TƐSALÓNIKA HESENDAA GƆLƆÍ 4:13 - Kɛ́lɛ Niinaí

¹³ Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 4:13 Iomraidhean Croise

MÁFIYU 27:52

Kambáitii ndaa í wó, Júsuai sítii kpih̃íw̃aa ti ɣɛ́i ngáá Ngalángi vóngaitii, ti ɣɛ́i náa haaní, tí wuyoɣeni sái h̃ú ndɛɛh̃úi í vú ti h̃u,

NJƆÚ 11:24

Mááta i ɣɛ ma, “Ngí suuwɔlɔ́ ngáá aá lɔɔ vá mɔ́ɔ́ yooɣéma saí h̃u ngetéyangi yakɛ́ɛ́lɛ foloí w̃a.”

TI GƐ́Ɛ́ HAÍTII 13:36

Kɛ Pɔ́ɔ i mɔɔ ndengá i ɣɛ ta, “Masangí Deevé ndá táingi h̃ú sí Ngalá ngi kpatɛní laá Deevé haáw̃a ngáá í kɛ Ngalá mbɛ, i kɛní p̃ɛ́ɛ́ ɔ́ɔ́ ɣɛ́a ha. Tí kpɔluní mbéi tí ngi káwalani kpɔluní na. Laáva í luuláni.

TI GƐ́Ɛ́ HAÍTII 7:60

Kɛ Sitívi i hitɛngá wúmbu yá, í woo gúla gbél̃eiŋ, i ɣɛ ta, “Kɛɛɣɛ́, yaá sítii kpaalɛ hóu kái ti háá ỹɔí sí hááw̃a.” Ná í sí léni, ndií í gúlani náa.

TI GƐ́Ɛ́ HAÍTII 8:2

Sítii tí ngáá Ngalá nduwa mba yélaitii tí Sitívi bɔluní, tí maawɔlɔ́ wó ngáá maaw̃áanu wála.

LÓÓMI 1:13

Mu mbála Yala fɛ́li mbélai, ndóngɔɔ lé gíte wú ɣɛ́ kɔlɔ́ ngáá kuu bih̃íw̃aa w̃aah̃u ngí kpátɛa ngáá ngí vá ngí wú héi heí, kɛ́ faa í lónga víli pílima kɔ́wɔ h̃u í fólo sí h̃úi ɣéle tɔ ma. Ndóngɔɔ lé ngí vá ngí nungáá w̃ááhɔlɔ wú lííwaa tiyá bɛ́lɛ ti ɣɛ́ ngáá Jísu Kílisitii vólu yélaa, kíya nɔ́ɔ ngí kɛ́ngɔ nungáá vékaitii ndiiwáá tiyɛ́i tiyá bɛ́lɛ taa ngáá Júsua.

KƆ́L̃E HESENDAA GƆLƆÍ 10:1

Mu mbála Yalá fɛ́li mbélai, ndóngɔɔ lé wú giséi sí w̃a í híyani ngáá a mu káwalani tiyɛ́i ti hítɛi Muusé vólu. Njɛi bilíí i ɣɛi na íwaa ti w̃ááh̃u béle aáva ti kpɛ́lɛɛ ti ɣɛ́i mbu. Aáva ti kpɛ́lɛɛ ti lɔveí njɛ walái sí liiwaa taa tolí ngáá Yívo Bíỹangi faa fíli aa ɣɛí ngáá ti ye.

KƆ́L̃E HESENDAA GƆLƆÍ 12:1

Mu mbála Yála fɛ́li mbélai, bɛ́lɛ nɛ́nɛ ngí yɛ́pɛ wú yéle kɔwɔ́ato ngenge tókoitii mba Hɛ́ɛ́ma Ỹínangi áá ngákɔlɛ wɔlɛ́. Ndóngɔɔ lé wú ɣɛ́ tɔɔỹái wɔlɔ́ kɔwɔ́ato ti wa.

KƆ́L̃E HESENDAA GƆLƆÍ 15:6

Ná vólu, i mɔ́ɔ gulaní volú yélaa hɔ́ndɔ ndɔ́ɔ́lungɔ yaah̃ú ỹanda yílaa, tiyɛ́i ti híkaw̃aa tí ndɛɛh̃ú h̃u nɛ́nɛ kɛ kíya bɛ́lɛ ti lɛ́ingaa háángɔ.

KƆ́L̃E GƆ́LƆI HELE KÉLEI 1:8

Mu mbála Yalá fɛ́li mbélai, naá lói wɔ́ɔ́ bááh̃aa ɣɛmá faa wɔ́lɔ kɔwɔ́ato faa bámai wa í láni ni w̃a Ésiya lataí ná h̃u. Faa bámai í láni ni w̃a suuwɔ́ɔ́lɔngɔ i ɣɛi lá ngwála ngáá naa í lói té ngáá ní gíkula ni lɛ́ɛ́h̃ui volú.

Ɛ́FƐSƆ 2:12

Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

Ɛ́FƐSƆ 2:3

Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

TƐSALÓNIKA HESENDAA GƆLƆÍ 4:14

A mu langɔ́ɔ́ lé lá ngáá Jísu i haaní aáva í mɔ́ɔ́ wuyoɣé sái h̃u. Faalɔ, a mú lángɔɔ lé lá ngáá sítii ti langɔ́ í ɣɛ́ngɔ lá ngáá Jísu í ló sú tí há, Ngala ngáá ti yooɣé sái h̃u, í tí báha Jísu wa.

TƐSALÓNIKA HESENDAA GƆLƆÍ 4:15

Sí vá í ngáá kalambo Ndemɔí Jísu í mbóni kɔwɔ́ato maa hái wa aá wáá ngáá sí, muỹɛ́i a maá ló ndɛɛh̃úi h̃u í ló su Ndemɔí Jísu í vá, ná a maa ɣɛ́a lí ndaaw̃ɛ́ɛ́ma, mɔí lí sítii ngutúwɔ ti háángɔ áá ɣɛ́ lá.

TƐSALÓNIKA HESENDAA GƆLƆÍ 5:10

Jísu í haangɔ́ mu haáw̃a ngáá kɛinɔɔ́ ná áá vá bele pá a mu háángɔɔ lé ɔɔ a múỹa lɔ ndɛɛh̃ú h̃u, a mu ɣɛ́ lóów̃a a maá tiyéni ndɛɛh̃ú h̃ú.

TƐSALÓNIKA HESENDAA GƆLƆÍ 5:6

Faalɔ, a málaa ɣɛ́ ngáá nungái sítii kɛ kíli, ti ɣɛ kíli gulangɔ́ ngáá nungáá taá ɣɛ́ ỹíí h̃u. Kɛ́ a mu ɣɛ́ yááh̃u húluya, aáva mu ɣɛ́ bɔwɔ́ h̃úúhou kíli wɔlɔ́.

PÍTƐ GƆ́LƆI HELE KÉLEI 3:4

táá ɣɛ́ ta, “Kuulóngi Jísu Kílisitii í mbóni wɔ́lɔ ngáá aá lɔɔ vá yángaimama, bele hɔwɔ́ lɔ́ náá áá hítɛnga hɔ́ɔ? A mu kɛ́ɛ́ɣɛni ti haánga, kɛ́ ná fíli su, faítii kpɛ́lɛɛ tiyá lɔɔ́ ndí nɔ́ɔ ngu ma kíya í ɣɛ́i na wɔ́lɔ í séi ngetéyangi bátɛ sɔ́wɔ w̃a í fólo sí h̃úi w̃a.”

PÍTƐ GƆ́LƆI HELE KÉLEI 3:8

Mu mbála vandáitii, a waa lééw̃a sí w̃a. Ná áá ɣɛ́ ngáá Ndemɔí Jísu ndá hái h̃u, fowó tásu ngiláángi kulangɔ́ɔ́ lé nɔ́ɔ ngáá folo yílaa aáva folo yílaangi vá kulangɔ́ɔ́ lé nɔ́ɔ múl̃ɔ ngáá fowó tásu ngiláá.