PÍTƐ GƆ́LƆI HELE KÉLEI 1:21 - Kɛ́lɛ Niinaí

²¹ sífaa, keela wói Ngalá ndaa háá lé mbélai tɔ́ɔ́ nde aa ɣɛi ngáá ti wúmaa wóó, ná waa ngáá, sí ɔ́ɔ́ nɛ́ɛ́ ti yɛ ngáá tí nde, kɛ́ Hɛ́ɛ́ma Ỹínangi lɔ ɔ́ɔ́ maa yélai sítii nguto táá Ngalá ndaa wói nátii nde.

PÍTƐ GƆ́LƆI HELE KÉLEI 1:21 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:36

Deevé bútei va i yɛpɛní Hɛ́ɛ́ma Ỹínangi yákpangi h̃u, i ɣɛ ta, ‘Ndemɔí Ngalá i ndení Ndémɔi w̃a, i ɣɛ ma, héi ngufema ỹándai kpéla ní w̃ásandai h̃u í ló su kpóloo ngí í wááhilima yélaitii pu í gɔ́wɔ wú.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:70

I púni ngi hɛ́ɛ́ma láá háá le mbélaitii nda wɔ́lɔ ngáá sí í ndéni

TI GƐ́Ɛ́ HAÍTII 1:16

Kɛ i ndengá, i ɣɛ ta, “Mu mbálangaa, kɛ Ngalá ndaa wói í hítɛ nga sí pɔ́nɛngɔi. Ná wáá ngáá, sí wɔ́lɔ Masangí Deevé í ndéni Hɛ́ɛ́ma Ỹínangi yákpangi w̃aa véle w̃a kɔwɔ́ato Júdɔ wa sí í lói nungáitii ngútuwɔ ti Jísu houní.

TI GƐ́Ɛ́ HAÍTII 28:25

Taá luw̃áni ỹɔw̃ɔ́ ỹɔ́w̃ɔ woo w̃á aáva tí pɛlɛní gulamá Pɔ́ɔ yeléngi wa táá lí ná Pɔ́ɔ í ngapúmaa woí sí lení, ngáá sí í ɣɛ́i ta, “Hɛ́ɛ́ma Ỹínangi í tɔɔỹái léni wú káwalani ma wɔ́lɔ ngáá sí í kɛ́ni ngáá háwu Ngalá ndaa háá lé mɔ́i Aisáya í ndéni,

TI GƐ́Ɛ́ HAÍTII 3:18

Kɛ maa hái hítɛ gilíi lɔ ngáá sí nga Ngalá mbɛ, ngáá sí í ndení wɔ́lɔ laa háá lé mbélaitii kpɛ́lɛɛ ma ngáá kɛ ngi Lókolo Mbá W̃ɔ́i í w̃áánɔw̃ɔ.

HÍBULU 10:15

Hɛ́ɛ́ma Ỹínangi ɣéle tɔ í faa léi mú w̃a kɔwɔ́ato maa hái sí wa. Hése i ndéi, i ɣɛ ta,

HÍBULU 3:7

Náá hááw̃a, kíya nɔ́ɔ Hɛ́ɛ́ma Ỹínangi áá nde, ná wáá ngáá, sí áá ɣɛ́ ta, “Ná hááwɔ wáá Ngala ngóó ỹɛ́ni,

HÍBULU 9:8

Hɛ́ɛ́ma Ỹínangi aa hómbo í kɛ mu ɣɛ́ kɔlɔ ngáá kɛ fái sítii ngéɣe kílii kɔwɔ́ w̃a kpóloo aá lɔ ngákɛ ngáá kɛ Hɛ́ɛ́ma Wála Ỹándai sí laawóngɔ áá ɣɛ́ngɔ lá nɛ́nɛ nuu kpɛ́lɛɛ fááw̃a, ná nɔ́ɔ léi nungáá ti ɣɛ́i taa yénge kula ỹɛpɛ́l̃ɛngi ná wu.

PÍTƐ HESENDAA GƆLƆÍ 1:11

Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.