PÍTƐ GƆ́LƆI HELE KÉLEI 1:17 - Kɛ́lɛ Niinaí

¹⁷ Ni ɣɛ́i na ná h̃u í ngúfema wálai sí w̃aahɔ́lɔi ɛ́ɣɛ ngakpa máánɛɛnɛɛngi áá gúla Kɛɛɣɛí Ngalá ngéya. Ná wáá ngáá, ná Ngalá ngí yɛ́pɛi áá gúla ngelegóóh̃u ngakpa ngwála ỹandaí, ná í ɣɛ́i ta, “Sí lɔ í ngáá ní H̃íỹɛndou Loí ndóngɔ lá aa lɔ ndíílɛingɔ faaw̃a ngwala.”

PÍTƐ GƆ́LƆI HELE KÉLEI 1:17 Iomraidhean Croise

MÁFIYU 12:18

“Ní yénge mɔí lɔ́ ngáá sí lɛ́i ngí lókolonga mba, laá lɔ́ ndóngɔ lá, laá vá tɔ́ ndíílɛingɔ fááw̃a. Ní H̃ɛ́ɛ́ma Ỹínangi aa ɣɛ polú. Sí í ngáá tɔɔỹaá vélei ndóngɔ nuu kpɛ́lɛɛ ỹandá kpɛ́lɛɛ ti ɣɛ́ taa híya lá, aa ɣɛ áá nde.

MÁFIYU 17:3

Ngamá nɔ́ɔ, kɛ Muusé ɛ́ɣɛ Iláija ti gúlaa ti yaah̃ú táá yɛ́pɛ Jísu yelé.

MÁFIYU 17:5

Pítɛ i lói nɔ́ɔ njɛpɛí vúma, ngamá nɔ́ɔ kɛ njɛ bilíi i ɣɛ́i áá hólo ngwala i vaangá, í ti w̃áábɔlu. Kɛ ngoí ta aá tɔ áá gúla njɛ bilíi ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí, ndóngɔ lá, aá lɔ ndíílɛingɔ fááw̃a ngwala. A wolílo ndaa wóó w̃a!”

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:11

Kɛ ngoo tá i gulangá ngelegóóh̃u, íwaa ɣɛ́ ta, “Yá lɔ yí ngáá ní H̃íỹɛndou Loí ndóngɔ ngáá í ye. Yá lɔ ndíílɛingɔ tɔ́ í hááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:7

Kɛ njɛ bilíí i vaangá í tí w̃áábɔlu, kɛ ngoí tá i gulangá njɛ bilíí ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí ndóngɔ lá. A wolílo ndaa wóó w̃á.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:22

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pa aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:22

Hɛ́ɛ́ma Ỹínangi í yéi, í héi ma. Kpatɛ gilíí gúlangɔ i ɣɛi lá ngáá poovóó. Kɛ ngoo tá í gulangá ngelegóóh̃u, ngoí ná vá i ɣɛi ngáá sí, “Yá lɔ yí ngáá ní H̃íỹɛndou Loí, ndóngɔ ngáá í ye. Yá lɔ́ ndíílɛingɔ tɔ́ í hááw̃a.”

NJƆÚ 10:36

Nyá ní ndái laá, Kɛɛɣɛí Ngalá tɔ í lókolongɔ mbá, í tɔ́ve ngelewu. Ná ná áá ɣɛ́, kɛ ndeé lɔ́ náá hɔ́ɔ́ í kɛ́nga wáá nde ngáá kɛ nyá lɔɔ́ tɛɣɛsu gúla la, baa sífaa náá ngí ɣɛ́a ta nyá lɔ́ ngí ngáá Ngalángi H̃íỹɛndou Loí?

NJƆÚ 14:11

A lá ngáá sí ngí ndéngɔ ngáá naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ sú. Ɔɔ ná láá lé, káámaa haí sítii ngíwaa ti ɣɛ, tí kɛ ngáá háwu wú lá la.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 17:21

Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

NJƆÚ 3:35

Kɛɛɣɛí Ngalá ndongɔ́ɔ́ lé ngáá ngi H̃íỹɛndou Loí aáva í ŋani kpɛ́lɛɛ puá toko h̃u.

NJƆÚ 5:20

Sífaa, Kɛɛɣɛí Ngalá ndóngɔɔ lé ngáá ngi H̃íỹɛndou Loí, laáva sí kínɛi áá kɛ, i kɛa la. Aáva tɔɔỹaá haaw̃a, aá lɔɔ vá faa wála wálani ngakɛ́ma lá bɛ́lɛ í lɔ́ve sítii mba ngáá taa wú kpɛ́lɛɛ kíndaa víli.

NJƆÚ 5:26

Sífaa, kíya nɔ́ɔ Kɛɛɣɛí Ngalá kpútei í ngáá ndɛɛh̃úi wungi, ngimɔ́ɔ́ nɔ́ɔ í ngi H̃íỹɛndou Loí ɣɛ́ngɔ ngáá ndɛɛh̃úi wungí.

NJƆÚ 6:27

A waa yénge mɛɛníi sí hááw̃a ɛ́i lɛ́mbi, kɛ́ aá ɣéle, a yenge mɛɛníi sí hááw̃a áá lɛ́mbi aáva wáá kúnafɔ lɛ́ɛ́h̃ui w̃aahɔ́lɔ su. Mɛɛníi sí nuí síí w̃ɔ́i taa ɣɛ́ ma Nuu Búsa Goo H̃ú Loí áá fé wú yáá. Sífaa, laa lɔ Ngalá ngí ngakpá féngɔ ngeyá í ngáá Kɛɛɣɛi Ngalá tókovongi í ma.”

NJƆÚ 6:37

Nungái sítii kínɛi ní Kɛ́ɛ́ɣɛ Ngalá ngáá ti he ngéya ngáá ní ndá, taá ɣɛ́ ngáá pólu yélaa, aáva nuí fíli áá ɣɛ́ ngáá pólu w̃ɔ́ɔ, ngɛ́i kpɛ volú kúnafɔ.

NJƆÚ 6:39

Ngalá pa lɛ́i í tɔ́vengɔ ndongɔ lé ngí sí ɣɛ́, ngáá nungái sítii kpɛ́lɛɛ í ti hengɔ́ ngéya, ngálaa ti tá fíli ndó su, kɛ́ aá ɣéle, ngí ti yangáima ndɛɛh̃úi h̃u ngakɛɛlɛ́ fóloi w̃a.

LÓÓMI 15:6

Ná ná áá ɣɛ́, wáá héiw̃aa ɣɛ náá yíla, wú woo i ɣɛ́ su yíla wúwaa Ngála ndaaw̃áálɛ lɛí í ngáá Kɛɛɣɛí a mu Lemɔ́i Jísu Kílisitii hááw̃a.

KƆ́L̃E GƆ́LƆI HELE KÉLEI 1:3

A mú sɛ́ɣɛɛ gulá Ngalá má lɛ́i í ngáá Ngalángi ɛ́ɣɛ Kɛɛɣɛí mu Lemɔ́i Jísu Kílisitii hááw̃a, lɛ́i í ngáá Kɛɛɣɛí áá nuu yááh̃u w̃ááw̃aanu hóu, ná vólu, í ngáá Ngalángi kpɔ́mbai kpɛ́lɛɛ áá gúla ngeyá.

KƆ́L̃E GƆ́LƆI HELE KÉLEI 11:31

Ngalá lɛ́i í ngáá Ngalángi ɛ́ɣɛ Kɛɛɣɛí mu Lemɔ́i Jísu hááw̃a, lɛ́i mɔ́ɔ́ ndaaw̃áá áá lɛ́ kúnafɔ fááw̃a, í kɔlɔ́ ngáá ngáá ndɛɛ wɔ́ɔ́la ma.

HÍBULU 1:3

Aá lɔ́ áá ngákɛ kíya Ngalá káámaangɔ aáva kíya nɔ́ɔ Ngala ngí ná, ngimɔ́ɔ́ nɔ́ɔ jɔ́ í na. Aa kɛ ngáá háwu faa kpɛ́lɛɛ tí ndi ngu ma ngelewu ndaa wóó yákpangɔ wálai w̃áá véle w̃a. Ná náa í faa ỹɔ́i wúyani nuu búsaa w̃a i héini náa ngufema ỹándai ngelegóóh̃u Ngakpa Ngála Ngwalaí bélaa masandáá h̃u.

NJƆÚ GƆ́LƆI HELE KÉLEI 1:3

Bɛlɛ́ Kɛɛɣɛí Ngalá ɛ́ɣɛ ngí H̃íỹɛndou Loí Jísu Kílisitii ti háá bɔwɔ́i, ti yááh̃u w̃aaw̃aanuí, ná vólu, ti lííhei ti ɣɛ́ mu yɛ, muỹɛ́i máá híya ngáá tɔɔỹái ɛ́ɣɛ ndo pélei.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.