TƐSALÓNIKA HESENDAA GƆLƆÍ 5:3 - Kɛ́lɛ Niinaí

³ Nungáitii taá ló nɔ́ɔ ndemá ngáá kɛ ti liihéingɔɔ lé ɛ́ɣɛ faa áa ti wa ngeleí sí wu, kɛ faa báma wálai áá ti ɣɛ kíli ỹaaní i yeingá ti w̃a aáva ti véla w̃aá ɛi ɣɛ lá mba kpósouŋ. Maa hái aa ɣɛ́ nɔ́ɔ ngáá ndoú lé kóóh̃ubaalɛi áá gɔ́ɔ́la koo ỹah̃ái wa.

TƐSALÓNIKA HESENDAA GƆLƆÍ 5:3 Iomraidhean Croise

MÁFIYU 23:33

Wá lɔ ngáá kaaliá ɣɛ́ kíli aáva wú ngáá ti góó h̃u léngaa ɣɛ́ kíli! Wáá ɣéle w̃aavelá faa bámai sí h̃ú Ngalá ngáá vá ndáma wú w̃a í wú lɔ́ve njahááma?

NJƆÚ 16:21

Ná nyah̃ái áá ɣɛ áá vá ndoí lemá, koo h̃úi aa ɣɛ áá báálɛ, bɔw̃álale ngi loí le sɔ́wɔi wúl̃a áá ɣɛ́ folói ma. Kɛ́ ná náa áá ngí lói le, aa leew̃a nduwu ya fuulɛ́i ná w̃a sífaa kooh̃unɛ́ɛ́ngɔ aa ɣɛ la ngáá i ngi lói lénga.

TI GƐ́Ɛ́ HAÍTII 13:41

‘A wolílo wɛ́i wáá Ngalá ndaa wói waa gúla ỹɔu, a gíndaa víli, wú há, bɔw̃álale nyáá ngaá vá faa tá ɣɛ́ma wú yéteyangi sí h̃u ngáá kúnafɔ wɛ́i la lá bele bɛ́lɛ nuu áá nde wú w̃a.’ ”

TƐSALÓNIKA GƆ́LƆI HELE KÉLEI 1:9

Maanɔw̃ɔí sí kɛɛlɛ́ ngáá mbá kúnafɔ aá lɔ́ Ngalá ngáá vá tí vílima su aáva ti betévengɔ aa ɣɛ lá Ndemɔí Jísu wa ɛ́ɣɛ ngí yákpa maanɛɛnɛɛ ngwálai wa.

HÍBULU 12:23

Wú váánga Ngalángi léngaa liiwáá ndiyalaí ŋál̃aa gúlangɔɔ ti yɛ, tiyɛ́i ti laahéingaitii pɔ́nɛngɔ ngelegóóh̃u. Wú váánga naa Ngalá ngéle lɛ́i áá nuu kpɛ́lɛɛ kɔ́sɔ pele w̃a, ɛ́ɣɛ sítii ti h̃úúyafuw̃angaitii ti ngele tiyɛ́i ti ɣɛ́i ngáá telembo mbélaa Ngalá ngááh̃u tiyá lɔ́ na tiyɛ́i Ngala ngí ti ɣɛ kíli batɛngɔ́ fó fóndei.

HÍBULU 2:3

Ngimɔ́ɔ́ nɔ́ɔ mɔ́ɔ́ í ná ngáá Ndemɔí Jísu hése tɔ í fáá léni mu w̃a kɔwɔ́ato ngumaawóngi wa. Sítii pa tí ngoo ỹɛ́nini tiyá lɔ́ náá tí ngákɛngɔ ngáá mu ye ngáá kɛ tɔɔỹaá le. Ngalá bɛ́lɛ i ngakɛ́ngɔ ngáá mu ye ngáá tɔɔỹaá le ngáá faí sítii kɛ́ndaa bɛ́kpɛ. Ná wáá ngáá, káámaa haítii ɛ́ɣɛ kíndaa vilí fáitii kɛ́ndaa ɛ́ɣɛ múl̃ɔ kíya áá kɛ ngáá háwu Hɛ́ɛ́ma Ỹínangi áá ɣɛ́ mú volú kíya áá ɣɛ́ loí í ɣɛ́ mu yilá ngíla pólu. Ná ná áá ɣɛ, a maá ɣéle w̃áávela faa bámai wa Ngala ngáá vá ndáma mu w̃a ná á maá wóli híɣe ngumaawó kééla woo walaí sí w̃a Ngala ngí kúlangɔ kɛ́lɛma?

PÍTƐ GƆ́LƆI HELE KÉLEI 2:4

Ngalá ngáá suuhaalói malékai sítiini mbɛ tí faa ỹɔ́i ɣɛ́i, kɛ́ aá ɣéle, í tí vílii njahááma mbéinda tí na ngili h̃u kpindíí h̃u táá kɔsɔ́ mbááleve fóloi w̃áálɛlɛ.