TƐSALÓNIKA HESENDAA GƆLƆÍ 4:12 - Kɛ́lɛ Niinaí

¹² Ná lɔ́ áá kɛ sítii taá lái ngáá Jísu Kílisitii taá ngufema hé wú yɛ́. Aáva wɔ́i mɔ́ɔ lokola nuu fíli má wú béɣema háá fíli fááw̃a.

TƐSALÓNIKA HESENDAA GƆLƆÍ 4:12 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:11

Jísu i ti woo yápoteni, i ɣɛ ti w̃a, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ́ ngáá wú ngátɔ mba. Kɛ́ sítii taa ngáá pólu yélaa, ngáá yɛ́pɛ ti yelé faanɛ́ɛ́ngaa h̃u

LÓÓMI 12:17

Ná nuu áá í h̃úúhou kíli ỹɔu wo, yálaa poto kúla ngáá suuhóu kíli ỹɔu wondáá, kɛ́ áá ɣéle, yááyaa sítii kɛ áá ɣɛ́ nuu kpɛ́lɛɛ ngááh̃u ngáá faa vánda.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA HESENDAA GƆLƆÍ 5:22

Aáva sí fíli ɛ́i ɣɛ́ pele w̃a, wú bé ná wa.

TÍMOTI HESENDAA GƆLƆÍ 3:7

Maa w̃ɔ́ɔ́ í ɣɛ́ ngáá nuu sítii kele tɔ tɛí ɣɛ́ ngáá Ngala fɛ́li mbélaa ngufema í ɣɛ́ tí yaá laá fááw̃a kɛinɔɔ́ ngá ngɔ́ɔ́ va wúfe Ngutuwɔ́ Ỹína Nyɔí ɔ́ɔ́ hómbo ma.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 3:1

Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.