TƐSALÓNIKA HESENDAA GƆLƆÍ 4:3 - Kɛ́lɛ Niinaí

³ Ngalá ndóngɔɔ lé wú w̃ááw̃uỹangɔ í ɣɛ́ la fó faa ỹɔ́u fíli álaa ɣɛ́ wú h̃u. Ná wáá ngáá, kɔlɔsiyá faá álaa ɣɛ́ wú h̃ú ɛ́ɣɛ nyah̃ápo haa ɛ́ɣɛ siỹɛndópo haa.

TƐSALÓNIKA HESENDAA GƆLƆÍ 4:3 Iomraidhean Croise

MÁFIYU 12:50

Nuí fíli áá sítii kɛ ní Kɛ́ɛ́ɣɛ lóngɔ la, lɛ́i í ngelegóóh̃u, maa w̃ɔ́i lɔ í ngáá ní njéé, ní ndéɣe ɛ́ɣɛ ní hééla.”

MÁFIYU 15:19

Sífaa, núi gí mai lɔ́ kisiyá ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbo, í ŋúỹa wó, í káha hééle woo le, ɛ́ɣɛ í maaboo ngoo le kɔwɔ́ato nungáá véka wa.

MÁFIYU 5:32

Kɛ́ nyá lɔ́ɔ ndé náa wú w̃á ngáá, siỹɛ́ fíli álaa bééle ngi ỹáh̃ai wa, kɛ léi í ɣɛ́ bééleni mba kɔlɔsiyá mbó fááw̃a nyah̃ái ná áá ɣɛ́ mbóni. Kɛ́ ná léi ɛ́i ɣɛ́ ngáá háwui náa hááw̃a, kɛ siỹɛ́ngi ná lɔ́ áá ɣɛ́ kɛ́ni nyah̃ái ná áá ɣɛ́ kɔlɔsiyángi ná wóni, ná áá síỹɛ péka yeɣé. Siỹɛ pékai ná bɛ́lɛ áá ɣɛ́ kpeele mba ỹáh̃ai ná yéɣeni, laá bɛ́lɛ aa ɣɛ kɔlɔsiyá mbóni.”

MÁFIYU 7:21

Nuí kpɛ́lɛɛ táa le taa tóli ngáá ‘Kawálai, Kawálai’ tɔɔ ɣɛ́ taá vá ɣɛ́ma Ngalángi w̃ásandai wu, kɛ nɔ́ɔ léi sítii taa sítii kɛ ní Kɛ́ɛ́ɣɛ lóngɔ la lɛ́i í ngelegóóh̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:35

Nuí fíli áá sítii kɛ Ngalá ndóngɔ la, aá lɔ í ngáá ní njéé, ní ndéɣe, ɛ́ɣɛ ní hééla.”

NJƆÚ 4:34

Í mɔ́ɔ́ ɣɛ ti w̃a, “Ní ỹɛ́ɛ́nii wáá ngáá nuí sí í tɔ́vengɔ ngí gólo mbɛ ndiivó fái ɣɛndái h̃u. Ná vólu, ngí víla ngi yéngengi sí wóma í féngɔ ngéya.

NJƆÚ 7:17

Ná nuu fíli áá sí ɣɛ Ngalá ndongɔ la, maa w̃ɔ́i aa ngatɔ́ mba ngáá ná wɔ́lii kalambongí sí lɔɔ gúla Ngalá ngeyá ɔɔ ngúmaawoo áá ɣɛ́ nɔɔ́ ngáá sítii ngáá ti le.

TI GƐ́Ɛ́ HAÍTII 15:20

Kɛ́ laá ɣéle, mú kɔlɔ vɔ́nɛ ti yelé, mú nde ti w̃a ngáá tálaa kpaló mba ỹɛ́ɛ́ni fíli mɛ́ sí taá ɣɛ́ naá kɔɔ kɔɔ́ ŋáni fíli kɔ́ni la taa ti yeɣé ngáá ngalángaa. Kɛ́ múl̃ɔ ti bé kɔlɔsiyá mbóndai wa. Ná vólu, tálaa suwa fíli mɛ́ tɛ́i ɣɛ́ mboló laa léveni kɛlaa tɔɔ́ ŋaaw̃ɔ ỹɛ.

TI GƐ́Ɛ́ HAÍTII 15:29

waá mɛɛní fíli mɛ́ taá ɣɛ́ naa kɔɔ kɔɔ́ ŋani fíli kɔ́ni la taa ti yeɣé ngáá ngalángaa. Ná vólu, wálaa suwa fíli mɛ́ tɛi ɣɛ́ mboló lááleveni ɛ́ɣɛ wálaa ŋaaw̃ɔ bɔ́le. Ná vólu múl̃ɔ, a bé kɔlɔsiyá mbóndai wa. Wáá ɣɛ faa vánda ɣɛní ná wáá fái sítii kɛ. Faalɔ, a maá lɔ́ hééhau!”

TI GƐ́Ɛ́ HAÍTII 20:32

Ná Pɔ́ɔ í vílani sí léma ti w̃a, kɛ i ɣɛa ta, “Ngí wú gáihanga náa Ndemɔí Ngalá ma ɛ́ɣɛ ngi gééla wói kɔwɔ́ato ngi háá bɔwɔ longí wa. Laá lɔ́ áá suuba fé wú yáá ɛ́ɣɛ í nɛ́ɛ́ma yéi wú w̃á sí Ngalángi ngandɔ́ɔ́lɔngɔ nungáitii kpɛ́lɛɛ fááw̃a í ti ɣɛ kíli batɛngá bɔwɔ́ hááw̃a.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 1:29

Tiyá lɔ́ ngáá fáá ỹɔ́u yélaa ti ỹáámangɔ, ná vólu, tiyá lɔ́ ngáá mɔní mɔ́ni mbélaa. Ti hilimangɔ́ɔ́ lé ngwala, ti ngáá tolóma yélaa, ná vólu, tiyá lɔ́ ngáá nuu váá mbélaa, ti ngáá ndaahasá yélaa ɛ́ɣɛ káha yélaa. Aáva nuu bɔ́ndai faaw̃á wáá tiyéni naa bangɔ́ɔ́ lé ngwála, ná vólu, tiyá lɔ́ ngáá njɛpɛ mba yélaa.

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

LÓÓMI 6:22

Kɛ́ sí h̃úi náa, wú wúmaawongɔɔ lé náá faa ỹɔ́u ɣɛ́ndai yaa aáva wú ɣɛ́a náá ngáá kíya nɔ́ɔ nduwɔ lopóa ɣɛ́ kíli Ngalá mbɛ. Ná vá ngi ndá gúlasuunumai wáá ngáá wú ɣɛ́ ngáá Ngalángi vóngaa fó fóndei tɔmbéma w̃aa fíli álaa ɣɛ́ wú wa. Ná vá tɔ áá kɛ́ ngáá háwu wú kúnafɔ lɛ́ɛ́h̃ui w̃ááhɔlɔ.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 7:2

Kɛ́ sífaa, kɔlɔsiyá fáá í su, kule lɔ siỹɛ́ fíli má í bɔwɔ́ ỹáh̃a yeɣé í ɣɛ́ ngeyá. Nyah̃ái fíli í wála bɔwɔ́ h̃íỹɛ ngeyá.

KƆ́L̃E GƆ́LƆI HELE KÉLEI 12:21

Aáva nyá lɔ́ɔ gísiya ngáá ná ngáá vá Ngalá lɛ́i ngíwaa fɛ́li aa kɛ ngáá háwu ngí wúfe wú gákala. Nyá lɔ́ɔ gísiya ngáá maaw̃aanú áá ɣɛ má wú bíh̃iw̃aa hááw̃a wɛ́i wúwaa ndí ngu ma ngáá faa ỹɔ́itii kɛ́ndaa wú tɔ́kula héingɔ wɔ́lɔ aáva wáá nɛ́ɛ́ vólu yáfei maa háá ỹɔu ɣɛndái wa ná wáá ngáá, kɔlɔsiyángi ɛ́ɣɛ njeé sína w̃áá lúva wóndai ɛ́ɣɛ njɔlɔ haa ɣɛ́ndaitii.

GALÉSIYA 5:19

Sítii ti ngáá faa ỹɔ́itii nuu líí áá nuu ló ti w̃a ti yakɛngɔ́ɔ́ lé kpál̃au. Tiyá waa ngáá kɔlɔsiyángi, njée sína w̃ááluva wóndai, ɛ́ɣɛ njɔlɔ háitii.

Ɛ́FƐSƆ 5:17

Wálaa ɣɛ́ ngáá faa yátɔ tála yelaa, kɛ́ laá ɣéle, wú yákpa wú ɣɛ́ kɔlɔ́ sí Ndemɔí Jísu longɔ́ wú kɛ.

Ɛ́FƐSƆ 6:6

A yenge ti yɛ ngáá pangɔ́ bele bɛ́lɛ taá na tɔɔ́ ɣɛ́ taa wú béle. Wálaa ɣɛ́ nɔ́ɔ wáá yénge tí yaah̃ú w̃á ngáá pangɔ́ kɛinɔɔ́ ti ló ngáá wú ye, kɛ́ laá ɣéle, a yenge ngáá hɛmbɛ́i kpɛ́lɛɛ kíya Ngalá ndóngɔ wú kɛ, bɔw̃álale wá lɔ́ ngáá Kílisitii lúwɔa ɣɛ kíli.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 3:5

Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 4:2

Wú faa wɔ́lɔ sítii mba Ndemɔí Jísu í ndéni ngáá a mu ɣɛ́ maá tí ɣɛ, ní tí lení wú w̃a.

TƐSALÓNIKA HESENDAA GƆLƆÍ 4:4

Ngalá ndóngɔɔ lé wú yíla ngílangi p̃ɛ́ɛ́ wú bɔwɔ h̃úúhou w̃a tɔmbema w̃áá fíli álaa ɣɛ́ wú wa ngááh̃u ɛ́ɣɛ nungáá yaah̃ú. Ngufema í ɣɛ́ wú w̃a.

TƐSALÓNIKA HESENDAA GƆLƆÍ 5:18

Wááyaa sɛ́ɣɛɛ gula Ngalá má faa híí fíli su nɔ́ɔ sífaa, ná lɔ́ Ngalá ndóngɔ lá wú yaa kpahaíi wa wú su Jísu Kílisitii wa.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

HÍBULU 12:16

A naa w̃ááh̃u béle gíte ngáá kɛinɔɔ́ nuu fíli álaa ɣɛ́ kɔ́lɔsiya mbóndaa h̃u ɔɔ álaa ɣɛ́ ngáá nuí sí áá Ngalá fááw̃a kíya Ísɔ í kɛ́ni. Ná wáá ngáá, ná kpɔkɔ ỹɛ́ɛ́ni ỹɛ́ tái ngiláá í fóloni ma, Ísɔ í ndiyalaí w̃áá híyani ngí ndéɣe w̃a ngáá í ngi ndéɣe ỹɛ́ɛ́nii ỹɛ.

HÍBULU 13:4

Kɛmbɛheí í ɣɛ́ ngáá ngufema háá wu kpɛ́lɛɛ ngéya. Siỹɛngáitii taá tí ỹáh̃aitii ti lɔwɔ́baɣangɔ í ɣɛ́i la ỹɔw̃ɔ́ ỹɔ́w̃ɔ yáá. Sítii tɛ́i ɣɛ́ kɛmbɛheí h̃u ɛ́ɣɛ sítii taa ɣɛ́ kɛmbɛhéi h̃u tálaa kɔlɔsiyá mbó sífaa, Ngalá tɔɔ vá ti waalévema ngáá taá véleni.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

NJƆÚ HESENDAA GƆLƆÍ 2:17

Ngeleí sí wú ɛ́ɣɛ sí kínɛi tí ngáá suu wɔ́lingaitiini ngáá nuu búsaa taá mɔní mɔ́ni kɛ, kpɛ́lɛɛ tɔ́ɔ́ vá vílama, kɛ́ ná maa Ngalá ndiivó fáitii kɛ, maa kúnafɔ lɛ́ɛ́h̃u w̃aahɔ́lɔ.

FAA YÁKƐ KƆ́LƆI 21:8

Kɛ́ sítii nduwá ndúwa ngáá ɣɛ́ tí h̃u Ngala fáá ɣɛndái h̃u, sítii taa lá ngáá Ngalá kɛ́ tɛ́i ndí ngu ma taa sítii taa híɣe Ngala péle giteí wa í báha sítii mba ti ngáá nuu váá mbélaa ɛ́ɣɛ kɔlɔsiyá mbélaa taa súkɛ yélaitii ɛ́ɣɛ kɔɔ kɔɔ́ ŋani hɛ́li mbélaitii taá ndɛ́ɛ yélai ti kpɛ́lɛɛ ti lííw̃ai waá ngáá ngɔmbu hó ngwálai h̃u ngɛ́i w̃ááku nyɔu ỹɔungí áá w̃ɔ́ ngwala kíya fukú í na i su. Saí helé kélei wómai va mil̃á.”

FAA YÁKƐ KƆ́LƆI 22:15

Kɛ́ sítii ti ngáá nyaama yélaitii ɛ́ɣɛ súkɛ gúla mbélaitii taa kɔlɔsiyá mbélaitii ɛ́ɣɛ nuu váa mbélaitii ɛ́ɣɛ sítii taá kɔɔ kɔɔ́ ŋániitii fɛ́li ɛ́ɣɛ sítii ti longɔ ngáá ndɛɛ gɔ́ɔ́landai, tɛí lí taa walái ná h̃u kúnafɔ.