PÍTƐ GƆ́LƆI HELE KÉLEI 1:12 - Kɛ́lɛ Niinaí

¹² Háwui sí hááw̃a, nyá lɔɔ ɣɛ́ ngáá wú gísitɛ nɔ́ɔ faí nátiini mba kíya bɛ́lɛ wú tí wɔlɔ́ náá kílii aáva wú lóóni kpáŋ tɔɔỹái sí w̃ááh̃u wú maahɔ́lɔnga.

PÍTƐ GƆ́LƆI HELE KÉLEI 1:12 Iomraidhean Croise

TI GƐ́Ɛ́ HAÍTII 16:5

Faalɔ, Ngala fɛ́li mbélaitii ti h̃úú í ɣɛ́i áá ba ti lángitii su, aáva ngele fíli ɔ́ɔ wó, ta ɔ́ɔ́ báha ti wa.

FÉLEPA 3:1

Mu mbála Yalá fɛ́li mbélai, ngapúma haí waa náa ngáá sí a gooh̃unɛ́ɛ́ wú báha gilíi w̃a Ndemɔí Jísu wa. Aa ngáá faa fíli ngéya ngáá ngí fái sítii pɔ́nɛ wú yéle múl̃ɔ ngí pɔ́nɛni hése. Laáva aa ɣɛ ngáá kpɔmba wú hááw̃a wú lángitii ndo fái w̃a wú líítii su.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 2:7

A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

TÍMOTI HESENDAA GƆLƆÍ 4:6

Tímoti, na yáá fái sítii suuɣɛ́ ngáá a mu mbála Yalá fɛ́li mbélaitii ngáá taayaá kɛ, kɛ yá lɔ́ ngáá ngenge mɔ́ɔ́ vánda Jísu Kílisitii hááw̃a. Tɔɔỹaá gálambongi ɛ́ɣɛ Ngalá ndáá wói yáá híya la lɛ́i áá kɛ ngáá háwu nuu í la ngáá Jísu, tiyá lɔ táá i h̃úúba Ngala fái h̃u.

TÍMOTI GƆ́LƆI HELE KÉLEI 1:6

Ná hááw̃a, ngenge tókoi Ngalá ngí féni í yáa ngáá yí mbo ná h̃u ngí lóko vɛ́lɛi i w̃á ngí Ngalá fɛ́li, ngáá ɣɛ́ loí yí ndí ngu ma ngáá maa yénge pandaí wóndaa.

HÍBULU 10:32

A gisíya lɛ́ɛ́ ngáá ná h̃u Ndemɔí Ngalángi í tɔɔỹái yakɛ́i ngáá wú yé hése, wú lɔ́vei maanɔw̃ɔ́ bíh̃i bih̃i su laáva wú liilɔ́lɔ ngá.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ HESENDAA GƆLƆÍ 5:12

Siỹɛndópoi sí taa ɣɛ́ ma Sáilɔ, lɛ́i í ngáá mu mbála Yalá fɛ́li mɔ́i ta tɔwɔ́baɣangɔ, i bɔngɔ́ mbá kɔlɔ lukpúi sí vɔ́nɛ fái h̃u wú yéle. Ngí pɔnɛngɔ́ ngáá kɛinɔɔ́ nduwúh̃u í lɛ́ ngáá wú ye Ngala fɛ́li fái h̃u, ná vólu, kɛinɔɔ́ ngí faa lé gíte ngáá kɛ Ngalángi háá bɔwɔ́i kái kái tɔ ngáá sí a mú su. Faale, a ɣɛ́ su gíte wú lííbangɔ í ɣɛ́ la su kpáŋ.

PÍTƐ GƆ́LƆI HELE KÉLEI 1:13

Aá lɔ́ kí ma ngáá aá lɔ́ pele w̃a ngáá ngí ɣɛ́ ngáá wú gísitɛ nɔ́ɔ na fɔ́ ná nɔ́ɔ kái ngí ndɛɛh̃úi sí h̃ú nɔ́ɔ nɛ́nɛ,

PÍTƐ GƆ́LƆI HELE KÉLEI 1:15

Kɛ́ nyá lɔ́ɔ kɛ ngáá hɛmbɛ́ ngáa kɛinɔɔ́ wú gíseingɔ í ɣɛ́ nɔ́ɔ la faí sítii ma kúnafɔ bele pá sáángɔ áá ɣɛ́ naá lá.

PÍTƐ GƆ́LƆI HELE KÉLEI 3:1

Mu mbála vandáitii, ní gɔ́lɔi hele kélei lɔ́ náá ngíwaa pɔ́nɛ wú yéle. Kɛ́ félengɔ p̃ɛ́ɛ́ su hése keleí ɛ́ɣɛ fele kélei sí nyá lɔɔ́ yákpa gíte ngáá ngááyaa wú gísitɛ faí sítiini mba kɛinɔɔ́ fáa ỹɔ́u fíli álaa ɣɛ́ wú gísiyaitii su.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

NJƆÚ HESENDAA GƆLƆÍ 2:21

Náá hááw̃a, ngáá kɔlɔí sí vɔ́nɛma wú yéle sífaa wáá tɔɔỹái wɔlɔ́, kɛ́ aá ɣéle, nyá lɔ́ɔ pɔ́nɛ wú yéle sífaa wú tɔɔỹái wɔlɔ. Ná vólu, wú suuwɔlɔ́ ngáá ndɛɛ fíli ɛi gula tɔɔỹaá h̃u.

NJƆÚ GƆ́LƆI HELE KÉLEI 1:2

bɔw̃álale, Ngala tɔɔỹái lɔ mu h̃u aáva kúnafɔ aa lo mu h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:17

Kɛ́ wɛ́i wú ngáá mu mbála vandáitii, a gísei sí w̃a mu Lemɔ́i Jísu Kílisitii géélaitii tí ndéni wú w̃a wɔ́lɔ ngáá áá lɔ́ɔ́ va ɣɛ́ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:3

Mu mbála vándaitii, ngí ɣɛ́ngɔ loí ngi kɔlɔ vɔ́nɛ wú yéle kɔwɔ́ato ngumaawóngi wá mú maahɔ́lɔngɔ. Kɛ́ aa ɣéle, faa ta i kɛ́a náa nyá lɔ́ɔ pɔ́nɛ náa ngáá ngí wú lííwuulɛ kɛinɔɔ́ wú ló kpáŋ sí w̃aaɣáwondai h̃u mu langɔ́ la. Ná wáá ngáá Ngala ndaa wói í féni wɔ́lɔ su yíla kpé ngi vóngaitii ngeyá.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:5

Kíya bɛ́lɛ wú faa wɔ́lɔ sí wa kílii, a giséi sí w̃a í ɣɛ́ni Ísulɔ yeláitii mbɛ ná Ndemɔí Ngala í tí w̃ááɣawoni nungái sítiini ngeyá taa ɣɛ́ tí w̃a Íjepiai. Ísulɔ yélai tí lɛ́ingaa taá ɣɛ́i laí ngáá Ngalá kpósouŋ aáva Ndemɔí Ngála ngí sítii tí háá h̃uuvuni taa ɣɛ́i laí la.