TƐSALÓNIKA HESENDAA GƆLƆÍ 5:9 - Kɛ́lɛ Niinaí

⁹ Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

TƐSALÓNIKA HESENDAA GƆLƆÍ 5:9 Iomraidhean Croise

MÁFIYU 26:24

I ɣɛ ti w̃a, “Nuí síí w̃ɔ́i taa ɣɛ́ ma Nuu Búsa Goo H̃ú Loí lɔɔ vá hááma kíya nɔ́ɔ pɔnɛngɔ́ Ngalá Kɔ́lɔi h̃u kɔwɔ́ato mba. Kɛ́ suu lɔɔ vá ɣɛ́ma ỹɔú siỹɛ́ngi sí w̃a íwaa tokolevé! Ɔ́ɔ́ ɣɛ́ vaní maa w̃ɔ́i hááw̃a ná tɛ́i belé ɣɛ́ ndení!”

TI GƐ́Ɛ́ HAÍTII 1:20

Kɛ Pítɛ i mɔ́ɔ ɣɛ́a ta, “Pɔnɛngɔ́ɔ́ lé Ngala Fɛ́li Ngúle Gɔlɔí h̃u sí vá pɔnɛngɔ́ aá wáá ngáá sí, ‘Bɛlɛ́ ngi vɛ́lɛ lowaí wuu ỹaaká í ɣɛ́ la, nuu fíli álaa hɔ́lɔ ɔ́ɔ́ wála mbu.’ Pɔnɛngɔ́ɔ́ lé múl̃ɔ maa ngúle gɔlɔí h̃u ngáá sí, ‘Bɛlɛ́ nuu véka í ngi lóów̃ai yéɣe.’

TI GƐ́Ɛ́ HAÍTII 1:25

kɛinɔɔ́ í Ngalángi gééla woo lendái w̃aa lóów̃ai sí yéɣe Júdɔ í híɣenga na ngáá í lí mbéi kule í ma í ɣɛ́ na.”

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

LÓÓMI 11:30

I ɣɛi ngáá táingi ta wɛ́i wáá ngáá Júsua wú kólo lala gúlani ngáá Ngála, kɛ́ sí h̃úi náa, í wú yááh̃u w̃ááw̃aanu hóunga bɔw̃álale, Júsuai tí kólo lala gúlanga la.

LÓÓMI 11:7

Kɛ maa hái gúlangɔɔ lé ngáá Ísulɔ yeláitii taa sí lɔ́ngɔ ti ɣɛ́ngɔ taá kɔ́li. Nuu bɔ́sɔwɔ kuloí sí Ngalá ngí lókolongɔ tí wa ngáá ngi vóngaa tiyá lɔ tí tɔ́ngɔ, Ngalá pa i kɛ ngáá háwu mataitii ti ɣɛ́ ngáá ngoli h̃u bɔlɔ mbélaa.

TƐSALÓNIKA HESENDAA GƆLƆÍ 1:10

Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TƐSALÓNIKA HESENDAA GƆLƆÍ 3:3

Ni ná ɣɛ́i kɛinɔɔ́ faa bángai sítiini tálaa kɛ́ ngáá háwu wú tá fíli wɔ́ɔ́ liiỹááni Ngalá fái h̃u ngáá wɔ́ɔ́ yángaima vólu. Wá gíte wú suuwɔlɔ́ ngáá faa báma lááliai sítiini tiyá lɔ́ ngáá Ngalá túw̃ama h̃u háá a mu haáw̃a.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÍMOTI HESENDAA GƆLƆÍ 1:16

Kɛ́ háwu sí kái kái í kɛ́ngɔ Ngalá ngí ngááh̃u w̃aaw̃áánu hóungɔ aá wáa ngáá kɛinɔɔ́ Jísu Kílisitii í ngí líílɔlɔ walaí yaah̃ú ɣɛ́ ngáá ngé nyɛ́i ngí ngáá faa ỹɔ́u yélaitii kpɛ́lɛɛ ti wúngi. Aáva ná ngí ngáá ti wúngi, í séi náá sí h̃úi w̃a í lí naa lúwɔɔ nyá lɔ́ náá ngí ngáá tɔmaséi sítii fááw̃a táá vá láma ngáá Jísu Kílisitii ngáá taa kúnafɔ lɛ́ɛ́h̃ui w̃ááhɔlɔ.

TÍMOTI GƆ́LƆI HELE KÉLEI 2:10

Háwui náa haaw̃a, ngáá liilɔ́lɔ sítii kpɛ́lɛɛ ngá sítii faaw̃a ti ngáá Ngalángi vóngaitii kɛinɔɔ́ ti ngumaawóngi w̃ááhɔlɔ áá gula Jísu Kílisitii yaa, ná wáá ngáá, kúnafɔ lɛ́ɛ́h̃ui nuu áá ɣɛ su Ngalángi yákpa maanɛɛnɛɛngí h̃u.

PÍTƐ HESENDAA GƆLƆÍ 2:10

Hése wáá ɣɛ́i ngáá Ngalángi vóngaa, kɛ́ sí h̃úi wá lɔ́ náa ngáá Ngalangí vóngaa, ná vólu, wáá ɣɛ́i ngi yááh̃u w̃ááw̃aanui wɔ́lɔ kɛ́ wú ngi yááh̃u w̃aaw̃aanuí w̃aahɔ́lɔnga naa ngeyá.

PÍTƐ HESENDAA GƆLƆÍ 2:8

Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.