TƐSALÓNIKA HESENDAA GƆLƆÍ 4:15 - Kɛ́lɛ Niinaí

¹⁵ Sí vá í ngáá kalambo Ndemɔí Jísu í mbóni kɔwɔ́ato maa hái wa aá wáá ngáá sí, muỹɛ́i a maá ló ndɛɛh̃úi h̃u í ló su Ndemɔí Jísu í vá, ná a maa ɣɛ́a lí ndaaw̃ɛ́ɛ́ma, mɔí lí sítii ngutúwɔ ti háángɔ áá ɣɛ́ lá.

TƐSALÓNIKA HESENDAA GƆLƆÍ 4:15 Iomraidhean Croise

MÁFIYU 17:25

Pítɛ i ti woo yápoteni, i ɣɛ ti w̃a, “Aá fe.” Ná Pítɛ í lɛ́ɛ́ni pɛlɛ́i wu, Jísu i yɛpɛí hése, i ɣɛ ma, “Sáimɔ, bɛɛ́ lɔ í ngáá í gí maa hái? Elení tɔ ngelewu w̃ásangaitii taá pávai gúla ti yaá? Ndɔwɔlɔ́ léndengaitii baa ndɔwɔlɔ véka h̃uu yélaitii?”

KƆ́L̃E HESENDAA GƆLƆÍ 15:18

Ná ná áá ɣɛ́, kɛ sítii kéle tɔ ti ɣɛ́ngɔ laí ngáá Kílisitii í lóngɔ su ti háángɔ kɛ ti betévengɔɔ lé Ngala mba.

KƆ́L̃E GƆ́LƆI HELE KÉLEI 12:1

Yonga tévendai sí ɛi faa vánda fíli kɛ́, kɛ́ nyá ngáá ndí ngú ma ngáá yonga tévendai. Kɛ kíya suú í na nyá ngáá yɛ́pɛ naa kɔwɔ́ato faítii mba Ndemɔí í kúlai ngááh̃u ɛ́ɣɛ sítii ngɔ́ɔ́ gélu ngí náá lɔ.

KƆ́L̃E GƆ́LƆI HELE KÉLEI 4:14

Ní kɔ́lɔ ngáá Ngalá ngí Ndemɔí Jísu wuyoɣéni sái h̃u. Ní kɔ́lɔ múl̃ɔ ngáá kɛ laá lɔ́ɔ vá niỹá bɛ́lɛ nɔ́ ni wúyoɣema saí h̃u kɛ kíya í Jísu wuyoɣéni sái h̃u. Ná vólu, aa va ngáá ni ye kpahangɔ́ wú wá Jísu gakála.

GALÉSIYA 1:12

Ngáá maahɔ́lɔngɔ nuu búsa yaá kɛlaa maa nuu ɔ́ɔ́ ɣɛ́ kálambongɔ la. Kɛ́ Jísu Kílisitii laa gíte lɔ í ngákɛngɔ ngáá ngé kpál̃au.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 5:10

Jísu í haangɔ́ mu haáw̃a ngáá kɛinɔɔ́ ná áá vá bele pá a mu háángɔɔ lé ɔɔ a múỹa lɔ ndɛɛh̃ú h̃u, a mu ɣɛ́ lóów̃a a maá tiyéni ndɛɛh̃ú h̃ú.

TƐSALÓNIKA GƆ́LƆI HELE KÉLEI 2:1

Mu mbála Yála fɛ́li mbélai, niỹá lɔ́ɔ faa lé wú w̃a kɔwɔ́ato mu Lemɔ́i Jísu Kílisitii váálai wá vólu, ɛ́ɣɛ táingi máá vá ndaaw̃ɛ́ɛ́ma.