TƐSALÓNIKA HESENDAA GƆLƆÍ 5:23 - Kɛ́lɛ Niinaí

²³ Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TƐSALÓNIKA HESENDAA GƆLƆÍ 5:23 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:46

Kɛ Mɛɛloí í ɣɛa ta, “Ndíi lɔɔ́ Ndemɔí Ngalá ndaaw̃áálɛ.

NJƆÚ 17:19

Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”

TI GƐ́Ɛ́ HAÍTII 20:32

Ná Pɔ́ɔ í vílani sí léma ti w̃a, kɛ i ɣɛa ta, “Ngí wú gáihanga náa Ndemɔí Ngalá ma ɛ́ɣɛ ngi gééla wói kɔwɔ́ato ngi háá bɔwɔ longí wa. Laá lɔ́ áá suuba fé wú yáá ɛ́ɣɛ í nɛ́ɛ́ma yéi wú w̃á sí Ngalángi ngandɔ́ɔ́lɔngɔ nungáitii kpɛ́lɛɛ fááw̃a í ti ɣɛ kíli batɛngá bɔwɔ́ hááw̃a.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 15:33

Bɛlɛ́ Ngalá lɛ́i áá ndiiheí hé nuu yɛ́ í ɣɛ́ wú lóów̃a wú kpɛ́lɛɛ. Amíína.

LÓÓMI 15:5

Ngalá tɔ́ áá kɛ́ ngáá háwu a mú ɣɛ́ ngáá ndiiba mbélaa, a mu liiwúú í lɛ. Bɛlɛ́ í kɛ ngáá háwu wú gísiyai í lí ngáá pele yílaa, wú hítɛ Jísu Kílisitii gɔwɔ vó njɛ́ h̃u.

LÓÓMI 16:20

Ná vá kɛngɔ́ Ngalá lɛ́i áá kɛ́ ngáá háwu mú ndííhei w̃aahɔ́lɔ aá lɔ́ɔ vá Setána ɣɛ kíli ỹaani má h̃úmbuwa í ɣɛ́ ngáá wú gɔ́wɔ wú wɔ́li kɛ kíli. Bɛlɛ́ a mu Lemɔ́i Jísu háá bɔ́wɔi í ɣɛ́ wú yɛ.

KƆ́L̃E HESENDAA GƆLƆÍ 1:2

Kɔlɔí sí lɔ́ɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e, wɛ́i wú w̃ááw̃uỹangɔ fó wú báha kílii su Jísu Kílisitii wa. Ngalá ngí wú lólingɔ wú ɣɛ́ ngáá ngi vóngaa í báha naá nungáá kpɛ́lɛɛ mbá ỹánda kpɛ́lɛɛ taa Ndemɔí Jísu Kílisitii hɛ́li lɛ́i í ngáá a mu Lemɔ́i, í ngáá tiyá bɛ́lɛ ti Lemɔ́i.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 14:33

Sífaa Ngalá tɔ́ ngáá Ngalá áá faa yéɣe kɔwɔ́ w̃a, í kɛ ngáá ndiiheí véle kɛ́ aa ngáá faa yáfahangɔ Yála. Kule lɔ́ nyah̃áitii ma ti w̃ááɣɛngɔ í ɣɛ́ la ló, tálaa yɛ́pɛ Ngala fɛ́li máákpɔitii su kíya nɔ́ɔ í na Ngalá fɛ́li mbélaitii ndiiwáá tí ỹándaitii kpɛ́lɛɛ kpɛ́lɛɛ. Ngutuwɔ́ háá álaa ɣɛ́ nyah̃áitii toko h̃u Ngala fɛ́li máákpɔitii su kíya Ngalángi hávai í féni Muusé yaá í ndéngɔ.

KƆ́L̃E GƆ́LƆI HELE KÉLEI 5:19

Ní gééla woí waa ngáá, Ngalá ngí ti lówah̃u bátɛngɔ taá núi kpɛ́lɛɛ Kílisitii w̃aa véle w̃a. Ngalá ngáá ti háá ỹɔítii séini gi má ɔ́ɔ́ pɛlɛ́ ti wa ngáá faá aáva i keela wói sí hénga ní yaá áá ngákɛ kíya í tí lówah̃u bátɛngɔ taá núi kpɛ́lɛɛ.

FÉLEPA 1:10

Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 4:9

Sí fíli wú naa wɔlínga ngéya ngáá kalambo ɔɔ sí wú maahɔ́lɔnga ngéya ɔɔ sí wú mɛningá ndá ɛ́ɣɛ sí wú tɔwá sú, a ti ɣɛ. Aáva Ngalá pa lɛ́i áá ndiiheí he nuu yɛ́ aa ɣɛ wú vólu.

KƆLƆ́SE 1:22

Kɛ́ sí h̃úi náa, Ngalá ngí wú lówah̃u bátɛnga saí w̃áa véle w̃a ngi H̃íỹɛndou Loí í mbóngɔ kɛinɔɔ́ ngi H̃íỹɛndou Loí í vá ngáá wú ye Ngalá ngéle tɔmbema w̃áá fíli álaa ɣɛ́ wú wa.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 4:3

Ngalá ndóngɔɔ lé wú w̃ááw̃uỹangɔ í ɣɛ́ la fó faa ỹɔ́u fíli álaa ɣɛ́ wú h̃u. Ná wáá ngáá, kɔlɔsiyá faá álaa ɣɛ́ wú h̃ú ɛ́ɣɛ nyah̃ápo haa ɛ́ɣɛ siỹɛndópo haa.

TƐSALÓNIKA HESENDAA GƆLƆÍ 5:22

Aáva sí fíli ɛ́i ɣɛ́ pele w̃a, wú bé ná wa.

TƐSALÓNIKA GƆ́LƆI HELE KÉLEI 3:16

Bɛlɛ́ Ndemɔí Jísu bútei, lɛ́i mu lííhei áá tɔkúla héi mba, í kɛ́ ngáá háwu ndiiheí í ɣɛ́ wú yɛ kúnafɔ pele fíli su nɔ́ɔ, ná vólu, í ɣɛ́ kái wú vólu wú kpɛ́lɛɛ.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.

HÍBULU 2:11

Jísu aa kɛ ngáá háwu nungáá ti w̃ááw̃uỹangɔ í ɣɛ́ la fó faa ỹɔ́i yaá aáva maa nungái nátii ti báha mba ti kpɛ́lɛɛ ti ɣɛ́ náa ngáá nuu yílaa, ti Kɛ́ɛ́ɣɛi í ɣɛ́ yíla ná wáá ngáá, Ngalá. Ná lɔ́ í kɛ́a Jísu ɛ́i wúfe ngáá ti lolindáá ngáá ngi vóngaa.

HÍBULU 4:12

Ngalá kééla woí gulangɔ́ɔ́ lé ngáá ŋani ndɛɛh̃u í su aáva ngakpá tɔ́ su áá fáá ɣɛ́. Ngi hái gúlangɔɔ lé ngáá ngandíngɔɔ lé í lɔ́ve mbowá hɔ́kpɔ wa ndaí áá ɣɛ́ mba féle. Aa hombó í wála ndɛɛh̃úi lówah̃u taá nuu h̃úúyafuw̃angi. Aa wala nuu gáálɛitii su. Aa hómbo í nuu gísiyaitii nga kpɛ́kpɛ ɛ́ɣɛ nuu líívo fáitii taa ɣɛ́ nuu líí h̃u, í ngákɛ ngáá ná wɔ́lii tiyá lɔ́ pele w̃a ɔɔ taá péle w̃a.

JIMISÍ 1:4

Ndiibángi í wú h̃ú ngáá wú híya faa báma h̃u maa álaa yéi. Kɛ́ láa ɣéle, í ndí nɔ́ɔ́ ngu ma hɔ́wɔ fíli, kɛinɔɔ́ wú ɣɛ́ ngáá nungáá tɔmbema w̃áá fíli álaa ɣɛ́ wú wá. Sí kpɛ́lɛɛ pá áá nuu ɣɛ́ ngáá Ngala fɛ́li mɔ́ɔ́ í ɣɛ́ wú h̃ú.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.