TƐSALÓNIKA HESENDAA GƆLƆÍ 4:11 - Kɛ́lɛ Niinaí

¹¹ Wú ɣɛ́ngɔ í ɣɛ́ lá lúúỹaa, wálaa ɣɛ́ wáá víli nungáá hááni su. Wálaa ɣɛ́ ngáá saɣá yélaa, kɛ́ wu ɣɛ́ wáá ngenge mbó ngáá sí wáá lókola ma kíya nɔ́ɔ ní ndéni wú w̃á kílii.

TƐSALÓNIKA HESENDAA GƆLƆÍ 4:11 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:34

Maa hái ɣɛ kíli lɔɔ vá gulamá ngáá siỹɛndópoi í ɣɛ́i áá lí siya má, i ngi vɛ́lɛi lóni ngi yénge mbélai toko h̃u. Í ngengengí he ti yaá léélaa léélaa. Í nde pɛlɛ́ láá w̃ɔ́i w̃a ngáá í pɛ́lɛi laa w̃ááh̃u béle.

TI GƐ́Ɛ́ HAÍTII 18:3

Ná í lííni ti yélengi, i loní ná, sífaa ti ɣɛ́i taá kula ỹɛpɛ́l̃ɛngaa batɛ taá tiyéni, táá maa híya aáva ti lɔ́ngɔ ti yénge tokoí í ɣɛi ngáá ná.

TI GƐ́Ɛ́ HAÍTII 20:35

Faalɔ, sí kínɛi ngí kɛ́ngɔ, ngí ngakɛ́nga ngáá wú ye ngáá ngenge kpákpa talií sí wóndai h̃uu lɔ áá kɛ mú bɔ sítii mba hómbo ngáá ti yɛ́. Mu gi ngí ló ngoí sí h̃u Ndemɔí Jísu í ndéni, í ɣɛ́i ta, ‘Kooh̃unɛɛ wála lɔ faa bɔ́wɔ ɣɛndáá h̃u í lɔ́ve faa bɔ́wɔ w̃aahɔ́lɔndaa wa.’ ”

LÓÓMI 12:11

Wálaa yɔ́ njɔ́, kɛ́ láá ɣéle, wááyaa yénge ngwala ngáá lií kpɛ́lɛɛ Ndemɔí Ngála mbɛ.

LÓÓMI 15:20

Nápa aá lɔ́ nɔ́ɔ ndíí wa ngáá ngí Ngalángi gééla woo vándai le ỹandái mbéitii taá nɛ́ɛ faa wɔ́lɔ ná kɔwɔ́ato Kílisitii wa. Ná vá kɛngɔ́, ɛi mɔɔ ɣɛ ngáá nuu vékaa yénge mbongɔ́ ngɔ́ɔ́ ɣɛ́ nɔ́ɔ ngáá tá héi nda.

KƆ́L̃E HESENDAA GƆLƆÍ 4:12

níwaa w̃ɔ́nɛ ngwala ngáá ni háá álaa ɣɛ́ nuu wá. Ná nungáá taá ni yɛ́ɛ́li, ní hɛ́ɛ́ tí yɛ. Ná taá faa bá nda ni w̃a, ní liilɔ́lɔ nga.

KƆ́L̃E GƆ́LƆI HELE KÉLEI 5:9

Sí ní gi ngí mba aá wáa ngáá ni sí ɣɛ́ áá Ndemɔí liilá. I ɣɛi ngáá ndɛɛh̃úi sí h̃u ɔ́ɔ́ ndɛɛh̃úi ná h̃u áá vá vaamá,

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

TÍMOTI HESENDAA GƆLƆÍ 2:2

Wú Ngala fɛ́li ndɔwɔlɔ w̃ásangaitii mbɛ́ ɛ́ɣɛ tóów̃aa mba yélai kpɛ́lɛɛ kɛinɔɔ́ mú lɛ́ɛ́h̃ui h̃uuhíya lɛ́i lɛ́i ndiiheí h̃u, kɛinɔɔ́ mu ɣɛ́ maá fáitii kɛ Ngalángi lúwambai h̃u ɛ́ɣɛ ngufema véle h̃u.

TÍMOTI HESENDAA GƆLƆÍ 5:13

Taá w̃áá holó lí ngáá lɔve tɔvéndaa pɛlɛ́itii nda, kɛ́ í síɣe bɛ́lɛ ná wa, taá ɣɛ́ taá ndaawó mbó. Ná vólu, táá víli nungáá hááni su ɛ́i ɣɛ́ ngáá ti waaháá.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

PÍTƐ HESENDAA GƆLƆÍ 3:4

Kɛ́ laá ɣéle, wú vángi í ɣɛ́ ngáá kíya wú ná gíte wú líí h̃uu véle. Pangí sí kúnafɔ ngaah̃ú ɛ́i gúla mba, ná wáa ngáá, wú lúva veléi w̃aanɛ́ɛ́ngɔ í ɣɛ́ la, wú ɣɛ́ngɔ lúúỹaa. Ná lɔ́ Ngalá ngáá ngéɣe ngáá ngangímba háá.

PÍTƐ HESENDAA GƆLƆÍ 4:15

Kɛ́ ná maanɔw̃ɔ́ áá lá wú ta fíli ma, álaa la wú w̃a nuu váá fááw̃a ɔɔ ŋuỹá hááw̃a, ɔɔ nyaama gúla fááw̃a, ɔɔ víli fááw̃a nungáá háá h̃u.