PÍTƐ GƆ́LƆI HELE KÉLEI 1:19 - Kɛ́lɛ Niinaí

¹⁹ Faale, aá ɣéle ni langɔ́ɔ́ lé naá p̃ɛ́ɛ́ ngwala ngáá keela woí Ngalá ndaa háá lé mbélaitii tí ndéni wɔ́lɔ. Aáva aa ɣɛ́ gíte pele w̃a ngwala ngáá ná wɔ́lii wáa wólilo maa gééla woí w̃a kíya nɔ́ɔ nuu áá hítɛ lámbo fo polú kpíndi h̃u. A ná ɣɛ́ í ló su kpóloo ngele niinái í wo, ná vólu, Jísu Kílisitii lɛ́i kulangɔ́ ngáá ngelesú lémuleɣai í hólo wú w̃a.

PÍTƐ GƆ́LƆI HELE KÉLEI 1:19 Iomraidhean Croise

MÁFIYU 4:16

wɛ́i wú kpindí h̃u, wá lɔɔ vá folo hólo ngwála lɔmá. Wɛ́i va wú gúlangɔ ngáá wú háángɔɔ lé, maa holói lɔ́ɔ vá ngumááwo peleí ɣɛma ngáá wu ye.”

NJƆÚ 5:35

Njɔú gálambongi wó kílii í ɣɛ́i ngáá lámbo kɛ kíli, íwaa hó, aáva i wú líívoni ngáá wú woliló ma kpɛ́ɛ́.

NJƆÚ 5:39

Wáá ndáma tɔ́ wúwaa Ngalá Kɔ́lɔi galá bɔw̃álale aá lɔ wú gí mai h̃u ngáá laá lɔ áá kúnafɔ lɛ́ɛ́h̃ui w̃aahɔ́lɔ kíli ɣɛ ngáá wú ye. Aáva Ngala Kɔ́lɔi sí kái kái pá, aá lɔɔ yɛ́pɛ kɔwɔ́ato mbá.

NJƆÚ 8:12

Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”

TI GƐ́Ɛ́ HAÍTII 15:29

waá mɛɛní fíli mɛ́ taá ɣɛ́ naa kɔɔ kɔɔ́ ŋani fíli kɔ́ni la taa ti yeɣé ngáá ngalángaa. Ná vólu, wálaa suwa fíli mɛ́ tɛi ɣɛ́ mboló lááleveni ɛ́ɣɛ wálaa ŋaaw̃ɔ bɔ́le. Ná vólu múl̃ɔ, a bé kɔlɔsiyá mbóndai wa. Wáá ɣɛ faa vánda ɣɛní ná wáá fái sítii kɛ. Faalɔ, a maá lɔ́ hééhau!”

TI GƐ́Ɛ́ HAÍTII 17:11

Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su.

HÍBULU 2:2

Ngala kééla woí malékaitii tí ndéni wɔ́lɔ, nga ngí ɣɛ́i kpál̃au ngáá kɛ tɔɔỹaá le. Faalɔ, nuí fíli ɔ́ɔ́ ta ỹááni kɛ tɔ́ɔ́ maa ỹɔ́kɔ faa ba nda í w̃a.

JIMISÍ 2:8

Ná gíte wáá híya ngáá sava wúúỹingɔi sí pɔnɛngɔ́i Ngalá Kɔ́lɔi h̃u, ná ná áá ɣɛ, kɛ wá lɔɔ híya ngáá sí í péle w̃a. Ná wáa ngáá, sí í ɣɛ́ngɔ ta, “Ló ngáá í mbála nuú búsai kíya í lóngɔ ngáá bɔwɔ́.”

PÍTƐ HESENDAA GƆLƆÍ 1:10

Ngumaawóngi sí lɔ́ Ngala ndaa háá lé mbélaitii tí ndái ma tɔ́ tíwaa faa yá kpɛ́ kpɛ́ kɔwɔ́ato mba aáva tí Ngala ndaa háá léni kɔwɔ́ato sí wa Ngala ngí ɣɛ́i áá vá féma wú yɛ.

NJƆÚ HESENDAA GƆLƆÍ 5:10

Nuí fíli áá ɣɛ laí ngáá Ngalángi H̃íỹɛndou Loí, kɛ maa w̃ɔ́i langɔ́ɔ́ lé ngáá hééle woí sí. Kɛ́ nuí fíli ɛ́i ɣɛ́ lái la, kɛ i Ngalá kɛ́nga ngáá ndɛɛ w̃ɔ́ɔ́ bɔw̃álale maa w̃ɔ́i ɛi ɣɛ laí ngáá hééle woí sí Ngalá ngáá nde kɔwɔ́ato ngi H̃íỹɛndou Loí wa.

NJƆÚ GƆ́LƆI HAWA KÉLEI 1:6

Ndongí yí su ngáá ti ye tí súúɣɛngɔ ngáá Ngala fɛ́li mbélaitii ti mbéinda. Bɔ́ kái tí wa tí ndí ngu ma ngáá ti Yála ngenge siyangí tí su kíya Ngalá ndóngɔ nɔ́ɔ yí kɛ ti yɛ.

FAA YÁKƐ KƆ́LƆI 2:28

Ngí mɔ́ɔ wú wɔ́ ngáá ngelesú lémuleɣai.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”