TƐSALÓNIKA HESENDAA GƆLƆÍ 4:9 - Kɛ́lɛ Niinaí

⁹ Ná áá lí náa í tó ndongí wá kule í ma í ɣɛ́ a mu lówah̃u a maá mu mbála Yalá fɛ́li mbélaitiini, nɛ́i mɔ́ɔ lo kɔlɔ vɔ́nɛma wú yéle kɔwɔ́ato ná wa sífaa, Ngalá kpúte lɔ í wú galámbongɔ ngáá wú ló ngáá ỹɔw̃ɔ́ ỹɔ́w̃ɔ.

TƐSALÓNIKA HESENDAA GƆLƆÍ 4:9 Iomraidhean Croise

MÁFIYU 22:39

Savaí ngi bíkpingi hele kélei gulangɔ́ɔ́ lé nɔ́ɔ ngáá hésendaa geleí. Aáva tɔ ngáá sí, ‘Ló ngáá í mbála nuú búsaitii kíya í lóngɔ ngáá bɔwɔ́.’

NJƆÚ 14:26

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

TI GƐ́Ɛ́ HAÍTII 4:32

Sítii kínɛi tí langɔ́ í ɣɛ́i la ngáá Jísu ti lií i ɣɛ́i yíla, ti gi mái i yíla. Nuu fíli aa kulái ngáá kɛ sɔlɔ wɔlíngai ti ɣɛ́i ngáá ngu maa ɣéle, kɛ́ ti kpɛ́lɛɛ ti yaá wɔ́lingai ti ɣɛ́i nɔ́ɔ su yíla kpé.

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

KƆ́L̃E GƆ́LƆI HELE KÉLEI 9:1

Ngáá lói gíte ngɔ́ɔ́ kɔ́lɔ vɔ́nɛ wú yéle kɔwɔ́ato kpɔmbaí wa Ngala fɛ́li mbélaitii mbɛ tí Judíya lataí h̃u.

FÉLEPA 3:15

A múỹɛi kínɛi mu lóko h̃úú levéngɔ naá Ngala fái h̃u a mú kisíya láálii sí wo. Ná wɔ́lii í gísiyai áá ɣɛ́ léélaa faa tá h̃u, ná ɣéle tɔ bɛ́lɛ Ngalá ngáá maa hái yakɛ́ í yáá kpál̃au.

TƐSALÓNIKA HESENDAA GƆLƆÍ 5:1

Mu mbála Yalá fɛ́li mbélai, sí náá áá li í to Ndemɔí Jísu vaa holói ná wa ɛ́ɣɛ maa l̃áingi nɛ́i mɔ́ɔ lo kɔlɔ vɔ́nɛma wú yéle kɔwɔ́ato ná wa,

HÍBULU 10:16

“Sí Ndemɔí Ngala ngí ndéngɔ aá wáá ngáá sí í ɣɛ́i ta, ‘Kuu tá lɔɔ vá fóloma ma, kɛ́lɛngi ngáá vá ngéɣema náa ni lówah̃u naa sítii ngáá ɣɛ́ tí w̃a ní vóngaitii, aa wáá ngáá, ngáá kɛ ngáá háwu ní hávaitii táa ɣɛ́ ti liítii su, tí héi ti gi má.’ ”

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

PÍTƐ HESENDAA GƆLƆÍ 4:8

Ná vólu, faí kpɛ́lɛɛ maah̃u hái lɔ náá ngáá sí ngáá wú ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ sífaa ndongí aa kɛ ngáá háwu faa ỹɔ́u bih̃íw̃aa h̃úúhaa í lo.

PÍTƐ GƆ́LƆI HELE KÉLEI 1:7

Ná vólu, wú ló ngáá ỹɔw̃ɔ́ ỹɔ́w̃ɔ kíya njee lengaa taa ɣɛ́ na, ná vólu, ndo ngí ɣɛ́ wú h̃u.

NJƆÚ HESENDAA GƆLƆÍ 2:10

Ná maa ló ngáá mu mbála Yalá fɛ́li mbélaitii, kɛ muỹá lɔ lámbo fo kiteí yá. Ná vólu, kɛ faa fíli a mu híya veléi wa áá kɛ ngáá háwu maa faa ỹɔ́u ɣɛ́.

NJƆÚ HESENDAA GƆLƆÍ 3:11

Keela wói sí wú mɛ́nini wɔ́lɔ tɔ́kula héimai aá waa ngáá sí, kɛ a mú ló ngáá ỹɔw̃ɔ́ ỹɔ́w̃ɔ.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

NJƆÚ HESENDAA GƆLƆÍ 4:21

Savaí Jísu Kílisitii í féngɔ mu yaá aá wáa ngáá sí, nuí fíli áá ɣɛ́ loi ngáá Ngalá, kule lɔ́ ma í ló ngáá ngi mbála Yalá fɛ́li mɔ́i.