TƐSALÓNIKA HESENDAA GƆLƆÍ 4:6 - Kɛ́lɛ Niinaí

⁶ Nuu fíli pa álaa fái sí ta ɣɛ ngáá ngi mbála Yalá fɛ́li mɔ́ɔ. Wú ɣɛ́ kɔ́lɔ ngáá kɛ Ndemɔí Jísu lɔɔ vá faa bá ndáma nungái sítii ma taa fái sítii kɛ ní ndááhi kpá kpá mbongɔ́ ngáá wú yé kɔwɔ́ato ti wa.

TƐSALÓNIKA HESENDAA GƆLƆÍ 4:6 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:19

Yí Ngala savaítii kɔ́lɔ sɔ́ sí í ɣɛ́ngɔ ta, ‘Yaá nuu váa, yaá kɔlɔsiyá mbo, yaá ŋúỹa wo, yaá káha hééle woo le, yaá ŋáni gúla nungáá yáa ngáá kahá véle, wufe í njééni ma taa í kɛ́ɛ́ɣɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:5

Kɛ́ nyá lɔ́ɔ kɛ ngáá wú ye lɛ́i sí kule í wú w̃a wú lúwa mba. A lúwa Ngala mba lɛ́i áá wú váa, ná vólu, ngakpá ngí ngeyá ngáá í wú lɔ́ve njahááma. Tɔɔỹaá hááw̃a a lúwa mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:28

sífaa ní ndéɣeaitii ti yá lɔ́ na lɔɔ́lu ti ngáá siỹɛndóu lengaa. Bɛ́lɛ í lí, í ti laahí kɛinɔɔ́ tɔ́ɔ́ va vá nduwu ya fuulɛ́ ỹándai sí ngí na.’

LÓÓMI 1:18

Ngakɛ́ngɔɔ lé ngáá kíya Ngalá ndiiyáw̃al̃angɔ áá ɣɛ́ la i mɔ́ɔ faa báma lá faa ỹɔ́u ɣɛ́ mbélai ɛ́ɣɛ nyaama yélai kpɛ́lɛɛ má tiyɛ́i ti lúva velé ỹɔ́i nátii tí kɛ́a ngáá háwu tɔɔỹái kɔwɔ́ato Ngalá mba máá íwaa lɔ́ɔ́wu.

LÓÓMI 12:19

Mu mbála vándai, a waa ɣɛ́ ngáá poto kulá wó mbélaa. Bɛ́lɛ Ngála ngí ɣɛ́ ngáá poto kulái wo wú yɛ́, sífaa, Ngala Kɔ́lɔi h̃u pɔnɛngɔ́ɔ́ lé ngáá sí Ndemɔí Ngála ngí ndéngɔ, i ɣɛ ta, “Nyá lɔ́ ngí ngáá poto kulá wó mɔ́i. Nyá lɔ́ɔ vá ngí póto kulai wo ti w̃a.”

LÓÓMI 13:4

Tiyá lɔ́ ngáá Ngalángi yénge mbelaa aáva, aá lɔ́ ngáá ti ndá yénge ngáá ti bɔ́ í wá. Kɛ́ ná wɔ́lii yáá faa ỹɔ́u ɣɛ, kɛ ná ná áá ɣɛ́, kule lɔ í w̃á yí ɣɛ́ yáá lúwa bɔw̃álale, masangái sítiini tiyá lɔ́ na ngáá tí faa bá nda í w̃á ná yáá faa ỹɔ́u ɣɛ́. Tiyá lɔ́ ngáá Ngalángi yénge mbelaa ngáá tí faa bá ndá faa ỹaaní mbélaitii ma ngáá kɛinɔɔ́ tí ngákɛ ngáá kíya Ngalá ndiiyáw̃al̃angɔ áá ɣɛ́ la faa ỹaaní mbélaitii ma.

KƆ́L̃E GƆ́LƆI HELE KÉLEI 7:11

Kɛ́ tɔ lɛ́ɛ sí Ngala ngí kɛ́ngɔ ngáá wú w̃ááw̃aanui. Wú w̃ááw̃aanumai i kɛ́a ngáá háwu wú lɔ́wɔbaɣangɔ í ɣɛ́ la wúwaa yákpa ngáá wú ngákɛ ngáá wáá faa ỹɔ́u ɣɛ́ngɔ. Wú lííyaw̃al̃angɔ i ɣɛ́ngɔ la, wáá lúwa. I kɛ́a wú lóngɔ wú tɔ́ ngwala. Wú gúlangɔ kɛlɛma fó fóndei Ngála mbɛ́, wú w̃ááhei wongɔɔ ngwala ngáá núi í faa ỹɔ́i ɣɛngɔ́ wú faa bá nda ma. Faí sí kpɛ́lɛɛ i ngakɛ́a ngáá kɛ faa fíli aa wú wá fái sí h̃u.

GALÉSIYA 5:21

Ná vólu, nuu líí aa kɛ nungáá yáa wɔ́li faa áá víli nuu líí vólu, aa kɛ nuu í ɣɛ́ ndɔɔ hoú h̃ú ɛ́ɣɛ kooh̃unɛɛ lóóli wala walaní su, ɛ́ɣɛ sí w̃áa ỹɔ́kɔ faa vekáitii. Kɛ kíya nɔ́ɔ ngí ndéngɔ wú w̃a, nyá lɔ́ɔ ndé múl̃ɔ wú w̃a ngáá sítii taa lúva h̃íí na tɛ́i ɣɛ́ Ngalángi w̃ásandai wu.

Ɛ́FƐSƆ 4:17

Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

TƐSALÓNIKA HESENDAA GƆLƆÍ 2:11

Wú kɔ́lɔ ngáá ni wú h̃úúhouni kíya nɔ́ɔ ndoú kɛ́ɛ́ɣɛ áá ngí léngaitii suuhóu.

TƐSALÓNIKA GƆ́LƆI HELE KÉLEI 1:8

Aá lɔɔ vá sítii maanɔw̃ɔ́ma taa béɣei Ngala fááw̃a, tiyɛ́i tɛi híya ngáá Ngala kééla wói kɔwɔ́ato mu Lemɔ́i Jísu wa.

HÍBULU 13:4

Kɛmbɛheí í ɣɛ́ ngáá ngufema háá wu kpɛ́lɛɛ ngéya. Siỹɛngáitii taá tí ỹáh̃aitii ti lɔwɔ́baɣangɔ í ɣɛ́i la ỹɔw̃ɔ́ ỹɔ́w̃ɔ yáá. Sítii tɛ́i ɣɛ́ kɛmbɛheí h̃u ɛ́ɣɛ sítii taa ɣɛ́ kɛmbɛhéi h̃u tálaa kɔlɔsiyá mbó sífaa, Ngalá tɔɔ vá ti waalévema ngáá taá véleni.

HÍBULU 2:6

Kɛ́ ỹánda lɔ na Ngala Kɔ́lɔi h̃u faa vɔ́nɛngɔɔ lé na, aá wáá ngáá sí, “Ngalá, ndeé búte waa ngáá nungáitii í béɣengɔ ti haáw̃a ɔɔ nuu búsaa ngáá ti béɣe ngí wa?

JIMISÍ 2:6

Kɛ́ ngufema áá wú yáá nyaani yélaitii fáaw̃a. Kɛ́mbɛ aáva kpatɛ yélaitii pa tɔ taá faa bá nda wú w̃a? Kɛ́mbɛ tiyá lɔ taá kɛ́ ngáá háwu wɛ́i wú háá lɔɔỹái w̃aahɔ́lɔ faa le sú masa kákala?

JIMISÍ 5:4

A wɔlɛ lɛ́ɛ́ sítii mba táá yénge wú híí hii ŋani beleítii su, wáá kɛngɔ́ wɔ́ɔ́ ti pávaitii fe ti yaá. Tiyá lɔɔ́ woo gúla ngáá maa w̃áh̃a behengí. Ti wɔlɔ́ woí i folónga Ndemɔí Ngalá ma lɛí í ngáá ngakpa mɔ́ɔ́ walaí.