TƐSALÓNIKA HESENDAA GƆLƆÍ 5:27 - Kɛ́lɛ Niinaí

²⁷ Nyá lɔ́ɔ nde náá wú w̃a Ndemɔí Jísu laahéingi h̃u ngáá wú kɔlɔí sí gála a mu mbála Yalá fɛ́li mbélaitii kpɛ́lɛɛ kákala.

TƐSALÓNIKA HESENDAA GƆLƆÍ 5:27 Iomraidhean Croise

KƆLƆ́SE 4:16

Ná wáá víla kɔlɔí sí galáma, a kɛ ngáá háwu í folo Ngala fɛ́li mbélaitii ma tí Leyodésiya taí h̃u. Aáva kɔlɔí sí bɛ́lɛ nɔ́ áá gúla ti yaá wú mɔɔ kalá.

TÍMOTI HESENDAA GƆLƆÍ 5:21

Ngaláni ngáá Jísu Kílisitii ɛ́ɣɛ hɛ́ɛ́ma w̃álekaitii tiyá lɔ́ ti ngáá ní hééleaitii ngáá ngí fái sí léa í w̃a kpáŋ kpáŋ ngáá yí híya ngáá ti ye. Yálaa suuwɔlɛ́ mbo kɛlaa yɔ́ɔ́ tó polú wó ngáá nuu fíli í híyalai h̃u ngáá fái sítii.

TÍMOTI HESENDAA GƆLƆÍ 5:7

Ndaahíngi sítii mbo ngáá ponyah̃áitii ɛ́ɣɛ tí wólondaitii kɛinɔɔ́ tɔmbema w̃áá fíli álaa vɛ́lɛ ti wa.

TÍMOTI HESENDAA GƆLƆÍ 1:3

Ná ngí ɣɛ́i ngáá lí Mɛsedóniya lataí h̃u, ngí ndéni í w̃á ngáá yí ló Ɛ́fɛsɔ taa h̃u kɛinɔɔ́ yí ndé nungái sítii ma tíwaa ndɛɛ galambóngi wo ngáá ti bé ná wa, aáva ná lɔ́ ndóngɔ yí kɛ.

TI GƐ́Ɛ́ HAÍTII 19:13

Júsuaitii tɛingáá sítii ti ɣɛ́i taa lɔ́ve ngáá ỹína ỹɔítii tevé nungáitii polú, tiyá bɛ́lɛ ti ɣɛ́i loní tí kɔvɔ́ ngáá táá ɣɛ́a Ndemɔí Jísu laahéingi lolí sítii ma ỹína nyɔítii tɔ́ɔ́ ɣɛ́ ti volú kɛinɔɔ́ ná í léve ti vólu. Tɔ́ɔ́ ɣɛ́ ta, “Jísui sí Pɔ́ɔ áá ngi háá le, ndaahéingi h̃u, ngí nde í w̃á, ỹína nyɔí yí léve nuí sí volú.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:7

Kɛ i woo gúlanga gbél̃eiŋ, i ɣɛ Jísu w̃a, “Jísu, ndeé lɔ í lóngɔ yí kɛ ngáá ngé yɛ́i yí ngáá Ngutuwɔ́ Yála Ngwalaí H̃íỹɛndou Loí? Véle Ngála ma ngáá yáá faa bá ndáma má!”

MÁFIYU 26:63

Kɛ́ Jísu i w̃aa ɣɛí ló. Ngala sááɣa gula mbélai ti wutúwɔɔ w̃ɔ́ɔ́ wálai ná i mɔɔ yɛpɛí Jísu yelé, i ɣɛ ma, “Ndɛɛh̃u Yálangi laahéingi h̃u, ngí í wálanga kpɛɛna mbú. Nde ni w̃a, ná yá lɔ yáá ɣɛ́ ngáá Ngalángi Lókolo Mbá W̃ɔ́i, Ngalángi H̃íỹɛndou Loí.”

HÍBULU 3:1

Faalɔ, wɛ́i wú ngáá mu mbála Yalá fɛ́li mbélai, wɛ́i wá bɛ́lɛ Ngala ngí wú lólinga ngáá wú vá ngelé, a wóliɣɛ Jísu w̃a. Ná wáá ngáá Jísu lɛ́i Ngala ngí tɔ́vengɔ, í ngáá Ngala sááɣa gula mɔ́ɔ walaí Ngalá fɛ́lindai sí w̃áá véle w̃a a mu langɔ́ la.

TÍMOTI GƆ́LƆI HELE KÉLEI 4:1

Ngalá ɛ́ɣɛ Jísu Kílisitii lɛ́i áá vá sítii kɔsɔ́ma ti ndɛɛh̃ú h̃u ɛ́ɣɛ sítii ti háángɔ tiyá lɔ́ ti ngáá ní héélea kɔwɔ́ato ndaahíngi sítii mba ngáá mbo ngáá í ye. Jísu Kílisitii lɔɔ vá vaamá í ɣɛ́ ngáá ndɔwɔlɔ́ w̃ása ngwala, náá hááw̃a, nyá ngáá fái le í w̃a kpáŋ kpáŋ ngáá yí híya ngáá ti ye.

TÍMOTI HESENDAA GƆLƆÍ 6:17

Nde Ngala fɛ́li mbélai sítii ma ti bátɛngɔi ngáá ngeleí sí wuu wɔ́lingaitiini ngáá tálaa h̃úú ɣɛ́ wɔ́ɔ́lɔ aáva tálaa gíto ngetéyangi sí h̃úubatɛ séɣe héɣe mba lɛ́i nuu ɛ́i lókola ma. Kɛ́ tí gítongɔ í ɣɛ́ la Ngalá mba lɛ́i áá ŋani kpɛ́lɛɛ fé a mu yaá ngáá ngambɔ́ɔ́lɔngɔ ɛ́i bóɣi kpoɣí, laa vá aa fe ngáá a mú liivó kɛ́ la.

TÍMOTI HESENDAA GƆLƆÍ 6:13

Ngalá tɔ́ í ngáá ní héélei lɛ́i í ndɛɛh̃ú héngɔ ŋani kpɛ́lɛɛ mbɛ́ ɛ́ɣɛ Jísu Kílisitii lɛ́i áá gúlai woo w̃á P̃ɔ́tiyɔ Páilɛɛ gakála tɔɔỹái le fái h̃u kɔwɔ́ato Ngalá mba ngáá ngí fái sítii ndéa í w̃a ngáá yí ɣɛ yáá tí ɣɛ.

TÍMOTI HESENDAA GƆLƆÍ 1:18

Tímoti, yɛ́i yí ngáá kóó h̃u lóu ɣɛ́ kíli, nyá lɔ́ɔ ndé í w̃á ngáá sí kule í í w̃a yí ɣɛ́ yáa tí ɣɛ, ná wáá ngáá, sí í ngáá faa yílaangi Ngalá ndaa háá lé mbélai tí ndéi wɔ́lɔ kpɔ́lɔɔ kɔwɔ́ato í wa. Ná yáá ɣɛ́ yáá híya ngáá ti ye, maa haí aa ɣɛ gulaí ngáá kíya kɔɔ wɔ́ nyááka áá ɣɛ́ nuu yaa áá lápi la ngáá pangɔ́.

TƐSALÓNIKA GƆ́LƆI HELE KÉLEI 3:14

Ná nuu fíli áá ɣɛ́ na ɛ́i híya ngáá fái sítiini ní pɔ́nɛngɔ kɔ́lɔi sí h̃u, a gindó maa w̃ɔ́i h̃u, wálaa báha kpahá mba kɛinɔɔ́ í wúfe.

TƐSALÓNIKA HESENDAA GƆLƆÍ 2:11

Wú kɔ́lɔ ngáá ni wú h̃úúhouni kíya nɔ́ɔ ndoú kɛ́ɛ́ɣɛ áá ngí léngaitii suuhóu.

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.