PÍTƐ GƆ́LƆI HELE KÉLEI 1:1 - Kɛ́lɛ Niinaí

¹ Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

PÍTƐ GƆ́LƆI HELE KÉLEI 1:1 Iomraidhean Croise

MÁFIYU 10:2

Ngalángi gééla púúngɔ maah̃úú félengɔitii ti laahéingaitii tɔ ngáá sí, Sáimɔ, lɛ́i tɔ́ɔ́ tolí mɔ́ɔ́ ngáá Pítɛ. Ngí ndéɣei i ɣɛi ngáá Ándulu, ná vólu, Jimisíni ngaa ngi ndéɣe Njɔú, Sɛ́bɛdi h̃iỹɛndou lengáitii.

MÁFIYU 4:18

Ná Jísu í ɣɛ́i áá híya Galéli Yɛ Walaí góóɣaka w̃a, i nyɛɛmbɛ́ mbélaa félengɔ lɔ́ni ti ngáá njee koo h̃u yiláá, táá ti ỹɛ́ɛ́ bɛ mbów̃ai víli njɛí ya. Ndiya geleí laahéingi i ɣɛi ngáá Sáimɔ, ndeɣe geleí laahéingi i ngáá Ándulu. Kɛ́ Sáimɔ laahéi pékai í ɣɛi ngáá Pítɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:47

Súúlaahengɔɔ lé ngáá kóóh̃unɛɛ Ngalá fááw̃a lɛ́i í ngáá Ngumaawó Mɔ́i,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:49

Laáva ná wú sí ɣɛ́nga, kɛ fái sí ndéngɔi Ngalángi géle ɣele ngói h̃u i hitɛngá nga, ngáá sí í ɣɛ́ngɔ ta, ‘Nyáá ngáá laa háá lé mbélaitii ɛ́ɣɛ ní géélaitiini tɔve ti yele. Aáva taa ndáá háá le mbélaitii ɛ́ɣɛ ní géélai sítii ti lɛ́ingaa váa, ná vólu, tí faa bá nda ti lɛ́ingaa w̃a.’

NJƆÚ 1:42

Ná vólu, i liiní náa lá Jísu yeléngi. Kɛ Jísu í wɔ́lɛnga Sáimɔ wa tííŋ i ɣɛ ma, “Njɔú h̃íỹɛndou loí Sáimɔ waa ngáá í ye. Í lááheingi lɔɔ ɣɛ́ ngáá Sífa.” Ndaaheingí sí Jísu í pɛ́lɛni Sáimɔ wa aa waa ngáa Pítɛ Gilísi woí h̃u. Ná wuí wáá ngáá kɔtuí.

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 20:21

Ná Jísu i mɔ́ɔ laalíni ti w̃a, kɛ i ɣɛ́a ta, “Kíya nɔ́ɔ ní Kɛ́ɛ́ɣɛ í tɔ́vengɔ, ngimɔ́ɔ́ nɔ́ɔ nyá bɛ́lɛ ngáá wú lɔ́ve.”

TI GƐ́Ɛ́ HAÍTII 15:14

Sáimɔ i ngakɛ́nga ngáá mu ye kɛ kíya hése Ngalá ngí ngi lóngi yaah̃ú ɣɛngɔ́ sítii ndiiwáá taa ngáá Júsua ngáá sí í lókolongɔ nungáá wa ti liiwáá, í ti ɣɛ ngáá bɔwɔ́ vóngaa.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 1:12

Ná wáá ngáá, wú lííwuu í lɛ́ ní lángi w̃áa véle w̃a, nyá bɛ́lɛ ndííwuu í lɛ́ wú lángi w̃áá véle w̃a.

LÓÓMI 1:17

Ngakɛ́ngɔɔ lé maa gééla woo vandaí h̃u ngáá kíya Ngalá ngáá nuu yéɣe ngáá telembo mɔ́ɔ́. Ná wáá ngáá, nuí fíli nda ngáá ɣɛ nɔ́ɔ su léi, Ngalá ngáá ngeɣé ngáá telembo mɔ́ɔ́. Maa hái waa nɔ́ɔ́ ngáá kíya pɔnɛngɔ́ Ngala Kɔ́lɔi h̃u, sí vá pɔnɛngɔ́ aá wáa ngáá sí, “Sítii Ngalá ngáá ti yeɣé ngáá telembo mbélaa taá ɣɛ́ ndɛɛh̃u gítei h̃u ndangí w̃áá véle w̃a taa ɣɛ́ sú ngáá Ngalá.”

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 15:9

sífaa, Ngalángi gééla vekaítii kpɛ́lɛɛ ti lɔ́vengɔɔ lé mbá aáva ngáá kúlaɣɛi p̃ɛ́ɛ́ ngáá nuu ngáá tɔɔ ngéɣe ngáá Ngalángi gééla, bɔw̃álale ngí fáá bá ndáni Ngala fɛ́li mbélaitii ma.

KƆ́L̃E HESENDAA GƆLƆÍ 9:1

Ngáá nduwɔ laá h̃u, nyá lɔ́ ngáá Ngalángi gééla. Aáva ngí a mu Lemɔ́i Jísu lɔngá. Aáva ngengengí sí ngíwaa mbo Ndemɔí Jísu yɛ, wá lɔ́ Ngalá ngí wú w̃ááhɔlɔngɔ ngengeí sí h̃u ngí mbóngɔ.

KƆ́L̃E GƆ́LƆI HELE KÉLEI 4:13

Pɔnɛngɔ́ɔ́ lé Ngalá Kɔ́lɔi h̃u ngáá sí, “Ndángɔɔ lé ngáá Ngalangí gúúlongi. Faalɔ, ngí yɛ́pɛngɔ.” Aáva nda ngílaangi ná lɔ́ nɔ́ɔ ní su niỹá bɛ́lɛ, faalɔ, naá yɛ́pɛ.

KƆ́L̃E GƆ́LƆI HELE KÉLEI 5:21

Faa ỹɔ́u fíli aa ɣɛi Kílisitii h̃u, kɛ́ a mu haáw̃a, Ngalá ngí i mu háá ỹɔítii njení ma ngáá kɛinɔɔ́ kpahaí á mú su laá Jísu wa, ná í mú ɣɛ́ ngáá telembo mbélaa Ngalá ngááh̃u.

GALÉSIYA 2:8

Ngalá ngílaa kpéngi sí áa kɛ ngáá háwu Pítɛ áa ngi gééla woí le Júsuaitiini ma, laá lɔ nɔ́ɔ mɔ́ɔ áa kɛ ngáá háwu ngíwaa ngi gééla woí lé sítii ma taá ngáá Júsua.

Ɛ́FƐSƆ 3:5

Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.

Ɛ́FƐSƆ 4:11

Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

Ɛ́FƐSƆ 4:5

Ndemɔí í yíla kpé aáva mu kpɛ́lɛɛ mu langɔ́ɔ́ lé la ngáá pele yílaa kpé, a maá ngúyai wo háwu yiláá kpé fááw̃a.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

FÉLEPA 3:9

Ná vólu, naá laá ni ɣɛ́ ngáá nuu yílaa kpé. Ná vá tɔ áá kɛ ngɛ́i mɔ́ɔ lo hiyamá ngáá Ngala sávai telembo mááhɔlɔ fááw̃a. Kɛ́ aá ɣéle, ní lángi ngáá ɣɛ́ su ngáá Kílisitii, laá lɔ áá kɛ télembongɔ áá ɣɛ́ la. Ngimɔ́ɔ́ maa hái í na, ngáá telembongí Ngalá ngáá kɛ ngáá háwu a maa ɣɛ́ su, aa gula ndangí h̃u maa ɣɛ́ su ngáá Ngalá.

TÍMOTI GƆ́LƆI HELE KÉLEI 1:5

Kí ngí lóngɔ tɔɔỹaá lángi h̃u yí su ngáá Jísu aáva maa lángi lɔ nɔ́ɔ í máma Lowe ɛ́ɣɛ í njéé Yúne ti ɣɛ́i su ngáá Jísu. Ngí kɔ́lɔ maa lángi vá tɔ nɔ́ɔ yáá ndi ngu ma la.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

TÁITƆ 1:4

Kɔlɔí sí lɔɔ vá í yéle Táitɔ yɛ́i yí ngáá kpɔ́wɔ lóu ɣɛ kíli mú lángi w̃áa véle w̃a Ngalá fɛ́lindai h̃u. Bɛlɛ́ Ngála lɛ́i í ngáá mu Kɛ́ɛ́ɣɛi ɛ́ɣɛ Jísu Kílisitii lɛ́i í ngáá mu Wúmaamo Mɔ́i, ti háá bɔwɔí ɛ́ɣɛ tí lííhei tí ɣɛ́ í yɛ́.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

JIMISÍ 1:1

Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ HESENDAA GƆLƆÍ 1:7

Faí sítii tiyá lɔɔ ɣɛ́ ngáá wú ye kɛinɔɔ́ nga ngí ɣɛ́ kpál̃au ngáá kɛ wú lángɔ gíte le ngáá Jísu Kílisitii ngáá wú líí kpɛ́lɛɛ. Góólii í ngáá ŋani tá áá ỹááni, taá kɔvɔ́ ngáá ngɔmbu kɛlaa maa wú lángi í wú h̃ú lɛ́i tɔvengɔ́ góólii wa. Kɛ nɔ́ɔ suugɔvɔ́ ngí wó ngáá wú ye ngáá kɛinɔɔ́ faa kpɛ́lɛɛ sú wú lángi ná álaa gúla wú h̃u. Ná lɔ́ áá kɛ wáá tɛ mááhɔlɔ ɛ́ɣɛ ngufema Jísu Kílisitii váá holói w̃a.

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.