú ɣɛ́ ngáá ngi vóngaa, maa hái ya ngí ɣɛ́ gíte kpál̃au ngáá aa siɣemá ma. Ná wáá ná ɣɛ́, kúnafɔ wɔ́i mɔ́ɔ lokogúla Ngala fái h̃u.

PÍTƐ GƆ́LƆI HELE KÉLEI 1:11

Ná vá tɔ áá kɛ naa áá ɣɛ́ gúlai kɛ́lɛma fó fóndei wú yɛ ngáá wá lɔɔ ɣɛ́ a mu Lemɔ́i Jísu Kílisitii w̃ásandai wu í na kúnafɔ lɛí í ngáá a mu Wúmaawo Mɔ́i.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.