TƐSALÓNIKA HESENDAA GƆLƆÍ 4:5 - Kɛ́lɛ Niinaí

⁵ Njeé sína w̃áá luvá álaa víli wú líí vólu kíya sítii taa béɣei Ngala fááw̃a kpósouŋ tí na.

TƐSALÓNIKA HESENDAA GƆLƆÍ 4:5 Iomraidhean Croise

MÁFIYU 6:32

Sífaa, faí sítii tɔ sítii ti ngáá ngeleí sí wú yélai taa bála kpála la. Kɛ́ wú Kɛ́ɛ́ɣɛ Ngalá ngí ngelegóóh̃u i kɔlɔ́ ngáá sítii kpɛ́lɛɛ ngi wála tɔ wú wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:30

Sífaa sítii taá Ngála fááw̃a tí ngélei sí wu, nátii tɔ ti gísiyaitii taa ɣɛ́ mba. Aáva wú Kɛ́ɛ́ɣɛ Ngala i kɔlɔ́ ngáá wú bɛ́ndɛngɔɔ lé ŋanií nátii kpɛ́lɛɛ má.

TI GƐ́Ɛ́ HAÍTII 17:23

sífaa kɛ kíya ngí ɣɛ́ngɔ ngáá lɔ́ve tɔvé kpóloo ngí wú wɔ́lingaitii tɔngɔ́ wáa ti wɔ. Ngí saáɣa gulamáá ỹánda batɛngɔ́ ta lɔngɔ́ múl̃ɔ kɔlɔ vɔ́nɛngɔ ma. Sí pɔnɛngɔ́ ma aá wáá ngáá sí, ‘Ngalángi sí yéle nuu áá kɔ́lɔ,’ aáva wáa fɛlí aá lɔ ngáá yɛpɛ kɔwɔ́ato mba wú yéle.

LÓÓMI 1:24

Faalɔ, Ngalángi lokogúlai nungái sítii su tí pɛ́lɛ lɛɛh̃úi h̃uuhíyama ỹɔ́u ngáá ti bɔwɔ́ gísiya w̃aa véle w̃a, aáva sí ɔ́ɔ́ nɛ́ɛ́ ti yɛ laá lɔ́ tɔ́ɔ́ kɛ. Aáva tamál̃a kísiyaitii taa mbó ná aa kɛ ngáá háwu táá ngufe tála hááni kɛ́ ngáá ỹɔw̃ɔ́ ỹɔ́w̃ɔ.

LÓÓMI 1:26

Sífaa táá nátii kɛ, Ngalá ngí lokogúlai nɔ́ɔ tí h̃u tí pɛ́lɛ hiyamá ngáá ti bɔwɔ́ bɔ́wɔ wufe tala liivo kɛítii. Nyah̃áitii kéle tɔ taá mɔ́ɔ́ ɣɛ́i lói ngáá siỹɛ fáá ɣɛndáá kíya kule í má í ɣɛ́ na. Aáva tí lókovili náá faaní kɛ́ndaa h̃u ngáá ỹɔw̃ɔ́ ỹɔ́w̃ɔ ngáá kule áá ma ɔ́ɔ́ ɣɛ.

LÓÓMI 1:28

Ná núngai sítiini ti lélenga ngáá tí kisíyai sí ɣéle tɔ mbo ngáá Ngalá, ná lɔ́ í kɛ́a Ngalá ngí lókogulaa tí h̃u ngáá tí ɣɛ́ ti lámal̃a kisiyái nátiini su. Ná lɔ́ í kɛ́a taa ɣɛ́ táá njɔlɔ haá lááli taalingái kpɛ́lɛɛ kɛ.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

KƆ́L̃E HESENDAA GƆLƆÍ 15:34

A vá bɔ́wɔ h̃u, wú fáa yátɔ mba múl̃ɔ ngáá pangɔ́, wú bé wú lúva vele ỹɔ́itii mba, sífaa wú lɛ́ingaa wáá Ngalá kɔlɔ́ ngáá ele gíte waa ngáá laa. Aáva nyá ngáá sí le ngáá wú yángufe.

GALÉSIYA 4:8

Wɔ́lɔ wɔ́lɔmai h̃u, ná wáá ɣɛ́i Ngalá kɔ́lɔ ngáá ele wáá ngáá laa, wú ɣɛ́i ngáá nduwɔ lopóa ɣɛ́ kíli ŋani tɛ́ingaani ti yákpangi wú tiyɛ́i taa ti yeɣé ngáá ngalángaa.

Ɛ́FƐSƆ 2:12

Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

KƆLƆ́SE 3:5

Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.

TƐSALÓNIKA GƆ́LƆI HELE KÉLEI 1:8

Aá lɔɔ vá sítii maanɔw̃ɔ́ma taa béɣei Ngala fááw̃a, tiyɛ́i tɛi híya ngáá Ngala kééla wói kɔwɔ́ato mu Lemɔ́i Jísu wa.

PÍTƐ HESENDAA GƆLƆÍ 4:3

Wú lɛ́mbinga naá wɔ́lɔ fái sítii kɛ́ma sítii taa ngáá Ngalá fɛ́li mbélaa ti lóngɔ ngáá ti ɣɛndáá. Ngufe tála haítii tɔ wú ɣɛ́ngɔ ti h̃u, kɔlɔsiyángitiini, ndɔɔ bɔ́lendaa walaní, ndɔɔ hoúni su ɛ́ɣɛ kooh̃unɛɛ lááỹɛ mbo máá wala waláitii kɔlɔsiyá fáá áá ɣɛ́ na. Ná vólu, ngufemá héndai kɔɔ kɔɔ ŋáni vekáitii kɔndáá h̃u taa ti yeɣé ngáá ngalángaa kíya nuu áá ngufema hé Ngalá mbɛ sí í ngáá ngangufé fáá wala.