TƐSALÓNIKA HESENDAA GƆLƆÍ 5:11 - Kɛ́lɛ Niinaí

¹¹ Faalɔ, a ỹɔw̃ɔ́ ỹɔ́w̃ɔ liiwúúlɛ, wú bɔ ỹɔw̃ɔ́ ỹɔ́w̃ɔ wa wú h̃úú í bá Ngala fái h̃u kíya nɔ́ɔ p̃ɛ́ɛ́ wúwaa kɛ.

TƐSALÓNIKA HESENDAA GƆLƆÍ 5:11 Iomraidhean Croise

LÓÓMI 14:19

Faalɔ, a mú yákpa gíte a mú lɛɛh̃úi h̃uuhíya ndiiheí h̃u, ná vólu, a mu ɣɛ́ maa bɔ́ ỹɔw̃ɔ́ ỹɔ́w̃ɔ wa ngáá a mú h̃úú í bá Ngala fái h̃u.

LÓÓMI 15:14

Mu mbála Yála fɛ́li mbélai, nyá gítei ndángɔɔ lé lá ngáá wú lúva veléi vangɔ́ɔ́ lé ngwála aáva wú kéle ɣelengí kpɛ́lɛɛ mááhɔlɔnga ngáá áá kɛ wú ɣɛ́ wáá kálambo mbó ngáá ỹɔw̃ɔ́ ỹɔ́w̃ɔ.

LÓÓMI 15:2

A mú ɣɛ́ máá ti liivó fááni kɛ áá ɣɛ́ áá ti gúla faa h̃u ti h̃úú í bá Ngala fái h̃u.

KƆ́L̃E HESENDAA GƆLƆÍ 10:23

Nungái taa nde, ti ɣɛ́ ta, “Sí fíli a maa ɣɛ́ loí mú kɛ, naa gúlangɔɔ lé kɛ́lɛma mu yɛ ngáá mú kɛ.” Tɔɔỹáá le, kɛ́ kpɛ́lɛɛ táá le ɔ́ɔ́ ɣɛ́ ngáá kulasuunúma. Taá ndé, ti ɣɛ́ ta, “Sí fíli a maa ɣɛ́ lói mú kɛ, naa gulangɔ́ɔ́ lé kɛlɛ́ma mu yɛ ngáá mú kɛ.” Kɛ́ kpɛ́lɛɛ táá le taa nuu h̃úúba Ngala fái h̃u.

KƆ́L̃E HESENDAA GƆLƆÍ 14:12

Faalɔ, kɛ kíya pilingɔ wú líí vólu ngáá wú ɣɛ́ wáá fáitii kɛ Hɛ́ɛ́ma Ỹínangi áá kɛ ngáá háwu ti ɣɛ́ ngáá nuu yénge toko, a hɛmbɛ́ héi nátii kɛndái h̃u taá kɛ́ ngáá háwu Ngala fɛ́li mbélaitii súú áá bá Ngala fái h̃u.

KƆ́L̃E HESENDAA GƆLƆÍ 14:29

Sítii taá Ngalá ndaa háá lé, tálaa lɔ́ve nuu félengɔ ɔɔ nuu sáángɔ wa, aáva tálaa yɛ́pɛ w̃ɔíma. Nuu vékaitii pa ti ɣɛ́ taa maa láa haa le ngói ná yá kpɛ́ kpɛ́.

KƆ́L̃E HESENDAA GƆLƆÍ 14:5

Ngáá ɣɛ́ loí wú kpɛ́lɛɛ wááyaa yɛ́pɛ híí woo vekaítii su, kɛ́ ɔ́ɔ́ nɛ́ɛ́ mbɛ́ ngwala ná wɔ́ɔ́ Ngala ndaa háá lé. Sífaa nuí sí áá Ngalá ndaa háá lé, tɔvengɔ́ɔ́ lé nuí sí wa áá yɛ́pɛ híí woo vekaítii su, kɛ nɔ́ɔ léi nuu í ɣɛ na í núi sí laa háá lé, áá yɛ́pɛ híi woo vekaítii su kɛinɔɔ́ í ɣɛ́ ngáá kulasuunúma Ngala fɛ́li mbélaitii kpɛ́lɛɛ fááw̃a.

KƆ́L̃E GƆ́LƆI HELE KÉLEI 12:19

Wá lɔ́ɔ gísiya ngáá kɛ ni ɣɛ́ngɔ nɔ́ɔ́ fɔ́ naa bɔwɔ́ w̃áá haalé wú gákala? Mu mbála vandáitii, Ngalá tɔ́ɔ ni yasɔ́bɛ ngáá niỹá lɔ́ɔ tɔɔỹaá wói le kíya nɔ́ɔ Kílisitii lóngɔ ní ndé aáva sí kpɛ́lɛɛ náá kɛ aá lɔ na wu h̃úúba fááw̃a.

Ɛ́FƐSƆ 4:12

I sí ɣɛ́ni kɛinɔɔ́ í sítii kɛ kíli batɛ́ tí ngáá Ngalángi vóngaitii ngi yéngengi hááw̃a ngáá Ngala fɛ́li mbélaitii tí h̃úú í bá Ngala fái h̃u,

Ɛ́FƐSƆ 4:16

Jísu Kílisitii i nungáitii tongɔ́ mbéi maanɛ́ɛ́ngɔ tí ɣɛ́ na Ngala ngéngengi h̃u. Ti yilá ngíla p̃ɛ́ɛ́ taá ɣɛ́ taá ngengengítii mbo maanɛ́ɛ́ngɔ tí mbó kíya nɔ́ɔ nuu búsai i na sítii kínɛi ti nduwúi wa ti yéngemaitii ti léélaa léélaa. Ná ná vá ngáá ɣɛ́, ti kpɛ́lɛɛ taa ló ngáá ỹɔw̃ɔ́ ỹɔ́w̃ɔ ti h̃úú í bá.

Ɛ́FƐSƆ 4:29

Ngoo ỹɔ́u ỹɔ́u álaa ɣɛ́ áá gúla wú la. Wú láá wóitii ti ɣɛ́ ngáá ngoo vánda vándaa táingi fíli ma ngáá sítii taá mɛ́ni, í tí gúla faa h̃u.

TƐSALÓNIKA HESENDAA GƆLƆÍ 4:10

Aáva p̃ɛ́ɛ́ wú ndó ngááh̃u ɣɛ́a ngáá mu mbála Yalá fɛ́li mbélaitii kínɛi ti Mɛsedóniya lataí h̃u. Kɛ́ ná fíli su, mu mbála Yalá fɛ́li mbélai, niỹá lɔ́ɔ wú w̃áánɛɛnɛ ngáá wú ndí ngu ma ngáá kɛndáá ngwala.

TƐSALÓNIKA HESENDAA GƆLƆÍ 4:18

Faalɔ, a ỹɔw̃ɔ́ ỹɔ́w̃ɔ liiwúúlɛ ngáá ngoí sítiini.

TÍMOTI HESENDAA GƆLƆÍ 1:4

Nde ndɛɛ gálambo mbelái nátii ma ti bé bɔwɔ́ w̃ááhololima ngáá gbéle táálii nátii ɛ́ɣɛ wɔ́lɔ wɔ́lɔma lé suugúlandaa yɔli njɔlingí ná wa. Ná vólu hái aa ɣɛ́ nɔ́ɔ léi ngáá tamal̃á mááɣaali aáva tɛ́i kpɔ́mba he Ngalángi háá h̃uubatɛngí wa ngakɛ́ngɔ ngáá mu ye ndangí w̃aa véle w̃a.

HÍBULU 10:25

A mu w̃ɛɛ́ndai Ngala fɛ́li fái w̃a kumbongɔ́i mu h̃u a mál̃aa lokogúla su kíya nungáá lɛ́ingaa táá kɛ. Kɛ́ laá ɣéle, a mú ỹɔw̃ɔ́ ỹɔ́w̃ɔ liiwúúlɛ ngwala gíte ná náa áá ɣéle p̃ɛ́ɛ́ Ndemɔí Jísu yangáimandai ngelewu íwaa bɛ́ɛ́ mba kíya wú kɔlɔ.

HÍBULU 3:13

Kɛ́ aá ɣéle, a wááyaa ỹɔw̃ɔ́ ỹɔ́w̃ɔ liiwúúlɛ ngele fíli áá wó ná nɛ́nɛ kpɛ́ a mu táingi sí h̃u taa ɣɛ́ ma hááwɔ kɛinɔɔ́ faa ỹɔ́u ɣɛ́ndai álaa wú yákpolowa, ɔ́ɔ́ kɛ wɔ́ɔ́ ɣɛ́ ngáá ngoli h̃u bɔ́lɔ mbélaa.

PÍTƐ GƆ́LƆI HELE KÉLEI 1:12

Háwui sí hááw̃a, nyá lɔɔ ɣɛ́ ngáá wú gísitɛ nɔ́ɔ faí nátiini mba kíya bɛ́lɛ wú tí wɔlɔ́ náá kílii aáva wú lóóni kpáŋ tɔɔỹái sí w̃ááh̃u wú maahɔ́lɔnga.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:20

Kɛ́ wɛ́i wú ngáá mu mbála vandáitii, hɛ́ɛ́ma lángi í wú h̃u í ló wú h̃u, í wú h̃úúba kpé wú híya velé h̃u. A waayaa Ngala fɛ́li Hɛ́ɛ́ma Ỹínangi yákpangi h̃u.