TƐSALÓNIKA HESENDAA GƆLƆÍ 5:14 - Kɛ́lɛ Niinaí

¹⁴ Mu mbála Yalá fɛ́li mbélai, niỹá lɔ́ɔ́ ndé wú w̃á gíte ngáá sítii taa ɣɛ́ nɔ́ɔ héi gbááma tɛ́i ɣɛ́ lói ti lóko ɔ́ɔ́ ɣɛ́ faa fíli mbá, wú tí laahí, ti bé ná wa. Wú sítii ndiibá nduwá ndúwa ngáá ɣɛ́ tí h̃u. Sítii pa ngákpa ngɛ́i ɣɛ́ ti yɛ, wú bɔ́ ti wa. Wú líílɔlɔngɔ í ɣɛ́ lá nuu kpɛ́lɛɛ ngéya.

TƐSALÓNIKA HESENDAA GƆLƆÍ 5:14 Iomraidhean Croise

MÁFIYU 12:20

Kíya nɔ́ɔ ɛ́i tufa w̃áálangɔ yále, ngimɔ́ɔ́ nɔ́ɔ ɛ́i bandí bándi héi nungái sítii ma ngakpá ngáa tí yɛ. Ná vólu, kíya nɔ́ɔ ɛ́i lámbo nganjéingɔ váa, ngimɔ́ɔ́ nɔ́ɔ ɛ́i tuva velé ỹɔ́u wo ngáá sítii tɛi hómbo tɔɔ bɔ́ bɔ́wɔ wa. Aa lo sí ɣɛmá í ló su nungái tí goló Ngala sávai wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:32

Kɛ́ ngí Ngala fɛ́linga í hááw̃a, Sáimɔ, ngáá í lángi í í h̃u ɛi baah̃á. Ná aáva yáá ɣɛ yangáimani má, í mbálangaitii suuba ti lángi h̃ú.”

TI GƐ́Ɛ́ HAÍTII 20:27

sífaa ngáá nɛ́ɛ́ baní wɔlɔ́ su ngáá ngí yɛ́pɛ wú yéle kɔwɔ́ato sí kpɛ́lɛɛ mbá Ngalá ngi súúbatɛngɔ.

TI GƐ́Ɛ́ HAÍTII 20:31

Faalɔ, a w̃aah̃ú béle! A giséi ma ngáá kɛ fowó sáángɔ laa lówah̃u, ngáá béni wú lááhindaa wa kpindí bɔ́ngɔ foló wa ngáá ndiiỹaaní.”

TI GƐ́Ɛ́ HAÍTII 20:35

Faalɔ, sí kínɛi ngí kɛ́ngɔ, ngí ngakɛ́nga ngáá wú ye ngáá ngenge kpákpa talií sí wóndai h̃uu lɔ áá kɛ mú bɔ sítii mba hómbo ngáá ti yɛ́. Mu gi ngí ló ngoí sí h̃u Ndemɔí Jísu í ndéni, í ɣɛ́i ta, ‘Kooh̃unɛɛ wála lɔ faa bɔ́wɔ ɣɛndáá h̃u í lɔ́ve faa bɔ́wɔ w̃aahɔ́lɔndaa wa.’ ”

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 14:1

Sítiini kínɛi taa ɣɛ́ ngáá Ndemɔí Jísu volu yeláitii a waayaa lokohéi ti wu í lí bɛ́lɛ í tó sítii mba taá nɛ́ɛ́ laí ngáá Ndemɔí Jísu ngáá pangɔ́. Wálaa tí h̃úúhandɛ ngáá sífaa nɔ́ɔ kíya wú gisíyai áá ɣɛ́ na kɔwɔ́ato faa lɛ́ingaa wa bɛ́kpɛ ti ndái aa h̃íí na.

KƆ́L̃E HESENDAA GƆLƆÍ 4:14

Ngáá sí vɔ́nɛma ngáá ngí wú yángufe, kɛ́ ngí wú lááhi sífaa wú ngáá kpɔ́wɔ bɔ́wɔ léngaa ɣɛ kíli wú ndíívongɔ.

KƆ́L̃E HESENDAA GƆLƆÍ 8:7

Kɛ́ Ngala fɛ́li mbélaitii kpɛ́lɛɛ táá le tɔɔ ɣɛ́ fái sítii kɔlɔ. Ti lɛ́ingaa kɔɔ kɔɔ́ ŋániai taa ti yeɣé ngáá ngalángaa ti hɛ́lindai gumbongɔ́ɔ́ lé ti h̃u. Ná lɔ́ í kɛ́nga sí h̃úi bɛ́lɛ ná taá mɛɛníí sí ỹɛ taá kula ngáá saáɣa kɔɔ kɔɔ́ ŋániaitii mbɛ taa ti yeɣé ngáá ngalángaa, taá gísiya nɔ́ɔ lá ngáá maaỹɛɛ́ mbá ỹɛ́ɛ́ni. Aáva sífaa ti h̃úúbangɔ ɛ́i ɣɛ́ la Ngalá fɛ́lindai h̃u, aa ɣɛ ti gi má ngáá ná taá mɛɛníí ná ỹɛ, kɛ tí faa ỹɔ́u ɣɛ́a.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 4:32

Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

KƆLƆ́SE 1:28

Náá hááw̃a, naá Ngala ngói le nuu kpɛ́lɛɛ má kɔwɔ́ato Kílisitii wa ngáá kele ɣelé péle kpɛ́lɛɛ, ní ti laahí kalambo su, kɛinɔɔ́ ní kɛ ngáá háwu ti yilá ngíla fíli ti vá Ngala ngéle ti h̃úúbangɔ í ɣɛ́ la Ngala fái h̃u kpahaí wa taa ɣɛ́ su Kílisitii wa.

TƐSALÓNIKA GƆ́LƆI HELE KÉLEI 3:15

Kɛ́ ná fíli su, wálaa ngéɣe ngáá waahílima w̃ɔ́ɔ́, kɛ́ aá ɣéle, a ndaahí kíya nɔ́ɔ wú mbála Yála fɛ́li mɔ́ɔ́ í na.

TÍMOTI HESENDAA GƆLƆÍ 3:3

Ngala fɛ́li mbélai ti wutúwɔɔ w̃ɔ́ɔ́ álaa ɣɛ́ ndɔɔ hoú h̃u, ɔɔ ɔ́ɔ́ ɣɛ́ ngáá ndapi gúla mɔ́ɔ́. Kɛ́ laá géle, í ɣɛ́ ngáá nuu kɛngɔ́ áá ɣɛ́ la lúúỹaa. Álaa ɣɛ́ ngáá ndaahasá w̃ɔ́ɔ. Álaa ɣɛ́ ngáá nuú naholó háá vílingɔ ɔ́ɔ́ ɣɛ́ lá ndii vólu.

TÍMOTI HESENDAA GƆLƆÍ 6:11

Tímoti, yɛ́i yí Ngála fááw̃a, léve fái sítii polú, yí yákpa yááyaa híya ngáá Ngalángi lélembo peleí. Ɣɛ́ ngáá Ngala fɛ́li mɔ́ɔ vanda, nda ngí ɣɛ í h̃u Jísu Kílisitii hááw̃a ɛ́ɣɛ ndo ngí ɣɛ́ i h̃u í mbála Yalá fɛ́li mbélaitii fááw̃a, ná vólu, yí liilɔ́lɔ faa bámai yáá ɛ́ɣɛ i ɣɛ́ngɔ í ɣɛ́ la lúúỹaa.

TÍMOTI GƆ́LƆI HELE KÉLEI 4:2

Yaayaa Ngala kééla woí lé nungáitii ma laáva yí bákpa ndendái h̃u. I ɣɛi ngáá nde sɔ́wɔ ɔɔ aa ɣɛi ngáá nde sɔ́wɔ, nde nɔ́ɔ. Nungáitii sítɛ pele gíte w̃a ngáá ti háá ỹɔítii ngakɛ́ndai ngáá ti ye, yí mɔ́ɔ ti liiwúúlɛ. Kalambongí wo ngáá ndiilɔlɔ́ gite kɛinɔɔ́ nungáitii tí ngátɔ mba.

TÁITƆ 1:10

Ngalá fɛ́li mbélaa bih̃íw̃aa lɔ Kíliti lɔwɔlɔí h̃u, ti golo lálangɔ tɔɔỹaá gééla woí wú aáva tiyá lɔɔ nungáitii ngákpolowa ngáá ndɛɛ gálambo mbondái. Júsuaitii tí lɛ́ingaa kái kái pá tí tí h̃u tiyá lɔ́ tíwaa sítii kɛ.

TÁITƆ 1:6

Ná wáá ngáá, maa géle ɣelé mɔ́i fíli kɛ í ɣɛ́ ngáá nuí tɔmbema w̃áá fíli ɛi ɣɛ mbá aáva nyah̃ái í ɣɛ ngeyá yíla kpé. Kɛ maa w̃ɔ́i léngaitii ti ɣɛ́ laí ngáá Jísu ɛ́ɣɛ tɔwɔ́ vánda í ɣɛ́ ti wa ngáá kɛ taa ngáá kolo lála léngaa.

HÍBULU 12:12

Wú ndúwuh̃ugulaa wa, kɛ́ a nduwuh̃ulɛ́ ngáá wee.

HÍBULU 13:3

A waa lééw̃a sítii ma tí kpíndi vɛlɛ́ wú, wú gísiya nɔ́ɔ ngáá ná wɔ́lii wɔ́ɔ́ ɣɛ́ kpíndi vɛ́lɛi wu wáá tiyéni. A waa lééw̃a sítii ma ti w̃áá áá nɔ́w̃ɔ, wú gísiya nɔ́ɔ́ ngáá ná wɔ́lii wú w̃áá ɔ́ɔ́ ɣɛ́a nɔ́w̃ɔ wáá tiyéni.