PÍTƐ GƆ́LƆI HELE KÉLEI 1:10 - Kɛ́lɛ Niinaí

¹⁰ Faale, mu mbála Yalá fɛ́li mbélai, a yakpá gíte kɛ́ŋɛ ngáá tolíngi ɛ́ɣɛ tokolómbai Ngalá ngí mbónga ngáá wú ye, í wú ɣɛ́ ngáá ngi vóngaa, maa hái ya ngí ɣɛ́ gíte kpál̃au ngáá aa siɣemá ma. Ná wáá ná ɣɛ́, kúnafɔ wɔ́i mɔ́ɔ lokogúla Ngala fái h̃u.

PÍTƐ GƆ́LƆI HELE KÉLEI 1:10 Iomraidhean Croise

MÁFIYU 22:14

Jísu i faanɛ́ɛ́ngi sí volúi ɣɛí, i ɣɛ ta, “Nuu bíh̃iw̃aa lólingɔɔ lé, kɛ́ sítii ti yeɣéngɔ ti h̃u, taá bíh̃i.”

LÓÓMI 11:29

sífaa Ngalá ngɛ́i nɛ́ɛ́ma yéi nuu w̃a ɔ́ɔ́ mɔ́ɔ́ ngeɣé vólu, ná vólu, ɛi leew̃a sítii ma í lókolonga tí wa ngáá ngi vóngaa.

TÍMOTI GƆ́LƆI HELE KÉLEI 2:19

Kɛ́ Ngala tɔɔỹáa geela woí gulangɔ́ɔ́ lé ngáá pɛlɛ́ gɔ́wɔ h̃úúbangɔ Ngalá ngí sítɛngɔ ɛi liilí. Ngói sítii pá pɔnɛngɔ́ pɛ́lɛ gɔ́wɔi sí w̃á tiyá waa ngáá sí í ɣɛ́ngɔ tá, “Ndemɔí Ngalá ngi kɔlɔ sítii tí ngáá ngi vóngaa” aáva “Nuí fíli áá ɣɛ́ ta aa lɔ Ngalá fááw̃a, kɛ maa w̃ɔ́i í vólu yáfe faa ỹɔ́u ɣɛ́ndai wa.”

HÍBULU 6:11

Ni liivó fái waa ngáá wú yílaa ngílaangi p̃ɛ́ɛ́ wú ndí ngú ma ngáá ngenge pándai sí wóndaa í ló su kpóloo ngakɛɛlɛmái í fólo ma. Sí vá í ngáá wú gítomai wú mááhɔlɔ.

HÍBULU 6:19

Sí a mú yílingɔi mba kpáŋ kɛ kíli ɛ́i ỹááni aá waa ngáá kitomái í mú yɛ kɔwɔ́ato mu lɛ́ɛ́h̃ui wa. Nuí vá mu gitóngɔ mba aá wáá ngáá Jísu lɛ́i í líínga mu wutúwɔ mu haáw̃a. I liingá Hɛ́ɛ́ma Wála Ỹándai kula walái volú véle í Hɛ́ɛ́ma Yála Pɛ́lɛi wu í ngélegooh̃u. Naa lɔ í na ngáá Ngala sááɣa gula mɔ́ɔ́ wala kúnafɔ kíya nɔ́ɔ Ngala sááɣa gula mɔ́i Mɛlɛkésedɛ í ɣɛ́i na.

JIMISÍ 2:10

Nuí fíli áá híya ngáá sávai kpɛ́lɛɛ kɛ́ ná fíli sú í ngílaa kéle tɔ nyaaní pelé lálangɔ áa ɣɛ la savaí kpɛ́lɛɛ nyááni fááw̃a.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 1:5

Wú lángɔɔ lé ngáá Jísu, ná vá tɔ í kɛ́ngɔ Ngalángi yákpangi íwaa wú w̃ááh̃u béle í ló su kpóloo ngumaawóngi sí í na náa wú hááw̃a ngakɛ́ɛ́lɛ fóloi w̃á áá gúla kɛlɛ́ma.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 1:5

Ná lɔ́ í kɛ́a háwui sí kái kái fááw̃a kɛ wú kɛ́ ngáá hɛmbɛ́ fíli ngáá wú ndi ngu ma ngáá wú lángi wú sú lá, ná vólu, wú lúva veléi í ɣɛ́ vaní. Ná vólu, wú ɣɛ́ faa wɔ́lɔ kɔwɔ́ato sí wá Ngala ndóngɔ la.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 22:14

Aá lɔ́ ngáá faa vánda sítii faaw̃a ti ɣɛ kíli gulangɔ́ ngáá kíya nungáá taa w̃áá gúla wúya fó. Tiyá vá tɔ naa gúlangɔ kɛ́lɛma ti yɛ ngáá tí ngúlu wángi sí ỹɛ áá ndɛ́ɛ́h̃u gítei hé, ná vólu, ti wála sasaí lá tí lí taa walái h̃u.