TƐSALÓNIKA HESENDAA GƆLƆÍ 5:21 - Kɛ́lɛ Niinaí

²¹ kɛ́ waayaa faa kpɛ́lɛɛ ngásɔbɛ ngáá pángɔ sí áá ɣɛ́ pele w̃a, wú ɣɛ́ ná wa.

TƐSALÓNIKA HESENDAA GƆLƆÍ 5:21 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:57

“Ndeé lé wɔ́i fáitii nga kpéle kpéle, wɔ́ɔ́ sí ɣɛ́ kule í má ngáá nuu í kɛ́?

NJƆÚ 15:4

A ló kpahaí h̃u wú su mba, nyá bɛ́lɛ ngáá ló kpahái h̃u ngi su wu wa. Ngulú yékei ɛi mbambó nɔ́ɔ bɔwɔ́ yɛ. Sí léi nɔ́ɔ áá kɛ áá mbambó aá wáá ngáá kɛ í ɣɛ lóóni ngulúi gítei wa, ngimɔ́ɔ́ nɔ́ɔ jɔ́ maa hái í na, kɛ léi wú ló kpahái h̃u mba, kɛ́ ná láá le, wɔ́i hómbo wɔ́ɔ́ faa fíli kɛ ngáá wumaá.

NJƆÚ 8:31

Júsuai sítii ti langɔ́ í ɣɛ́i náa lá ngáá Jísu, Jísu i ɣɛi ti w̃a, “Ná wáá ndí ngu ma ngáá hiyandáá ngáá ní gálambongi, kɛ wá gíte gítei lɔ wú ngáá pólu yélai.

TI GƐ́Ɛ́ HAÍTII 11:23

Ná í foloní na, í tɔní kíya Ngalá ngi ɣɛ́i áa bɔ́ ti wa ngwala, i kooh̃unɛ́ɛ́ni, aáva i nduwúh̃ulɛi ngáá ti kpɛ́lɛɛ ngáá ti lo Ndemɔí Jísu ndá gákai w̃a tɔɔỹái h̃u ngáá ti liítii kpɛ́lɛɛ.

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

TI GƐ́Ɛ́ HAÍTII 17:11

Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su.

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E HESENDAA GƆLƆÍ 2:11

Nuu ɛ́i ɣɛ́ ngi mbála gi máá haa wɔlɔ́, kɛ léi maa w̃ɔ́ɔ bútei. Ngimɔ́ɔ́ nɔɔ́ jɔ́ í ná, kɛ léi Ngalángi Hɛ́ɛ́ma Ỹínangi í Ngalá ki máá haa wɔ́lɔ.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

FÉLEPA 1:10

Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

FÉLEPA 3:16

A mú ndi nɔ́ɔ léi ngu ma ngáá sí a mu lónga mba mú fólonga sí h̃u w̃á.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

TƐSALÓNIKA HESENDAA GƆLƆÍ 5:15

Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

TƐSALÓNIKA HESENDAA GƆLƆÍ 5:22

Aáva sí fíli ɛ́i ɣɛ́ pele w̃a, wú bé ná wa.

TƐSALÓNIKA GƆ́LƆI HELE KÉLEI 2:15

Faale, mu mbála Yalá fɛ́li mbélai, a loo gilí bátɛ, wú ndí ngu ma ngáá tɔɔỹáa gálambongi sí ní mbóngɔ ngáá wú ye. I ɣɛi ngáá sí ní púi kɔ́lɔ w̃a ní tɔ́ve wú yéle, baa sí ní ndeí wú w̃a ngáá laa wóó.

TÍMOTI GƆ́LƆI HELE KÉLEI 1:15

Yí kɔ́lɔ ngáá mu mbála Yalá fɛ́li mbélaitii kpɛ́lɛɛ ti Ésiya lataí h̃u tí volú yáfenga mbá í báha naa Fegɛlɔ wa ɛ́ɣɛ Hɛmɔjeni.

TÍMOTI GƆ́LƆI HELE KÉLEI 3:6

Nungái sítii tɛingáá taá lí nungáá vɛ́lɛitii mbu, ti nyáh̃ai sítii ngakpólowa ngwala ti lángi h̃úú áá nɛ́ɛ́ baní Ngalá fái h̃u ngáá ti lɛ́ɛ́ galambongí. Nyah̃ái sítii tɔ ti liihɛ́lɛngɔ ngáá faa ỹɔ́itii tí kɛ́nga aáva ti bandángɔ ndiivo kɛɛ́ w̃ɔ́ni mɔni laali taalingí ya áa ɣɛ ti w̃a.

TÍMOTI GƆ́LƆI HELE KÉLEI 4:14

Alɛsáánda lɛ́i í ngáá kɔlu yengé mɔ́i, i nímih̃angɔ ngwala. Kɛ́ Ndemɔí Ngála pá tɔɔ fáa báma la ma faí sítii fááw̃a í kɛ́nga.

HÍBULU 10:23

Sí a máá nde ngáá aá lɔ́ ngáá a mu gitómaa, a mu hóu mba gíte kpé bɔw̃álale, kuulóngi Ngala ngí mbóngɔ a maá lá lá ngáá aá lɔɔ vá sítɛma nga.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 2:25

Kɛ́ a ndi ngú ma ngáá wú lúva véle vándai sí wú kálanga í ló sú kpóloo ngí vá.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.