TƐSALÓNIKA HESENDAA GƆLƆÍ 4:4 - Kɛ́lɛ Niinaí

⁴ Ngalá ndóngɔɔ lé wú yíla ngílangi p̃ɛ́ɛ́ wú bɔwɔ h̃úúhou w̃a tɔmbema w̃áá fíli álaa ɣɛ́ wú wa ngááh̃u ɛ́ɣɛ nungáá yaah̃ú. Ngufema í ɣɛ́ wú w̃a.

TƐSALÓNIKA HESENDAA GƆLƆÍ 4:4 Iomraidhean Croise

TI GƐ́Ɛ́ HAÍTII 9:15

Kɛ Ndemɔí Jísu i ɣɛa Ananáya w̃a, “Lí! Ngí lókolonga siỹɛndópoi sí wa ngáá ní yénge mɔɔ ngáá í lí Ísulɔ yeláitii ngelé ɛ́ɣɛ nungáitii sítii taa ngáá Júsua ti w̃ása ngwála walaítii í ndé ti w̃a ti ɣɛ́ kɔlɔ́ ngáá kɛ ele wáá ngáá nge.

LÓÓMI 1:24

Faalɔ, Ngalángi lokogúlai nungái sítii su tí pɛ́lɛ lɛɛh̃úi h̃uuhíyama ỹɔ́u ngáá ti bɔwɔ́ gísiya w̃aa véle w̃a, aáva sí ɔ́ɔ́ nɛ́ɛ́ ti yɛ laá lɔ́ tɔ́ɔ́ kɛ. Aáva tamál̃a kísiyaitii taa mbó ná aa kɛ ngáá háwu táá ngufe tála hááni kɛ́ ngáá ỹɔw̃ɔ́ ỹɔ́w̃ɔ.

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 6:19

Nyá lɔ́ɔ njɛpɛí sítii pú nuu búsa ndá háá yeɣé kíli h̃u bɔw̃álale naa bangɔ́ɔ́ lé ngáá wú faí sítii ngatɔ́ mba. Kíya nɔ́ɔ wú ɣɛ́ngɔ wú lúwui waa wɔ́lingaitii kpɛ́lɛɛ kúlai kɛ́lɛma ngáá nduwɔ lopóa ɣɛ́ kíli faa ỹɔ́u ɣɛ́ndai ya kékelei, ngimɔ́ɔ́ nɔ́ɔ kule í ma naa wú tí gúla kɛlɛ́ma telembo fáitii kɛ́ndai h̃u h̃íí na kɛinɔɔ́ wú ɣɛ́ ngáá Ngalángi vóngaa fó fóndei tɔmbema w̃aa fíli álaa ɣɛ́ wú wa.

KƆ́L̃E HESENDAA GƆLƆÍ 6:15

Wú súúwɔlɔ kpál̃au ngáá kɛ a muỹɛ́i mu ngáá Ngala fɛ́li mbélaitii a mu báhangɔɔ lé su a maa Kílisitiini. Ná ná áá ɣɛ́, kɛ aa pele w̃a ngáá mɔ́ɔ́ báha nyah̃ái sí wa áá bɔwɔ́ ɣɛ ngáá yaawo kɔlɔsiyá su naholó hááw̃a. Ngalá ngí gílihoo ná w̃a!

KƆ́L̃E HESENDAA GƆLƆÍ 7:2

Kɛ́ sífaa, kɔlɔsiyá fáá í su, kule lɔ siỹɛ́ fíli má í bɔwɔ́ ỹáh̃a yeɣé í ɣɛ́ ngeyá. Nyah̃ái fíli í wála bɔwɔ́ h̃íỹɛ ngeyá.

KƆ́L̃E HESENDAA GƆLƆÍ 7:9

Kɛ́ ná wɔ́i ɣɛ́ hómboni wɔ́ɔ́ bɔwɔ́ h̃úúhou, kɛ a kɛmbɛhéi háá h̃uubátɛ. Maa áá ɣɛ́ nɛɛni wú ná ɣɛ́, í lɔ́ve sí wá wááyaa w̃ɔ́ su.

KƆ́L̃E GƆ́LƆI HELE KÉLEI 4:7

Ná fíli sú, niỹɛ́i Hɛ́ɛ́ma Ỹínangi í kɛ́nga ngáá háwu ní fáa vánda wálai sí w̃ááhɔlɔ, ni ɣɛ ngɔ́ɔ́ lé bɛ́ɣɛ bɛɣɛ kíya nɔ́ɔ fɛɛtóa tí na. Ná lɔ́ áá ngákɛ ngáá kɛ Ngála ngílaa kpé tɔ́ nɔ́ɔ ngakpá súúlɔvengɔ wálai í ngéya kɛ́ aa ni yaa.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

HÍBULU 13:4

Kɛmbɛheí í ɣɛ́ ngáá ngufema háá wu kpɛ́lɛɛ ngéya. Siỹɛngáitii taá tí ỹáh̃aitii ti lɔwɔ́baɣangɔ í ɣɛ́i la ỹɔw̃ɔ́ ỹɔ́w̃ɔ yáá. Sítii tɛ́i ɣɛ́ kɛmbɛheí h̃u ɛ́ɣɛ sítii taa ɣɛ́ kɛmbɛhéi h̃u tálaa kɔlɔsiyá mbó sífaa, Ngalá tɔɔ vá ti waalévema ngáá taá véleni.

PÍTƐ HESENDAA GƆLƆÍ 3:7

Wɛ́i vá wú ngáá siỹɛngáitii, ná wáá ɣɛ́ séi h̃u wáá nyah̃ái, giséi w̃a ngáá suu áá bái ɔ́ɔ́ híti í h̃u. Waayaa ngufema hé ti yɛ bɔw̃álale tiyá bɛ́lɛ wáá tiyéni tɔ wúwaa vá Ngalángi háá bɔwɔí w̃aahɔ́lɔma, ná wáá ngáá, kúnafɔ lɛ́ɛ́h̃ui. Waayaa ná ɣɛ kɛinɔɔ́ faa fíli álaa víli wú Yála fɛli ngói h̃u.