TƐSALÓNIKA HESENDAA GƆLƆÍ 4:14 - Kɛ́lɛ Niinaí

¹⁴ A mu langɔ́ɔ́ lé lá ngáá Jísu i haaní aáva í mɔ́ɔ́ wuyoɣé sái h̃u. Faalɔ, a mú lángɔɔ lé lá ngáá sítii ti langɔ́ í ɣɛ́ngɔ lá ngáá Jísu í ló sú tí há, Ngala ngáá ti yooɣé sái h̃u, í tí báha Jísu wa.

TƐSALÓNIKA HESENDAA GƆLƆÍ 4:14 Iomraidhean Croise

MÁFIYU 24:31

Búlu wói aa ɣɛ wɔɔlɔ ngwala áá hɛ. Aáva Nuu Búsa Goo H̃ú Loí aa ngi w̃álekaitii tɔve nungái sítii ngelé Ngalá ngí lókolonga ti wa ngáá ngi vóngaa, taá ti gúla ỹanda kpɛ́lɛɛ kpɛ́lɛɛ ngeleí sí wú, tí tí yatɛ́ mba ỹanda yílaa.”

LÓÓMI 14:9

Sí vá tɔ h̃íí bɔw̃álale, Kílisitii i haaní í mɔ́ɔ yooɣé sái h̃u ngáá kɛinɔɔ́ í ɣɛ́ ngáá Ndemɔí saa yeláitii fááw̃a ɛ́ɣɛ sítii tí ndɛɛh̃ú h̃u.

LÓÓMI 8:11

Ngála ngí Jísu yooɣéni sái h̃u ngi Hɛ́ɛ́ma Ỹínangi w̃áá vele w̃a. Ná ngi Ỹínangi ná áá ɣɛ́ wú vólu, kɛ lɛ́i i Jísu Kílisitii yooɣéni sái h̃u, aá lɔɔ vá kɛ́ma ngáá háwu wɛ́i wáá há wú ɣɛ́ ndɛɛh̃úi h̃u ngi Ỹínangi ná w̃áá véle w̃a.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 4:17

Muỹɛ́i va a maa ɣɛ́ nɛ́nɛ ndɛɛh̃úi h̃u, a muỹɛ́ bɛ́lɛ a maá lɛ́ náa mu lɔ́ngɔ mu báha ti wa ngáá a mú Ndemɔí Jísu laaw̃ɛ́ɛ́ ngeleí ya. Aáva ngimɔ́ɔ́ náa a maa ɣɛ́ na Ndemɔí Jísu yelé kúnafɔ.

TƐSALÓNIKA GƆ́LƆI HELE KÉLEI 2:1

Mu mbála Yála fɛ́li mbélai, niỹá lɔ́ɔ faa lé wú w̃a kɔwɔ́ato mu Lemɔ́i Jísu Kílisitii váálai wá vólu, ɛ́ɣɛ táingi máá vá ndaaw̃ɛ́ɛ́ma.

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”