PÍTƐ GƆ́LƆI HELE KÉLEI 1:16 - Kɛ́lɛ Niinaí

¹⁶ Kpatɛ ngeyá háá laa le ni lókolangɔ ɔ́ɔ́ ɣɛ́ ɣɛi lá ma ná ní yɛ́pɛi wú yéle kɔwɔ́ato a mu Lemɔ́i Jísu Kílisitii yangáimandai wa ngakpa ngwála h̃u ngeleí sí wu, kɛ́ laá ɣéle, niỹá lɔ́ ngáá héélea ngáá ní ngí yákpa ngwalaí yaah̃ú lɔ́ni.

PÍTƐ GƆ́LƆI HELE KÉLEI 1:16 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 17:1

Ná foló ngɔ́hitangɔ í gúlai su, Jísu i Pítɛ yeɣéni ɛ́ɣɛ Jimisíni ngaa ngi ndéɣe Njɔú, taa tiyéni tí lí ngíhe góóh̃a wálai wú mba. Naa lɔ tiyá léé léé ti ɣɛ́i na.

MÁFIYU 24:27

Bɔw̃álale nuí síí w̃ɔ́i taa ɣɛ́ ma Nuu Búsa Goo H̃ú Loí paalái volú aa ɣɛ gulaí ngáá ngeleí áá ɣɛ́ míỹa míỹa í séi foló gúla veléi h̃u véle, í fólo foló líi veléi h̃uu véle.”

MÁFIYU 24:3

Kɛ Jísu i liingá í héi ngihéi sí wá taa tóli ngáá Ɔ́levi Wuluí Yíhei. Kɛ polú yélaitii tí váánga ngelé tiyá léé léé. Tí mɔ́ɔ́nii ti ɣɛ́ ma, “Nde lɛ́ɛ́ ni w̃a, bele hɔ́wɔ lɔ faí sítiini táá vá ɣɛ́ma yí yɛ́pɛngɔ kɔwɔ́ato ti wa? Ná vólu, bɛ́ɛ́ vá tɔ́ áá í váálai yakɛ́ kpál̃au ɛ́ɣɛ ngetéyangi yakɛ́ɛ́lɛmai?”

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:26

Ná h̃uu vá, nungáitii taá nuí síí w̃ɔ́i lɔ taa ɣɛ́ ma Nuu Búsa Goo H̃ú Loí íwaa vá, i njɛ bilíí ya, ngakpa ngwálai i ngeyá, ná vólu, áá hólo míl̃a mil̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:62

Kɛ Jísu i ngoo yápotenga, i ɣɛ ta, “Eéi, aáva wá lɔɔ vá nuí sí w̃ɔ́i taa ɣɛ́ ma Nuu Búsa Goo H̃ú Loí lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ í héini njɛ bilíítii su áá vá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:2

Nungái sítii pa tí ɣɛ́i naa yaah̃ú w̃a faí sítii kpɛ́lɛɛ tɔkúla héimai, tiyá lɔ náa tí kééla wói sí léni kɔwɔ́ato mba, aáva tí ndénga mu w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:43

Nungái sítii kínɛi ti ɣɛ́i na, ná tí Ngalángi yákpangi lɔ́ni ti gindáá vílingɔ i ɣɛi lá. Ná nungáitii kpɛ́lɛɛ ti h̃úúlaahengɔ í ɣɛ́i lá ngáá kindáá vilíngi kɔwɔ́ato sí kínɛi mbá Jísu í ɣɛ́i áá kɛ, Jísu i ɣɛi volú yélaitii ma,

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

NJƆÚ 17:2

Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá.

LÓÓMI 1:4

Kɛ́ Ngalángi ndá gákai w̃áá vélei w̃a, Jísu i gulangɔ́ Ngála ngéle sífaa, ngakɛngɔ́ɔ́ lé kpál̃au ngáá kɛ Jísu lɔ í ngáá Ngalángi H̃íỹɛndou Loí ngakpángɔ ngwála bɔw̃álale, i wuyoɣéni sái h̃u.

KƆ́L̃E HESENDAA GƆLƆÍ 1:17

Kílisitii aa tɔ́vengɔ ngáá ngí ngúya wo. I tɔ́vengɔ ngáá ngí keela woó vándai lé kɔwɔ́ato mba aáva ngálaa nde nuu búsa géle ɣele su. Ná ngáá ná ɣɛ, kɛ keéla wói ngáá nde kɔwɔ́ato Kílisitii haalaí wa kulɔ́sii w̃a jíji ɛ́i ɣɛ́ su.

KƆ́L̃E HESENDAA GƆLƆÍ 1:23

Kɛ́ niỹá láa, keela wói níwaa nde kɔwɔ́ í tóngɔ Kílisitii háálai wa kulɔ́sii w̃a. Keela wói sí vá tɔ áá báálɛ Júsuaitii mba. Sítii pa taa ngáá Júsua, aá lɔ ti yaá ngáá faa ỹááka.

KƆ́L̃E HESENDAA GƆLƆÍ 1:7

Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.

KƆ́L̃E HESENDAA GƆLƆÍ 2:1

Mu mbála Yalá fɛ́li mbélai, ná ngí vááni wú yéle ngáá ngí Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba faa léma wú w̃á kɔwɔ́ato mba, ngáá ndéni wú w̃a kɔlɔ galá ngóó wála wálani su ɛ́ɣɛ nuu búsa ndá géle ɣéle su.

KƆ́L̃E HESENDAA GƆLƆÍ 2:4

Kalambongí ngí mbóni ɛ́ɣɛ kééla wói ngí ndéni kɔwɔ́ato Ngalá mba, ngáá ndéni kɔlɔ galá ngóó wala wala h̃u. Kɛ́ ngí tí ɣɛní peleí sí w̃a áá ngákɛ kíya Hɛ́ɛ́ma Ỹínangi yákpangɔ.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

FÉLEPA 3:21

lɛ́i ngakpángi í ngeyá áá kɛ ngáá háwu ŋani kpɛ́lɛɛ í ɣɛ laá ngi léhei wu. Mu luwúi sítii taa ỹááni aa ti w̃áálovi ngáá maa yákpangi ná í ngeyá tí ɣɛ ngáá ngi ndá lúwui w̃aanɛɛ ngwalaí ɣɛ́ kíli.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA GƆ́LƆI HELE KÉLEI 2:9

Nyaama ỹáni walaí sí áá vá Setána yákpangi h̃ú, aa káámaa haa bih̃i bih̃i kɛ taá kíndaa víli fááni kɛ́ tí kpɛ́lɛɛ taá ɣɛ́ nɔ́ɔ ngáá ngakpolówa fáa lee léé.

TÍMOTI HESENDAA GƆLƆÍ 1:4

Nde ndɛɛ gálambo mbelái nátii ma ti bé bɔwɔ́ w̃ááhololima ngáá gbéle táálii nátii ɛ́ɣɛ wɔ́lɔ wɔ́lɔma lé suugúlandaa yɔli njɔlingí ná wa. Ná vólu hái aa ɣɛ́ nɔ́ɔ léi ngáá tamal̃á mááɣaali aáva tɛ́i kpɔ́mba he Ngalángi háá h̃uubatɛngí wa ngakɛ́ngɔ ngáá mu ye ndangí w̃aa véle w̃a.

TÍMOTI HESENDAA GƆLƆÍ 4:7

Gbelengái nátii nungái taa ɣɛ́ táá pili, tɛ́i ɣɛ ngáá Ngala fáa aáva pele áá tí le fáá h̃u, volú yáfe tí wa, í hɛ́mbɛ héingɔ í ɣɛ́ la fái sítii kal̃aa wɔlíndaa h̃u taá i ɣɛ ngáá Ngala fɛ́li mɔ́ɔ vanda.

TÁITƆ 1:14

tálaa wolíɣɛ Júsuai sítii ti gbeléngaitii ma. Ná vólu, tálaa wolíɣɛ savaí sítii ma sítii ti béélenga tɔɔỹái wa taa nda ti yaa.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

NJƆÚ HESENDAA GƆLƆÍ 4:14

Ní ngi H̃íỹɛndou Loí lɔ́nga, niỹá vá náá nde nungáá w̃a ngáá Kɛɛɣɛí Ngalá i ngi H̃íỹɛndou Loí lɔ́vengɔ ngáá ná í ɣɛ́ ngáá Ngumaawó Mɔ́i ngeleí sí wu.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:14

Siỹɛndópoi sí tɔ́ɔ́ ɣɛ ma Íínɔ, Ádau í ɣɛ́i ngáá ngi káwala wɔ́lɔ í Ngalá ndáa háá léni kɔwɔ́ato nungái sítii mba, í ɣɛ ta, “A wɔ́lɛ lɛɛ! Ndemɔí lɔ́ɔ́ vá ngáá tasu bih̃i kpih̃i hɛ́ɛ́ma w̃álekaitii su

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.