TƐSALÓNIKA HESENDAA GƆLƆÍ 5:15 - Kɛ́lɛ Niinaí

¹⁵ Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

TƐSALÓNIKA HESENDAA GƆLƆÍ 5:15 Iomraidhean Croise

MÁFIYU 5:39

Kɛ́ nyá lɔ́ɔ́ nde náa wú w̃á ngáá, wálaa kule gulá mbó nuu fíli má áá báɣa wú w̃á. Ná nuu fíli áá í yísa h̃uu véle laabákalangi bóólɛ, bɛlɛ́ mɔ́ɔ maa w̃ɔ́i í í gɔ́vɔ h̃uu véle laabákalangi bɛ́lɛ kpóólɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

TI GƐ́Ɛ́ HAÍTII 16:28

Kɛ́ Pɔ́ɔ i woo gúlani, i ɣɛ ma, “Yaá ỹanda héi bɔwɔ́ wa. Ni kpɛ́lɛɛ niỹá lɔ mbéi!”

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

LÓÓMI 14:19

Faalɔ, a mú yákpa gíte a mú lɛɛh̃úi h̃uuhíya ndiiheí h̃u, ná vólu, a mu ɣɛ́ maa bɔ́ ỹɔw̃ɔ́ ỹɔ́w̃ɔ wa ngáá a mú h̃úú í bá Ngala fái h̃u.

KƆ́L̃E HESENDAA GƆLƆÍ 14:1

Ndongí nuu áá ɣɛ́ su ngáá nungáá vékaitii a ná w̃ɔ́ni ɣɛ́ ngwala í lɔ́ve faa kpɛ́lɛɛ mbá. Wú gí ngi ɣɛ́ ngenge tókoi sítii mba Hɛ́ɛ́ma Ỹínangi áá kɛ ngáá háwu nuu áá hómbo áá ti wo ngungí ndá mɛ́ɛ́ Ngalá ndaa háá léndai wa.

KƆ́L̃E HESENDAA GƆLƆÍ 16:10

Ná wɔ́lii Tímoti áá ɣɛ́ vááni wú yéle péle, a ngakɛ́ la gíte ngáá kɛ wu lókoheingɔɔ lé paalái wu wú yéle, sífaa, aá lɔ́ɔ yénge Ndemɔí Jísu yɛ kíya nɔ́ɔ ngíwaa yénge mbɛ.

KƆ́L̃E HESENDAA GƆLƆÍ 6:7

Sí gíte wáá lí ngáá wú lówah̃u háitii kóótii h̃u ná í ngakɛ́a kpál̃au ngáá kɛ wú baah̃áánga bɔwɔ́ wu fɔ́. Maa áá ɣɛ́ nɛɛni yí lúw̃a ma ti báɣa í w̃á ti í gáha í lɔ́ve sí wa wáá lí kóoti h̃u.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

Ɛ́FƐSƆ 5:15

Faalɔ, a w̃aah̃ú béle ngáá sí wáá nde ɛ́ɣɛ sí wáá kɛ, tí ɣɛ́ ngáá kele ɣéle faa. Wú lúva veléitii tálaa ɣɛ́ ngáá kíya sítii taa faa wɔ́lɔ.

Ɛ́FƐSƆ 5:33

Kɛ́ wá bɛ́lɛ aá lɔ wú hááw̃a jɔ́. Kule lɔ siỹɛ́ fíli má í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ aáva kule lɔ nyah̃á fíli má i wúfe ngi h̃iỹɛ́ngi w̃a.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 5:21

kɛ́ waayaa faa kpɛ́lɛɛ ngásɔbɛ ngáá pángɔ sí áá ɣɛ́ pele w̃a, wú ɣɛ́ ná wa.

TÍMOTI HESENDAA GƆLƆÍ 6:11

Tímoti, yɛ́i yí Ngála fááw̃a, léve fái sítii polú, yí yákpa yááyaa híya ngáá Ngalángi lélembo peleí. Ɣɛ́ ngáá Ngala fɛ́li mɔ́ɔ vanda, nda ngí ɣɛ í h̃u Jísu Kílisitii hááw̃a ɛ́ɣɛ ndo ngí ɣɛ́ i h̃u í mbála Yalá fɛ́li mbélaitii fááw̃a, ná vólu, yí liilɔ́lɔ faa bámai yáá ɛ́ɣɛ i ɣɛ́ngɔ í ɣɛ́ la lúúỹaa.

TÍMOTI GƆ́LƆI HELE KÉLEI 2:24

Nuí fíli aá ɣɛ́ ngáá Ndemɔí Ngalángi yénge mɔɔ álaa ɣɛ́ kpɔɔlɔ́ ya, kɛ́ í ɣɛ́ ngáá nuu vánda nuu kpɛ́lɛɛ fááw̃a. Í ɣɛ́ ngáá nuu ngáá áá hómbo í kálambo mbó, í liilɔlɔ́ maanɔw̃ɔ́i ya mbaahílima yélaitii taa ndá ma.

TÁITƆ 3:2

Tálaa ndɛɛ vɛlɛ nuu fíli mbá, tálaa ɣɛ́ táa w̃ááɣaali. Kɛ́ láá ɣéle, ti ɣɛ lúúỹaa, tí ɣɛ́ ngáá mbɛlɛheí yélaa nuu kpɛ́lɛɛ fááw̃a.

HÍBULU 12:14

A yakpá kɛ́ŋɛ wú ɣɛ́ ndiiheí h̃ú wáá núngaa vékaitii kpɛ́lɛɛ, wálaa ɣɛ́ faa ỹɔ́u ɣɛ́ndaa h̃u bɔw̃álale, nuu fíli áá ná ɣɛ́, ɛi ɣɛ Ndemɔí Ngála ngéle.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:17

A ngufema hé Ngála mbɛ nduwá mba h̃ú wú ngúfema hé Ndɔwɔlɔ́ W̃ása Ngwalaí yɛ́, wú ngúfema hé nuu fíli mbɛ́, wú ló ngáá wú mbála Yalá fɛ́li mbélai.

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

NJƆÚ GƆ́LƆI HAWA KÉLEI 1:11

Mu mbála vandái, yálaa suw̃a suw̃ama wó faa h̃ú ɛ́i ɣɛ́ péle w̃a kɛ́ suw̃a suw̃ama wó faa h̃ú áá ɣɛ́ péle w̃a. Nuí fíli áá ɣɛ́ áá faa ɣɛ́ pangɔ́ áá ɣɛ la maa w̃ɔ́i lɔ Ngalá fááw̃a. Kɛ́ nuí fíli pá áá ɣɛ́ áá faa ỹɔ́u ɣɛ́ kɛ maa w̃ɔ́i áá nɛ́ɛ Ngalá kɔ́lɔ ngáá ele gíte waa ngáá laá.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 22:9

Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”