TƐSALÓNIKA HESENDAA GƆLƆÍ 5:6 - Kɛ́lɛ Niinaí

⁶ Faalɔ, a málaa ɣɛ́ ngáá nungái sítii kɛ kíli, ti ɣɛ kíli gulangɔ́ ngáá nungáá taá ɣɛ́ ỹíí h̃u. Kɛ́ a mu ɣɛ́ yááh̃u húluya, aáva mu ɣɛ́ bɔwɔ́ h̃úúhou kíli wɔlɔ́.

TƐSALÓNIKA HESENDAA GƆLƆÍ 5:6 Iomraidhean Croise

MÁFIYU 13:25

kɛ́ ná nuí kpɛ́lɛɛ ti ɣɛ́i nyii h̃u, kpaala w̃ɔ́i ná waahílima w̃ɔ́i i liiní í tufa gbáámangaitii sí wííti húwu vándai nátii ndiiwáá, í gúla naa wa í lí.

MÁFIYU 24:42

Faalɔ, wá bɛ́lɛ kɛ wáá w̃ááh̃u béle bɔw̃álale wáá kɔlɔ́ folói sí wú Lémɔi áá vá vááma ma.

MÁFIYU 25:13

Jísu i faanɛ́ɛ́ngi sí vólui ɣɛí, i ɣɛ ta, “Faalɔ, a w̃aah̃ú béle, sífaa wáá fóloi wɔlɔ́ ɔɔ táingi í fóloi ná h̃u sí Nuu Búsa Goo H̃ú Loí áá vá ma.”

MÁFIYU 25:5

Kɛ́ ná nyah̃á wɔlí mɔ́i áá vaaní h̃úmbuwa, ti kpɛ́lɛɛ tí bɔlɔ́ni nyii w̃ɔníi í tí hóu, ti ỹíi.

MÁFIYU 26:38

Kɛ i ɣɛa ti w̃a, “Nyá lɔ náa saa lowá la ngáá maaw̃aanúi ɛ́ɣɛ ndiiỹaaní ỹɔ́u ỹɔ́ungi i mba. A ló mbéinda, wú yaah̃ú hulú í ɣɛ́ la maa wúyeni.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:37

Sí ngáá nde wú w̃á, nyá lɔ́ɔ́ ndé nuu kpɛ́lɛɛ fááw̃a, faalɔ, ngí ndé wú w̃á, ‘A w̃ááh̃u béle!’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:37

Aa ɣɛ ngáá faa vánda nuu walaí ná yénge mbélai nátii faaw̃a ná áá vá í ti w̃áále táá naa w̃ááh̃u bele. Ngí tɔɔỹái le wú w̃a, aa bɔwɔ́ ɣɛ́ kíli batɛ́ í ngi yénge mbelái nátii seiw̃áá gúla téévei w̃a, í vá ngáá mɛɛní nátii tí mɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:39

“Kɛ́ a gisíya lɛɛ ngáá fái sí, kɛbei pɛlɛ́ w̃ɔ́i ɔ́ɔ́ ɣɛ́ kɔlɔ́ táingi ŋuỹá w̃ɔ́i áá vá ma, ɛ́i beé kɛ ŋuỹá w̃ɔ́i ná ɔ́ɔ́ ngí vɛlɛ́i laa wólo.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:36

A w̃aah̃ú belé hɔ́wɔ fíli aáva wú Ngala fɛ́li ngáá wú hómbo wú híya fái sítii su táá vá ɣɛ́ma, kɛinɔɔ́ wú hómbo wú ló nuí síí w̃ɔ́i taa ɣɛ́ ma Nuu Búsa Goo H̃ú Loí gakála.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:46

Kɛ i ti w̃ɔ́ɔ́ninga, i ɣɛ ti w̃a, “Ndeénii le wúwaa ỹíi? A yooɣé, wú Ngala fɛ́li ngáá suugɔvɔ́ faa álaa wú w̃áále wɔ́ɔ́ kɛ.”

TI GƐ́Ɛ́ HAÍTII 20:31

Faalɔ, a w̃aah̃ú béle! A giséi ma ngáá kɛ fowó sáángɔ laa lówah̃u, ngáá béni wú lááhindaa wa kpindí bɔ́ngɔ foló wa ngáá ndiiỹaaní.”

KƆ́L̃E HESENDAA GƆLƆÍ 15:34

A vá bɔ́wɔ h̃u, wú fáa yátɔ mba múl̃ɔ ngáá pangɔ́, wú bé wú lúva vele ỹɔ́itii mba, sífaa wú lɛ́ingaa wáá Ngalá kɔlɔ́ ngáá ele gíte waa ngáá laa. Aáva nyá ngáá sí le ngáá wú yángufe.

KƆ́L̃E HESENDAA GƆLƆÍ 16:13

A w̃aahéi wó, wú ló kpáŋ ngáá ndangí wú su ngáá Jísu, wú lííbangɔ i ɣɛ la, ná vólu, wú h̃úú i ɣɛ báni.

Ɛ́FƐSƆ 2:3

Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

Ɛ́FƐSƆ 5:14

Náá hááw̃a, sí fíli áá gúla kala kala ma maa áá ɣɛ́ kpál̃au. Háwui náá hááw̃a, pɔnɛngɔ́ɔ́ lé, ngáá sí, “Wɛ́i wú nyíí h̃u, wú sáa h̃u, a yooɣé. Kílisitii aa wú gúla kala kala ma.”

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

FÉLEPA 4:5

Wú lúva veléi w̃aanɛ́ɛ́ngɔ í ɣɛ́ la nuu kpɛ́lɛɛ ngááh̃u. Ndemɔí Jísu lɔɔ vá h̃úmbuwa.

KƆLƆ́SE 4:2

A ɣɛ́ nɔ́ɔ fɔ́ wáá Ngala fɛ́li, aáva wálaa lééw̃a w̃a ná wááyaa Ngala fɛ́li, ná vólu, waá sɛ́ɣɛɛ gula Ngalá má.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 5:10

Jísu í haangɔ́ mu haáw̃a ngáá kɛinɔɔ́ ná áá vá bele pá a mu háángɔɔ lé ɔɔ a múỹa lɔ ndɛɛh̃ú h̃u, a mu ɣɛ́ lóów̃a a maá tiyéni ndɛɛh̃ú h̃ú.

TƐSALÓNIKA HESENDAA GƆLƆÍ 5:8

Kɛ́ ná a muỹɛ́i mu ngáá kala kala ma yélaa, a mu ɣɛ́ maá h̃úúhou w̃a. Ndangí ɛ́ɣɛ ndóngi tí ɣɛ́ mu h̃u kíya nɔ́ɔ sóya w̃ɔí áá ŋáni vɛ́lɛ gaka h̃u naa w̃ááh̃u belé fááw̃a. Ná vólu, a mu gitóngɔ í ɣɛ́ lá a mú wúmaawongi wa Ngalá ngáá fé mu yaá kíya nɔ́ɔ sóya w̃ɔí áá kɔlu wɔɔlɔí vɛ́lɛ wú mba.

TÍMOTI HESENDAA GƆLƆÍ 2:15

Kɛ́ ná nyah̃ái áá ndí ngu ma ngáá ndangí áá ɣɛ́ sú ngáá Jísu Kílisitii, ná vólu, í ló ngáá ngi mbála Yalá fɛ́li mbélaitii, aáva tɔmbema w̃aa fíli ɛi ɣɛ́ mba, íwaa bɔ́wɔ h̃uuhóu w̃a, kɛ ngumáá áá wó ndou léndai w̃aa véle w̃a.

TÍMOTI HESENDAA GƆLƆÍ 2:9

Ngáá ɣɛ́ loí nyah̃áitii taayáá w̃aayíli nɔ́ɔ kulo. Tálaa ngufe tála gula yíli w̃a. Tálaa ɣɛ taá ngu gɛ́vɛlɛ kɛvɛlɛ kpatɛ́ wú mba kɛlaa tɔɔ́ ɣɛ́ taá góóli wɔlingaa yilí w̃a. Tálaa ɣɛ́ taá kula h̃ɔ́w̃ɔ bangɔ́ni ngilí w̃a.

TÍMOTI HESENDAA GƆLƆÍ 3:11

Ti ỹáh̃aitiini kele tɔ kɛ ngufema í ɣɛ́ ti gɛɛ háitii ma, tálaa ɣɛ́ ngáá ndɛɛ vɛlɛ́ mbá yélaa. Ti ɣɛ́ ngáá nungáá taá fáa yátɔ mba, ti ngáá tokolá ma yélaa fáá kpɛ́lɛɛ su taá kɛ.

TÍMOTI HESENDAA GƆLƆÍ 3:2

Ngala fɛ́li mbélai ti wutúwɔɔ w̃ɔ́ɔ́ fíli kule lɔ ma í ɣɛ́ ngáá nuu tɔmbema w̃áá ɛ́i ɣɛ́ mba faa fíli su. I ɣɛ́ ngáá nyah̃á yílaa mɔ́ɔ́ nɔ́ɔ. Í ɣɛ́ ngáá nuú ngáá áá faa yátɔ mbá, ná vólu, í ɣɛ́ ngáá nuu áá hómbo í h̃úúhou w̃a faa fíli su aáva ngufema í mbɛ faa fíli su. Ná vólu, í ɣɛ́ ngáá nuú áá lókohei sotángaa wu ngi vɛ́lɛ lowaí wu, i ɣɛ́ ngáá nuu ngáá áá hómbo i kalambo mbó.

TÍMOTI GƆ́LƆI HELE KÉLEI 4:5

Kɛ́ yá Tímoti, yí bɔwɔ́ h̃úúhou w̃a faa kpɛ́lɛɛ su. Yálaa lúwa maanɔ́w̃ɔi wa yáá vá ngéɣema keela woó vándai sí lé fái w̃a, ndi ngu ma ngáá ndendáá. Sítii ti ngáá í yénge, yí tí wo ngáá pangɔ́ kíya nɔ́ɔ Ngala ngénge mɔɔ áá kɛ.

TÁITƆ 2:12

Maa háá bɔ́wɔi sí vá aa ngakɛ́ ngáá mu ye ngáá mu bé fái sítii mba tɛ́i Ngalá ndiilɛí ɛ́ɣɛ faa ỹɔ́i sítii ti ngáá ngeleí sí wuulíívo kɛ́i. Ná vólu, aa ngakɛ́ ngáá mu ye kíya maá bɔ́wɔ h̃úúhou w̃a faa fíli su ngeleí sí wu ɛ́ɣɛ aa ngakɛ́ ngáá mú ye kíya mu lɛ́ɛ́h̃ui h̃uuhíya kílitii taa ɣɛ́ váni ti Ngalá ndiilɛ́i.

TÁITƆ 2:6

Kule lɔ í w̃á ngáá yí siỹɛ ndákpangaitii ndiiwúúlɛ ngáá tiyá bɛ́lɛ tí bɔ́wɔ h̃úúhou w̃a faa fíli su.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

PÍTƐ HESENDAA GƆLƆÍ 5:8

A w̃aah̃ú béle wú ɣɛ́ wáá wɔ́lɛ w̃a, wú wááhilima w̃ɔ́i Ngutuwɔ́ Ỹína Nyɔí aá lɔ nɔ́ɔ áá lɔ́ve tɔvé váá kíya njala í na, áá nuu wɔ́li ngáá í maa w̃ɔ́i ɣɛ kíli ỹaaní Ngala fái h̃u.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 3:2

A yóɣe wú sápu ndɛɛh̃uu gúloi sí h̃u ndongɔ́i wú h̃ú ɔ́ɔ́ belé há pɔ́ pɔ́. Sífaa ngí ngá kpɛ́ kpɛ́nga ngáá kɛ sí wáá kɛ, maa w̃úỹangɔ láá le nɛ́nɛ fó fó Ngala ngááh̃u.